សម្រាប់រដូវកាលឆ្នាំ២០២២-២៣ក្លឹបManchester City បានបំបែកកណត់ត្រាជាប់ជាក្លឹបបាល់ទាត់អង់ គ្លេសដ៏ អស្ចារ្យបំផុតមិនធ្លាប់មានបន្ទាប់ពីក្រុមរបស់គេឈ្នះពានរង្វាន់យូហ្វាឆេមពានលីកលើកដំបូងក្នុងប្រវត្តិសាស្ត្រដោយប្រកួតឈ្នះក្រុម Inter ដោយលទ្ធផល១-០កាលពីចុងសប្តាហ៍មុន។
ជ័យជម្នះដ៏តានតឹងរបស់ Man City ក្នុងលទ្ធផល១-០ក្នុងទីក្រុង Istanbul ប្រទេសតួកគីកាលពីថ្ងៃសៅរ៍ បានធ្វើ ឱ្យពួកគេក្លាយជាក្លឹបអង់គ្លេសទីពីរបន្ទាប់ពី Man United ដែលឈ្នះពានរង្វាន់បីដូចគ្នាគឺពានរង្វាន់ប្រឺមីញេលីក, អង់គ្លេសFA Cup និង យូហ្វាឆេមពានលីកក្នុងមួយរដូវកាល។
សម្រាប់រដូវកាលនេះក្លឹបMan City ប្រកួតឈ្នះ៤៤លើក ក្នុងចំណោម៦០ប្រកួតរបស់ពួកគេនៅក្នុងការប្រកួតទាំង អស់នៅរដូវកាលនេះ ដោយបានបញ្ចប់ការឈ្នះជើងឯកប្រឺមីញេលីកបីដងជាប់ៗគ្នានិងឈ្នះ ជើងឯក៥លើកក្នុង រយៈពេល ៦រដូវកាល។
ក្លឹបMan City បានទៅដល់ទឹកដីរបស់ខ្លួនវិញហើយកាលពីថ្ងៃអាទិត្យ ហើយងនិងរៀបចំក្បួនដង្ហែរ រថយន្តក្រុង បើកចំហនៅកណ្តាលទីក្រុង Manchester នៅថ្ងៃចន្ទ(ត្រូវនឹងថ្ងៃអង្គារនៅកម្ពុជា) ដើម្បីអបអរជ័យជម្នះពានរង្វាន់ ទាំងបីរបស់ក្លឹប។
លោកPep Guardiola និងក្រុមនឹងចាកចេញពីដងវិថី Tonman Street, Deansgate នៅម៉ោងប្រហែល ៦និង៣០ នាទីល្ងាចហើយធ្វើដំណើរទៅកាន់ St Mary’s Gate។
បន្ទាប់មកក្បួនដង្ហែនឹងធ្វើដំណើរឆ្លងកាត់ផ្លូវ Cross Street និង King Street មុនពេលបញ្ចប់នៅកាច់ជ្រុងផ្លូវ Princess និង Portland Street ។
អ្នកចាត់ការក្រុម Man City លោក Pep Guardiola បាននិយាយថា ការឈ្នះពាន ឆេមពានលីកវគ្គផ្តាច់ព្រ័ត្រលើ ក្រុម Inter Milan ដែលធានាបាននូវពានរង្វាន់បីក្នុងរដូវកាលតែមួយត្រូវបាន “សរសេរក្នុងប្រវត្តិសាស្ត្រ៕