ទូរទស្សន៍ Sport1 បានរាយការណ៍កាលពីថ្ងៃព្រហស្បតិ៍ទី២៩ខែមិថុនាឆ្នាំ២០២៣ថាក្លឹបBayernបានឈានដល់ កិច្ចព្រមព្រៀងមួយដើម្បីចុះហត្ថលេខាទិញខ្សែការពាររបស់Kim Min Jae របស់ក្លឹបNapoli ។
យោងតាមរបាយការណ៍ខាងលើបានឲ្យដឹងថាកីឡាកររូបនេះមានតម្លៃខ្លួនជាង៧០លានដុល្លារ ។ ចំណែកឯដេ លីម៉េលបានរាយការណ៍ថាខ្សែការពាររូបនេះត្រូវបានគេរំពឹងថានឹងចុះហត្ថលេខាលើកិច្ចសន្យារយៈពេល ៥ ឆ្នាំជាមួយក្លឹបBayernនិងទទួលបានប្រាក់ឈ្នួនចន្លោះពី១០លាន លានទៅ ជាង១៣លានដុល្លារក្នុងមួយរដូវកាល ។
កិច្ចព្រមព្រៀងរវាងកីឡាករនិងក្លឹបត្រូវបានរំពឹងថានឹងប្រកាសនៅសប្តាហ៍ក្រោយ។Kim មានកុងត្រាជាមួយ Napoli ដែលបានឈ្នះជើងឯក Serie A ជាលើកដំបូងចាប់តាំងពីឆ្នាំ ១៩៩០ក្នុងរដូវកាលមុន រហូតដល់ខែមិថុនា ឆ្នាំ ២០២៥ ។
គាត់បានមកដល់ប្រទេសអ៊ីតាលីកាលពីមួយឆ្នាំមុនពី ក្លឹបFenerbahce របស់ប្រទេសតួកគី។ ពេលនេះគាត់កំពុង បំពេញកាតព្វកិច្ចយោធានៅកូរ៉េខាងត្បូង៕