ភ្នំពេញ៖រូបវីដេអូមានរយៈពេលចំនួន ០,២២នាទី ដែលត្រូវបានគេចែកចាយ(Share) នៅលើបណ្ដាញសង្គមហ្វេសបុកចេញពីគណនេយ្យឈ្មោះSophea Marain ដោយដាក់ចំណងជើងលើរូបភាពនោះថា”អ៊ីពិធីការិនីខ្មឺត សាហាវ “នោះត្រឹមតែរយៈពេលតែ១ថ្ងៃប៉ុណ្ណោះមានអ្នកចូលទស្សនាចំនួន1,7 M Views ដោយមានអ្នកShare ចំនួន752 និង ខមិនចំនួន1,3k នៅលើវីដេអូ១នេះ គិតត្រឹមថ្ងៃទី២៦ កក្កដា ។រូបភាពទាំងនោះបញ្ជាក់ថាពិធីការិនីចាន់ កែវនិមល ហាក់មិនផ្ដល់ឱកាសគ្រប់គ្រាន់ដល់បេក្ខជនលោកព្រហ្ម ថារ័ត្ន ដែលជាកូនក្រុមរបស់លោកឆន សុវណ្ណារាជ និយាយថ្លែងអំណរគុណទៅអ្នកគាំទ្ររបស់ខ្លួន ក្រោយរូបគេបានយកឈ្នះទៅលើដៃគូប្រកួតបេក្ខជនវ៉ាត វ៉ាន់ ក្នុងវគ្គThe Battles Week 2 កម្មវិធីThe Voice Cambodia Season 3 ។
មានការជជែកគ្នាច្រើននៅលើបណ្ដាញសង្គមថាពិធីការិនីធ្វើការក្រោមការគ្រប់គ្រងរបស់អ្នកផលិតកម្មវិធីពោលគឺបើគ្មានសញ្ញាណាមួយពីអ្នកដឹកនាំឲ្យបញ្ឈប់ បេក្ខជនដែលកំពុងតែនិយាយព្រោះសម្អាងថាពេលវេលាមានកំណត់នោះពិធីករ ឬពិធីការិនីគូរតែទុកពេលឲ្យបេក្ខជនបាននិយាយសារទៅកាន់Fan របស់ខ្លួនឲ្យស្មើៗគ្នាទើបបង្ហាញពីសុក្រិតភាព។ប៉ុន្ដែអ្នកនាងចាន់ កែវនិមល ហាក់ដូចជាកំពុងដើរតួនាទីជាពិធីការិនីផង និងជាអ្នកដឹកនាំកម្មវិធីផងតាមរយៈវីដេអូរយៈពេលខ្លីដែលត្រូវបានចែកចាយនៅលើបណ្ដាញសង្គមយ៉ាងក្ដៅគគុកនោះ។ហ្វេសបុកឈ្មោះHelen Sirdy ខមិនលើវីដេអូ នោះថា”គេមិនឲ្យនិយាយផង គេឲ្យអ្នកធ្លាក់និយាយ”។Sophea Marin បានតបខមិននោះថា”និយាយតិចតួច វាមិនខាតអីទេ”។
សូមបញ្ជាក់ថាពិធីការិនីចាន់ កែវនិមល បានបាត់បង់តំណែងជាMC ធំៗស្ទើតែទាំងស្រុងនៅហង្សមាសបន្ទាប់ពីនាងបែកធ្លាយរឿងស្នេហាជាមួយលោកជា វិបុល ស្វាមីអ្នកនាងគង់ សុជាតិ កាលពីពាក់កណ្ដាលឆ្នាំ២០២០ នាំឲ្យផ្អើលមហាជនទូទាំងប្រទេស។កម្មវិធីដែលកែវនិមល មិនអាចរក្សារកៅអីជាពិធីការិនីបាននោះមានដូចជាCambodian Idol ,The Voice Kids Cambodia និងបណ្ដារកម្មវិធីសំខាន់ៗមួយចំនួនទៀតរបស់ហង្សមាស។
ប្រភពបានឲ្យដឹងថាក្រោយរបូតបាត់តំណែងធំៗខាងលើរបស់ហង្សមាសនេះអ្នកនាងកែវនិមល ប្រឈមការធ្លាក់កូដជាងមុនហើយនាងក៍មិនសូវចេញមុខច្រើនតាមបណ្ដារកម្មវិធីនៅខាងក្រៅដែលរៀបចំដោយក្រុមAgency ច្រើនដូចមុនមានរឿងអាស្រូវស្នេហានេះដែរ ខណៈដែលថៅកែហង្សមាសមិនអនុញ្ញាត្តិឲ្យនាងចាប់ដៃស្វាមីគង់ សុជាតិ ដូចមុនទៀតឡើយ ទើបពេលនេះគេឃើញនាងងាកទៅឆ្លងឆ្លើយជាមួយពិធីករមួយចំនួនទៀតដូចជាលោកសុខ រ៉ាសី និងនាង វ៉ាន់សាន់ ជាដើម។យ៉ាងណាការលេចមុខជាថ្មីរបស់អ្នកនាងកែវនិមល ក្នុងកម្មវិធីThe Voice Cambodia រដូវកាលទី៣ នេះមិនទាន់ទាំងតំណើរការចប់រដូវកាលថ្មីផង ប៉ុន្ដែអ្នកនាងនិមល ត្រូវបានអ្នកលេងបណ្ដាញសង្គមធ្វើការរិះគន់ទៅលើចំណុចដែលនាងនិយាយកាត់ ឬហាក់ដូចជាបញ្ឈប់សកម្មភាពបេក្ខជនដែលចង់និយាយថ្លែងអំណរគុណទៅFan របស់គេទៅហើយ ដែលចំណុចនេះត្រូវបានគេមើលឃើញថាហាក់ដូចជាមិនសមរម្យក្នុងនាមជាពិធីការិនីអាជីពប្រសិនបើគ្មានសញ្ញាពីក្រុមDirector ហើយទស្សនិកជនចង់ឃើញនាងកែប្រែចំណុចទាំងនោះនាពេលក្រោយ។
សូមរំលឹកថាចាន់ កែវនិមល ធ្លាប់ត្រូវបានគេចាត់ទុកថានាងឈក្នុងលំដាប់ពិធីការិនីជូរមុខអំឡុងពេលដែលនាងចាប់ដៃជាមួយលោកជា វិបុល តាមកម្មវិធីលំដាប់អន្ដរជាតិជាច្រើននៅហង្សមាស។ប៉ុន្ដែក្រោយនិមល ផ្ទុះរឿងអាស្រូវស្នេហាជាមួយប្ដីអ្នកនាងសុជាតិ លោកវិបុល ធ្វើឲ្យមហាជនស្រឡាំងកាំងគ្រប់គ្នាកាលពីជាង២ឆ្នាំមុននោះ ហើយមានព័តមានថាថៅកែហង្សមាសលែងសូវផ្ដល់ទំនុកចិត្តដល់នាងដូចដើមតាមរយៈការផ្ដល់ការងារមួយចំនួនដែលនាងធ្លាប់កាន់ទៅពិធីការិនីផ្សេងៗដូចជានាងថន លក្ខិណា និងសោម ស្រីនាថ ជាដើមហើយឃើញថាអ្នកថ្មីក៍អាចបំពេញតួនាទីបានយ៉ាងល្អនោះមកអ្នកនាងនិមល លែងសូវលេចធ្លោដូចមុនទៀត។សម្រាប់មហាជនរងចាំមើលថាក្រោយអ្នកនាងនិមល ត្រូវបានអ្នកលេងបណ្ដាញសង្គមជាច្រើនចាត់ទុកនាងថា”ខ្មឺត”បែបនេះកែវនិមល នៅតែរក្សារតំណែងមួយនេះបានទៀត ឬមានការប្រែប្រួលយ៉ាងណា?
លោកវណ្ណា អ្នកគ្រប់គ្រងកម្មវិធីThe Voice Cambodia មិនអាចទាក់ទងបានទេកាលពីព្រឹកថ្ងៃទី២៦ កក្កដា ព្រោះទូរស័ព្ទលោកតេមិនចូល។ចំណែកអ្នកនាងកែវនិមល ដែលធ្លាប់បដិសេធការសម្ភាសន៍ជាមួយអ្នកកាសែតក្រោយល្បីកក្រើករឿងមានស្នេហាក្រៅឆាកជាមួយស្វាមីសុជាតិ កាលពីឆ្នាំ២០២០ នោះនៅលើហ្វេសបុកនាងនៅថ្ងៃដដែលនេះគេមិនទាន់ឃើញពិធីការិនីរូបនេះឆ្លើយតបការចែកចាយនៅលើហ្វេសបុករឿងគេហៅនាងថា”ខ្មឺត”នោះទេ៕
