ភ្នំពេញ៖ស្រីស្អាតធ្មេញចំពើសនាងហ៊ិន ច័ន្ទនីរ័ត្ន បានបង្ហាញគូស្នេហ៍ថ្មីជាមួយលោកគ្រូពេទ្យវ័យក្មេងសុវណ្ណារិទ្ធ ១ប្រាវក៍ស្ងាត់ទៅវិញឈឹង ដែលសកម្មភាពបែបនេះនាំឲ្យគេសន្និដ្ឋានថាទំនាក់ទំនងរវាងនាងនិងប្រុសស្នេហ៍ថ្មីនេះមិនទាន់ច្បាស់លាស់និងគ្នា១០០% ឡើយ ពោលគឺស្ថិតក្នុងតំណាក់កាលពិសោធន៍ស្នេហ៍ប៉ុណ្ណោះ។តែខ្លះថាដោយសាតែច័ន្ទនីរ័ត្ន មិនចង់ឲ្យប៉ៈពាល់ដល់អាជីពសិល្បៈរបស់ខ្លួនទើបនាងផ្អាកកៀកកើយលោកគ្រូពេទ្យជាចំហ ខណៈដែលទំនាក់ទំនងនាងជាមួយបុរសវ័យ៣១ឆ្នាំ ពោលគឺប្អូននាង១ឆ្នាំនោះនៅតែរលូនល្អធម្មតា គ្រាន់តែនាងលែងបង្ហាញឲ្យគេឃើញ។
អ្វីដែលគូរឲ្យកត់សម្គាល់អំឡុងពេលដែលរឿងស្នេហារបស់ហ៊ិន ច័ន្ទនីរ័ត្ន និងលោកសុវណ្ណារិទ្ធ បាត់បង់ភាពផ្អែមល្ហែមជាសាធារណៈដូចមុនទៀតនេះ គេឃើញនាងក៍កម្រនឹងស្និតស្នាលជាមួយលោកសេង មង្គល(ហូរ ប៉ូសេង)ដូចមុនទៀតដែរ បន្ទាប់ពីបុរសសាច់ដុំណែនរូបនេះចូលកាន់តែកៀកជាមួយអ្នកមេម៉ាយទ្រព្យស្ដុកម្នាក់ ទើបអ្នករួមអាជីពលាន់មាត់ថាពិធីការិនីធ្មេញចំពើសរូបនេះពិតជាចម្លែកមែនពោលគឺបើត្រូវបង្ហាញឲ្យឃើញទំនាក់ទំនងយ៉ាងរ៉ូមែកទិករបស់នាងជាមួយលោកសុវណ្ណារិទ្ធ នោះក៍នាងត្រូវផ្សារភ្ជាប់ជាមួយលោកមង្គល ដែរ តែបើលែងក្វល់ក៍អត់រវល់ទាំងពីរតែម្ដង។
ហ៊ិន ច័ន្ទនីរ័ត្ន បានបង្ខំចិត្តលាតត្រដាងរឿងស្នេហាជាមួយលោកគ្រូពេទ្យសុវណ្ណារិទ្ធ ក្រោយពីមានការបណ្ដុះបង្អាប់ថារូបនាងស្រស់ស្អាតប៉ុណ្ណឹងដែរមិនគូណាប្រុសរូបសង្ហារលោកមង្គល មើលនាងរំលងហើយបែជាទៅបេតីមេម៉ាយបែបនេះសោះ។ប៉ុន្ដែច័ន្ទនីរ័ត្ន ធ្វើឲ្យគេភ្ញាក់ផ្អើលព្រោះនាងក៍អាចរកបានសង្សារស្អាតមិនចាញ់លោកសេង ដែរគ្រាន់តែមុននេះនាងមិនចង់បញ្ចេញឲ្យគេឃើញប៉ុណ្ណោះ។Fan របស់ពិធីការិនីធ្មេញចំពើសនាងហ៊ិន ច័ន្ទនីរ័ត្ន បានលើកឡើងថាតារារូបនេះស្នេហាតែប្រុសស្អាត សង្ហារទេ បើបុរសវ័យចំណាស់ទោះជាមានទ្រព្យយ៉ាងណាក៍ក៍នាងមិនបេតីដែរដែលការលើកឡើងបែបនេះហាក់មិនខុសនោះទេ ព្រោះបុរសដែលធ្លាប់ពាក់ព័ន្ធស្នេហាជាមួយនាងច័ន្ទនីរ័ត្ន នាពេលកន្លងមកភាគច្រើនគឺជាប្រុសស្អាតដូចគេថាមែន។ប៉ុន្ដែការបរាជ័យជាបន្ដបន្ទាប់របស់នាងច័ន្ទនីរ័ត្ន ក្នុងរឿងស្នេហាហើយអំឡុងពេលដែលនាងកំពុងតែផ្អែមល្ហែមស្នេហ៍ជាមួយលោកគ្រូពេទ្យដោយសាងអនុស្សាវរីយ៍ទាំងក្នុងនិងក្រៅស្រុក ហើយក៍បាត់ទៅវិញបែបនេះធ្វើឲ្យអ្នករួមអាជីពនិងអ្នកគាំទ្រនាងបារម្ភខ្លាចតែស្រីស្អាតដើរតាមដានស្នេហ៍ចាស់ម្ដងទៀត ព្រោះបើរឿងនេះកើតលើនាងជាថ្មីនោះច្បាស់ណាស់ថានាងប្រាកដជាត្រូវបានគេចាត់ទុកជាតារាអភ័ព្វស្នេហ៍ដោយគេចមិនរួចឡើយ ព្រោះតាមព័តមានថានាងបានចែកផ្លូវាមួយគូស្នេហ៍មិនក្រោម៥លើកនោះទេ។តែអ្វីដែលចម្លែកគឺនីរ័ត្ន មិនដែលបង្ហូរទឹកនេត្រាឲ្យគេឃើញជាចំហថានាងមានវិបត្ដិស្នេហ៍ម្ដងណាទេ ដែលចំណុចនេះគេអាចសន្និដ្ឋានបានថានោះមកពីនាងមានជម្រើសស្នេហ៍ច្រើននោះឯង ព្រោះមានបុរសជាច្រើននៅតែចង់ធ្វើជាម្ចាស់ចិត្តនាង។
ហ៊ិន ច័ន្ទនីរ័ត្ន បាត់មុខពីការថតMV ស្ទើតែទាំងស្រុងដោយនាងធ្លាប់ប្រាប់ថានាងទទួលថតបទថ្មីៗលុះត្រាតែបទនោះនាងពេញចិត្តដែរ។ប៉ុន្ដែរយៈពេលចុងក្រោយនេះគេឃើញអតីតFreshie កាលពីឆ្នាំ២០០៧ រូបនេះ ឆក់បានតួឯករឿងមួយៗសុទ្ធតែជាប្រភេទភាពយន្ដធំនិងបានតម្លៃខ្លួនខ្ពស់ជាងទៀតផង ខណៈដែលកាលពីឆ្នាំមុននាងធ្លាប់កំណត់តម្លៃខ្លួនថាការសម្ដែងភាពយន្ដបើថត១រឿងមិនបាន៥ពាន់ដុល្លារនោះនាងមិនទទួលទេ។ផលិតករខ្លះថាច័ន្ទនីរ័ត្ន ស៊ីថ្លៃខ្ពស់ពេកពួកគេគ្មានលទ្ធភាពជួលនាងទេ ប៉ុន្ដែបើគេគិតថានាងជាតួសម្ដែងលំដាប់Grade A ហើយប្រៀបធៀបជាមួយតារាចម្រៀងលំដាប់Grade A ដែរនោះតម្លៃនេះមិនថ្លៃឡើយ ព្រោះថាអ្នកចម្រៀងច្រៀងតែ៥ទៅ៦បទក្នុង១កម្មវិធីស៊ីថ្លៃពី៥ពាន់ទៅ១ម៉ឺនដុល្លារ តែតារាសម្ដែងថតរឿងខ្លះប្រើពេលមានដល់ទៅកន្លះឆ្នាំហើយមានប្លង់មួយចំនួនឈានដល់ទៀបភ្លឺក៍មានតែថវិការដែលពួកគេទទួលបានស្មើតារាចម្រៀងល្បីខ្លាំងប្រើពេលតែ១ម៉ោងប៉ុណ្ណោះ។ចំពោះនាងច័ន្ទនីរ័ត្ន វិញប្រសិនបើនាងចង់ឈប់លេងសិល្បៈដោយដេកតែចាយលុយនោះគឺគ្មានបញ្ហាឡើយចំពោះរូបនាងព្រោះនាងមានជម្រើសស្នេហ៍ច្រើន តែស្រីស្រស់មិនដើរផ្លូវធ្វើជាជំទាវលាក់មុខបែបនេះទេ ហើយទីបំផុតនាងនៅតែរក្សារគោលការណ៍ចាស់ ពោលគឺអ្នកណាៗក៍បានដឹងដែរថានាងស្រលាញ់តែប្រុសក្មេងរូបសង្ហារ ផាត់ចោលសំណើរស្នេហាតាតាសម្បូរលុយដុល្លារ។
ក្រៅពីនាងហ៊ិន ច័ន្ទនីរ័ត្ន តារាសាងស្នេហាមិនបើកចំហនៅឆ្នាំ២០២៣ នេះមានដូចជានាងឌួង ហ្សូរីដា ,សុខ ពិសី ,រ៉េត ស៊ូហ្សាណា ,តន់ ច័ន្ទសីម៉ា និងអ្នកមេម៉ាយសុខ សោម៉ាវត្តី ជាដើម៕
