Nottingham បានចុះហត្ថលេខាទិញខ្សែប្រយុទ្ធស៊ុយអែត Anthony Elanga ពីក្លឹបបិសាចក្រហម Man United ក្នុងកិច្ចសន្យារយៈពេល ៥ ឆ្នាំ។នេះបើយោងតាមការប្រកាសរបស់ក្លឹបកាលពីថ្ងៃពុធទី ២៦ កក្កដាឆ្នាំ ២០២៣ ។គាត់បានចូលរួមជាមួយក្រុមរបស់លោក Steve Cooper បើទោះបីជាមានការចាប់អារម្មណ៍ពីក្លឹប នានាក្នុងប្រ ទេសអាល្លឺម៉ង់និងEvertonដែលElangaជិតនឹងចូលរួមជាមួយក្នុងលក្ខខណ្ឌខ្ចីជើងកាលពីខែមករា។
កីឡាករវ័យ ២១ឆ្នាំរូបនេះបានផ្លាស់ពីពហុកីឡដ្ឋាន Old Trafford មករស់នៅជាមួយ Forest ជាមួយនឹងតម្លៃខ្លួន ជិត២០លាន ។
Elanga បាននៅជាមួយ United តាំងពីគាត់មានអាយុ ១២ ឆ្នាំ ហើយបានជោគជ័យក្នុងក្រុមឈុតធំដំបូងនៅឆ្នាំ ២០២១ ដោយឈានដល់ការបង្ហាញខ្លួន៥៥ដង ។
កីឡាកររូបនេះបាននិយាយថា វារីករាយណាស់ដែលបាននៅទីនេះ។ វាជាពេលវេលាដ៏មានមោទនភាពមួយ មិនត្រឹមតែសម្រាប់ខ្ញុំប៉ុណ្ណោះទេប៉ុន្តែសម្រាប់គ្រួសាររបស់ខ្ញុំផងដែរ។
Elanga បានចូលរួមក្នុងដំណើរប្រកួតទេសចរណ៍មុនបើករដូវកាលរបស់Unitedនៅសហរដ្ឋអាមេរិកប៉ុន្តែ បានធ្វើ ដំណើរត្រឡប់ទៅវិញដើម្បីបញ្ចប់ការផ្លាស់ប្តូរនេះ ហើយក្លាយជាកីឡាករចុះហត្ថលេខានៅរដូវក្តៅទីពីររបស់ Forest បន្ទាប់ពីខ្សែការពារ Ola Aina ៕