ភ្នំពេញ៖រយៈពេលជាងកន្លះឆ្នាំមកហើយដែលស្រីស្អាតរ៉េត ស៊ូហ្សាណា បង្ហាញអារម្មណ៍ឯកាខ្លាំងពោលគឺទោះជានាងព្យាយាមទៅម្សាន្ដនៅបរទេសញឹកញាប់យ៉ាងណាក៍មិនហាក់មិនសូវរីករាយទាល់តែសោះ,តើហេតុអី្វទៅបានជាស្រីស្អាតប្រែប្រួលបែបនេះ?ការផ្លាស់ប្ដូររបស់នាងហ្សាណា នាពេលនេះច្បាស់ណាស់ថានាងលែងហ៊ានបង្ហាញសកម្មភាពស្អិតស្នេហ៍ជាមួយអ្នកកំលោះសុវត្ថិ មុនីនាគ ដែលជាកូនលោកឧកញ៉ាព្រាប សុវត្ថិ ជាង៧ខែទៅហើយក្រោយលោកជំទាវឡុង ស្រីមុំ បានប្រកាសជាសាធារណៈថាកូនទី២របស់លោកស្រីគ្មានពាក់ព័ន្ធស្នេហាជាមួយស៊ូហ្សាណា ដូចគេសង្ស័យនោះទេ។ភរិយាលោកឧកញ៉ាព្រាប សុវត្ថិ រូបនេះបានប្រាប់ថាចំពោះមូលហេតុដែលលោកស្រីចេញមុខនិយាយរឿងនេះគឺដោយសារតែមានបារម្ភខ្លាចនារីទាំងឡាយលែងហ៊ានស្រលាញ់មុនីនាគ តទៅទៀតព្រោះគេច្រឡំថាកូនប្រុសជាសង្សារហ្សាណា អីចឹងលោកស្រីត្រូវតែជម្រះរឿងមួយនេះ។
ក្រោយការបញ្ជាក់ច្បាស់ៗបែបនេះរបស់លោកជំទាវឡុង ស្រីមុំ គេកត់សម្គាល់ថានាងហ្សាណា រក្សារភាពស្ងៀមស្ងាត់ គ្មានប្រតិកម្មអ្វីទាំងអស់ ប៉ុន្ដែដំណើរកម្សាន្ដជាលក្ខណៈឯកជនរបស់ហ្សាណា ជាមួយមុនីនាគ ដូចពីមុនមានដូចជាពួកគេញាំអារហារ និងថតលេងក្បាច់រាំតាមTik Tok ជាមួយគ្នានោះត្រូវបានកាត់ផ្ដាច់ទាំងស្រុងតែម្ដងទើបទំនាក់ទំនងរបស់អ្នកទាំងពីរមិនអាចវិលទៅដូចដើមជាដាច់ខាត។Fan របស់ហ្សណា ជាច្រើនបានដឹងថាស្រីស្អាតធ្មេញចំពើសរូបនេះមានជម្រើសស្នេហ៍ច្រើន ព្រោះបុរសមិនតិចនាក់ទេរងចាំចម្លើយស្នេហាពីនាង ហើយពួកគេចង់ឲ្យនាងមានភាពក្លាហានហ៊ានបណ្ដើរគូស្នេហ៍ជាសាធារណៈទៅ ប៉ុន្ដែរហូតមកដល់ពេលនេះអតីតបេក្ខភាពThe Voice Cambodia រដូវកាលទី២រូបនេះនៅតែមិនព្រមបញ្ចេញមុខម្ចាស់ស្នេហ៍ថ្មីដដែល បើទោះជាកាលពីដើមឆ្នាំ២០២០ នាងធ្លាប់បង្ហាញសញ្ញាមានគូស្នេហ៍តាមរយៈការកាន់ដៃប្រុសម្នាក់ដោយបិតមុខប្រុសនោះក្ដី ប៉ុន្ដែតាំងពីពេលនោះមកហ្សាណា អត់ដែលបញ្ចេញតម្រុយស្នេហានាងជាថ្មីទៀតឡើយ។អ្វីដែលគូរឲ្យតក់សម្គាល់ក្រោយនាងឈជើងក្នុងសិល្បៈរយៈពេលជាង៧ឆ្នាំមកនេះពោលគឺសឹងតែគ្រប់កម្មវិធីទាំងអស់ហ្សាណា ត្រូវបានឪពុកម្ដាយតាមនាងជាប់ជាប្រចាំ ហេតុនេះហើយធ្វើឲ្យបុរសដែលចង់ចែចង់នាងតាមផ្លូវកាត់នោះគឺពិតជាមិនអាចនឹងទៅរួចនោះទេ។
ប្រភពបានឲ្យដឹងថារ៉េត ស៊ូហ្សាណា អាចនឹងក្លាយទៅជាជំទាវភ្លាមប្រសិនបើនាងព្រមភ្ជាប់ស្នេហ៍ជាមួយមន្ត្រីធំណាម្នាក់ ឬឧកញ៉ាដែលតាមស្នេហ៍នាងនាពេលកន្លងមកនេះ តែស្រីសស់រូបនេះសូម្បីតែទូរស័ព្ទក៍មិនត្រូវបានម្ដាយនាងឲ្យនិយាយជាមួយបុរសណាក្រៅរង្វង់សិល្បៈផង និងមានព័តមានខ្លះថាក្រុមគ្រួសារនាងមិនអនុញ្ញាត្តិឲ្យហ្សាណា លេងសិល្បៈជាបន្ដទៀតនោះទេ ប្រសិនបើនាងប៉ៈរឿងអាស្រូវស្នេហាណាមួយនោះ ហេតុនេះបុរសដែលអាចមានឱកាសចូលមកនែបនិត្យកាយ៉ាស្រីស្អាតជំនួសកូនលោកឧកញ៉ាព្រាប សុវត្ថិ នោះរហូតមកដល់ពេលនេះគេនៅតែមិនទាន់រកឃើញមុខដដែល។ប៉ុន្ដែការមានទ្រព្យសម្បត្តិយ៉ាងលឿនរហ័សរបស់នាងហ្សាណា ដូចជានាងត្រូវបានគប្រមាណថាមានទ្រព្យមិនក្រោមកន្លះលានដុល្លារ ដោយផ្ដោតលើការទិញបានផ្ទះ២ជុង រថយន្ដទំនើបម៉ាកJeep Rubicon និងហាងសម្លៀកបំពាក់ជសដើមនោះអ្នកខ្លះនៅតែសង្ស័យថាស្រីស្អាតរូបនេះមិនមែនបេះដូងទំនេរនោះទេ គ្រាន់តែនាងចង់លាក់បាំងរឿងស្នេហាប៉ុណ្ណោះ។
តែតាមប្រភពពីតារាជិតដិតហ្សាណា បង្ហើបថានារីធ្មេញចំពើសរូបនេះក្រុមគ្រួសារនាងមានជីវភាពធូធារតាំងពីមុននាងលេងសិល្បៈម្លេះ ហើយការរកប្រាក់ចំណូលពីការច្រៀងសម្ដែងរបស់បូកនិងស្ពតពាណិជ្ជកម្មធំៗនោះគេជឿរថានាងពិតជាអាចសល់លុយរាប់ម៉ឺនដុល្លារក្នុង១ឆ្នាំៗមែន ហេតុនេះបើដាក់ការសង្ស័យថានាងមានគូស្នេហ៍ជួយឧបត្ថម្ភនៅក្រោយខ្នងនោះ មិនទាន់មានភស្ដុតាងគ្រប់គ្រាន់សម្រាប់ដាក់បន្ទុកលើស្រីស្អាតរូបនេះឡើយ។
រ៉េត ស៊ូហ្សាណា ធ្លាប់ជោគជ័យគូរសមពេលចាប់ដៃជាមួយសុវត្ថិ មុនីនាគ ច្រៀងសម្ដែងបទ”សុំខុសមួយយប់” តែក្រោយពីមុនីនាគ លែងជាដៃគូរបស់នាងទៀតគេឃើញនាងងាកទៅចាប់ដៃជាមួយលោកលឹម តិចម៉េង មួយប្រាវក៍ស្ងាតទៅវិញ។ការមិនសូវមានបទល្បីៗដូចមុនរបស់នាងហ្សាណា នាពេលនេះគឺដូចគ្នាទៅនិងតារាផ្នែកយុវវ័យផ្សេងៗទៀតមាននាងតន់ ច័ន្ទសីម៉ា និងយូរី ជាដើមក៍លែងសូវមានបទផ្ទុះដូចគ្នាដែរ ហេតុនេះធ្វើឲ្យនាងហ្សាណា នៅតែរក្សារលំនឹងបានក្នុងនាមជាតារាស្រីមានយីអ៊ុនល្អជាងគេនៅហង្សមាស បើទោះជានាងមិនទាន់ត្រូវបានថៅកែទុកចិត្តផ្ដល់តំណែងឲ្យនាងឡើងអង្គុយកៅអីជាCoach និងJudge ដូចរៀមច្បងក្ដី៕
