ភ្នំពេញ៖អ្នកនាងខាត់ សុឃីម បានលេង១ក្បាច់ទៀតនោះគឺការទិញLexus Lx 600 តម្លៃជាង២០ម៉ឺនដុល្លារ ព័ណខ្មៅ ដ៍ថ្មីសន្លាងអំឡុងពេលដែលមនុស្សភាគច្រើនកំពុងជួបវិបត្តិសេដ្ឋកិច្ចនៅឆ្នាំ២០២៣ ខណៈដែលមុននេះនាងបានទិញLexus Lx 570 ទើបជិះបានជាង១ឆ្នាំក៍លក់ចោល។សុឃីម បានចាត់ទុកថាការទិញបានLexus Lx600 នេះជាក្ដីស្រម៉ៃ ក្លាយទៅជាការពិត ព្រោះនាងស្រលាញ់ឡាននេះជាយូមកហើយ តែមុននេះលុយ មិនទាន់គ្រប់ ប៉ុន្ដែពេលសន្សំបានភ្លាមទិញភ្លែតតែម្ដង។អ្នកនាងសុឃីម ក៍មិនភ្លេចអរគុណដល់ស្វាមីនាងដែលបានគាំទ្រការដែលនាងចំណាយលុយជិត៣០ម៉ឺនដុល្លារ ដែលប្រាក់នេះអាចទិញបានផ្ទះវីឡារមួយយ៉ាងប្រណិតមួយនោះយកមកទិញរថយន្ដទំនើបមួយគ្រឿងជិះយ៉ាងកាលីពនាពេលនេះដែរ ខណៈដែលនាងនិងស្វាមីត្រូវហោះទៅអាមេរិករយៈពេល៣សប្ដាហ៍ដើម្បីជួបជុំម្ដាយ និងប្អូនស្រីនាងកំពុងរស់នៅទីនោះ នឹងឆ្លៀតច្រៀងសម្ដែងសិល្បៈពេលខ្លីផងដែរ។
តាមព័តមានថាក្រៅពីមានបំណងចង់ជិះរថយន្ដដ៍ទំនើប១គ្រឿងនេះជាយូរមកហើយនោះអ្នកនាងខាត់ សុឃីម ក៍ចង់បង្ហាញទៅអ្នកមើលងាយនាងទាំងឡាយឲ្យបានភ្លឺភ្នែកដែរថាតាមពិតនាងមិនមែនធ្លាក់ខ្លួនដូចគេម៉ៃនោះទេ គឺនៅតែមានលុយ បើអត់លុយ ម៉េចមានលទ្ធភាពឯណា ទៅទិញរថយន្ដថ្លៃបែបនេះជិះបានទៅ?តែគេមិនដឹងថាអ្នកណាខ្លះនៅតែហ៊ានឌឺដង ឬមើលស្រាលសុឃីម នោះទេ ព្រោះថាក្រោយស្ងប់ស្ងាត់កូវីដនេះអ្នកនាងតែងតែបង្ហាញឲ្យគេភ្ញាក់ផ្អើលតាមរយៈការពាក់គ្រឿងអលង្ការជាមាសពេជ្រ ធំៗបន្ទាប់ពីនាងក្លាយទៅជាថៅកែហាងរក្សារសម្រស់មួយ។
ខាត់ សុឃីម ត្រូវបានគេចាត់ទុកថាជាតារាមានទ្រព្យច្រើនក្នុងចំណោមអ្នកនាងយុគ ចិន្ដា ,គង់ សុជាតិ ,កែវ ស្រីនាង ,ព្រាប សុវត្ថិ និងខេមរៈ សិរីមន្ដ ជាដើម។ប៉ុន្ដែកាលពីដើមខែកញ្ញា ឆ្នាំ២០២១ សុឃីម បានទម្លាយថានាងចាញ់បោកឧកញ៉ាម្នាក់អស់លុយជិត១លានដុល្លារឯណ្ណោះ ហើយនាងបានប្រាប់ពីវិធីបោករបស់ឧកញ៉ារូបនោះដើម្បីកុំឲ្យអ្នកផ្សេងៗទៀតរងគ្រោះដូចរូបនាងដែរ។ប៉ុន្ដែលទ្ធផលដែលសុឃីម ទទួលបានគឺនាងបែជាត្រូវគេលេបខាយឲ្យនិង ពេលនាងទៅណាមកណាមានអ្នកតាមសម្លឹងមើលលើក្រោម រហូតមានអ្នកខ្លះចាត់ទុកថានាងធ្លាក់ខ្លួនហើយទៀតផង ព្រោះពេលនោះសុឃីម បានប្រកាសដាក់លក់ផ្ទះ និងហាងសម្អាងការជាបន្ទាន់។ដោយសារតែចង់ឲ្យអ្នកមើលស្រាលលើខ្លួនឃើញថានាងមិនមែនឈានដល់តំណាក់កាលដូចពួកគេម៉ៃនោះទើបនៅចុងខែកញ្ញា ឆ្នាំ២០២១ តារាពហុជំនាញបានទិញរថយន្ដទំនើបLexus Lx 570 តម្លៃជាង២០ម៉ឺនដុល្លារជិះយ៉ាងរំភើយ។តែដោយសារតែមានអ្នកខ្លះនៅតែសង្ស័យថាសុឃីម មិនទាន់មានលុយច្រើនដូចមុននៅឡើយ ព្រោះលុយជាង៩០ ម៉ឺនដុល្លារ ដែលឧកញ៉ាម្នាក់បោកយកទៅអស់ គ្មានទាមទារបាន១សេនវិញនោះសុឃីម ទិញLexus Lx 600 តែម្ដង ធ្វើឲ្យអ្នកផ្លែផ្កាឲ្យនាងខ្លះចាប់ផ្ដើមសា្ងត់វិញ ហើយភាគច្រើនជឿរជាក់ថាសុឃីម ពិតជាមានលុយមិនធម្មតាមែន។
គូររំលឹកថាខាត់ សុឃីម បានចាប់ដៃលោកអ៊ិន សុបញ្ញា ហៅផាណូ រយៈពេល១១ឆ្នាំ មកហើយដែលពេលនេះទទួលបានកូនស្រី១ អាយុជិត១០ឆ្នាំឈ្មោះបញ្ញា ហ្វូតូស្អាត ខណៈដែលនាងមានកូនប្រុសច្បងមុនរៀបការឈ្មោះស្កាយ ដែលគេសង្ស័យថាជាកូនរបស់លោកចា រិទ្ធី នោះពេញវ័យកំលោះទៅហើយ។សុឃីម បានលុបចោលគម្រោងយកកូនទី៣ដោយអ្នកនាងលើកហេតុផលថាសម័យនេះបើមានកូនហើយឪពុកម្ដាយគ្មានពេលវេលាអប់រំកូនៗឲ្យបានដិតដល់នោះទេ គឺក្មេងងាយនឹងធ្លាក់ទៅការប្រព្រឹត្តិអ្វីដែលមិនល្អ ទើបនាងលែងចង់បានកូនថែម។អ្នកនាងសុឃីម ស្ថិតក្នុងចំណោមតារាដែលយកប្ដីក្មេងមានដូចជាអ្នកនាងគង់ សុជាតិ ,ពេជ្រ សោភា និងប៉ាច គីមមួយ ជាដើម។ដោយឡែកសម្រាប់តារាស្រីដែលជិះLexus Lx 600 នាពេលនេះក្រៅពីសុឃីម គេឃើញមានតែស្រីស្អាតគីម ហួរ ម្នាក់ទៀតប៉ុណ្ណោះ។
មជ្ឈដ្ឋានមហាជនមួយចំនួនបានសរសើរអ្នកនាងខាត់ សុឃីម ថាពិតជារក្សារជំហ បានរឹងមាំ ពោលគឺមិនបាក់ទឹកចិត្ត ឬទន់ជ្រាយ នៅពេលដែលនាងខំប្រឹងសន្សំលុយជាច្រើនឆ្នាំទម្រាំមានសល់ប្រាក់ជិត១លានដុល្លារ តែត្រូវឧកញ៉ាបោកយកអស់នោះ តែផ្ទុយទៅវិញនាងអាចក្រោកឈបានសារជាថ្មី និងពេលនេះនាងនៅតែត្រូវប៉ាន់ក្នុងអាជីពសិល្បៈតាមរយៈការលេចមុខច្រៀងតាមកម្មវិធីមង្គលការនារដូវក្ដៅកន្លងមកជាច្រើនរោង ខណៈនាងក្លាយទៅជាថៅកែហាងរក្សារសម្រស់មួយដែលចាយទុនជាច្រើនម៉ឺនដុល្លារ។អ្វីដែលសុឃីម កាន់តែកក់ក្ដៅថែមទៀតនោះគឺស្វាមីក្មេងរបស់នាងមិនដែលលេចឭថាក្បត់ចិត្តនាងម្ដងណាឡើយ ព្រោះនាងធ្លាប់ចេញសារថាបើនាងកាចម្លឹងៗតើស្រីណាហ៊ានឲ្យដៃប្ដីនាងទៅ?
