បន្ទាប់ពីបង្ហាញសមត្ថភាពរកគ្រាប់បាល់បាន១៩គ្រាប់ ក្នុងយុទ្ធនាការប្រកួតរដូវកាលនេះ ជាពិសេសគ្រាប់ចុងក្រោយដែលបានជួយឲ្យ Man Utd តាមបាន ស្មើ Liverpool ១-១ កាលពីរាត្រីថ្ងៃអាទិត្យធ្វើឲ្យលោកម៉ូរីញ៉ូពេញចិត្តយ៉ាងខ្លាំង។
ជាមួយនឹងការពេញចិត្តនេះលោកម៉ូរីញ៉ូ ចង់ឲ្យកីឡាករសញ្ជាតិស៊ុយអែត បន្តរួមរស់នៅទឹកដី Old Trafford រយៈពេល២ ឆ្នាំបន្តទៀត គឺរហូតដល់ឆ្នាំ២០១៩ ដែលពេលនោះគេមានអាយុ៣៧ឆ្នាំ។
នៅលេង២ឆ្នាំទៀតបន្ថែមលើកុងត្រាចាស់របស់ Zlatan មានសុពលភាពត្រឹម១២ខែទៀតប៉ុណ្ណោះ តែក្លឹបគ្រោងនឹងបន្តកុងត្រាថ្មី២ឆ្នាំទៀត។
ក្រៅពីខ្សែប្រយុទ្ធដ៏មុតស្រួចខាងលើក្លឹបក៏បានពន្យារកុងត្រា១ឆ្នាំបន្ថែមដល់ Antonio Valencia ផងដែរ ហើយលក្ខខណ្ឌនេះនឹងរក្សាខ្សែការពារសញ្ជាតិអេក្វាឌ័រដល់ចុងឆ្នាំ២០១៨។
ដោយ៖ ហេង ដេត