ភ្នំពេញ៖ស្រីស្អាតសុខ ពិសី បានលាក់ស្នេហ៍ដែលគេជឿរថាជាថៅកែសាន់លោកឡាយ សុខចំរើន នោះរយៈពេលជាង១០ឆ្នាំទៅហើយ តែពេលនេះនាងអត់ទាន់សារភាពដដែល ខណៈដែលនៅឆ្នាំ២០២៣ នេះពិសី មានអាយុ៣៣ឆ្នាំ ពោលគឺដល់វ័យត្រូវរៀបការ បើបន្ដលាក់ថែម១០ឆ្នាំ ទៀតនោះមានន័យថានានឹងមានអាយុជ្រេបន្ដិចហើយគឺនៅឆ្នាំ២០៣៣ ពិសី អាយុ៤៣ឆ្នាំ។យ៉ាងណាជាញឹកញាប់គេឃើញពិសី តែងតែចូលចិត្តថតគ្រងឈុតកូនក្រមុំយ៉ាងស្រស់ស្អាតដែលជាញ្ញាមួយបង្ហាញថានាងចង់រៀបការ ឬជិតដល់ថ្ងៃពិសេសរបស់ខ្លួនបានជាលឲ្យហើយ។ចំណែកតារាសាន់ដេភាគច្រើនទុកពិសី ដូចជាម្ចាស់ឬថៅកែផលិតកម្មទៅហើយ ទោះជានាងមិនធ្លាប់បញ្ចេញឥទ្ធិពលខ្លួនឲ្យគេឃើញក្ដី តែនៅក្នុងពិភពសិល្បៈមនុស្សភាគច្រើនបានដឹងពីទំនាក់តំនងស្នេហានាងជាមួយម្ចាស់ផលិតកម្មធំនេះ។
មជ្ឈដ្ឋានទាំងក្នុងនៅក្រៅសិល្បៈបានលើកឡើងថាបើស្រីស្អាតសុខ ពិសី នៅតែជ្រើសផ្លូវសាងស្នេហាបែបអាថ័កំបាំងបែបនេះតទៅទៀតនោះមិនយូទេនាងនឹងអាចជួបរឿងដូចសិស្សប្អូននាងអ៊ីវ៉ា ដែរជាមិនខានដែលពេលនោះទោះជានាងមិនចង់ក៍ត្រូវតែមិនអាចគេចផុតបានឡើយ។ចំពោះនាងឃីន ស្រីនាថ ហៅអ៊ីវ៉ា ដែលមានអាយុប្អូនពិសី ត្រឹមតែ៣ឆ្នាំនោះនាងសាងស្នេហាជាមួយលោកលី សេងហួរ ម្ចាស់ក្លឹបបាល់ទាត់សៀមរាប យូណាយធីត ដល់ទៅ៧ឆ្នាំ ហើយនៅពាក់កណ្ដាលឆ្នាំ២០២៣ នេះលែងអាចលាក់បាំងតទៅទៀតបានដោយសារតែលោកសេងហួរ ធុញទ្រាន់ការសាងស្នេហ៍ដោយលាក់លៀមខ្វះភាពផ្អែមល្ហែមស្នេហ៍ទើបលោកមានចេតនាបញ្ចេញឲ្យគ្រប់គ្នាបានដឹងតែម្ដងដែលធ្វើឲ្យអ៊ីវ៉ា ទ័លច្រក បរាជ័យក្នុងការបិតបាំងស្នេហាមួយនេះតទៅទៀតហើយដើម្បីការពារស្នេហាឲ្យមានសុវត្ថិភាពនាងសុខចិត្តសម្របខ្លួនតាមលោកថៅកែក្លឹបបាល់ទាត់ទាំងដែលដឹងថានឹងប៉ៈពាល់ដល់អាជីពរបស់ខ្លួន។ចំណែកសុខ ពិសី វិញក៍ដូចគ្នានាងអាចនឹងត្រូវគូស្នេហ៍ធុញទ្រាន់ក្នុងការសាងស្នេហាដោយលាក់លៀមព្រោះលាក់បាំងអស់រយៈពេលជាង១០ឆ្នាំទៅហើយ ធ្វើឲ្យចំណងស្នេហាបាត់អស់នូវភាពផ្អែមល្ហែម ហើយការមិនព្រមសារភាពស្នេហ៍របស់ពិសី ហាក់ដូចជាបើកផ្លូវឲ្យបុរសផ្សេងៗនៅតែព្យាយាមតាមស្នេហានាងហេតុនេះគេជឿរថាថៅកែសាន់ដេនឹងអាចលាតត្រដាងរឿងស្នេហាមួយនេះមុនពិសី ជាមិនខានពោលគឺដូចគ្នាទៅនិងគូស្នេហ៍របស់អ៊ីវ៉ា ដែរ។ការព្រមបង្ហាញនិងទទួលស្គាល់ចំណងស្នេហារបស់លោកចំរើន ចំពោះពិសី ប្រសិនបើកើតមាននាពេលខាងមុខមែន នោះច្បាស់ណាស់ថាមង្គលការរបស់អ្នកទាំងពីរក៍មិនអាចអូសបន្លាយថែម១០ឆ្នាំតទៅមុខទៀតបានដែរ ពោលគឺនឹងប្រព្រឹត្តទៅមុនកំណត់។
សុខ ពិសី ចង់បំពេញបំណងឪពុករបស់នាងលោកសុខ ហេង ជាមន្រ្ដីយោធាម្នាក់ចង់ឃើញនាងរៀបការដែលរឿងមួយនេះនាងក៍ធ្លាប់ចេញសារជាញឹកញាប់ដោយខ្លួនឯងដែរថាពិបាកចិត្ត ព្រោះឪពុកចង់ឲ្យការប្ដី។ប៉ុន្ដែក្នុងជំនួបជាមួយអ្នកយកព័តមានយើងនាពេលកន្លងមកនៅពេលសាកសួររឿងពេលវេលារៀបការពិសី នៅតែរារែកចិត្តហើយថាចង់ពង្រឹងទីផ្សារសិល្បៈជាងស្នេហាទៅវិញដែលចម្លើយបែបនេះនាងនិយាយជាច្រើនឆ្នាំមកហើយនឹងរហូតមកដល់បច្ចុប្បន្ននៅតែឆ្លើយបែបនេះដដែល។តែអ្នកគាំទ្រពិសី ខ្លះនៅតែចាត់ទុកថារឿងស្នេហារបស់ពិសី គ្មានហានិភ័យពោលគឺមានសុវត្ថិភាពទើបទាំងសងខាងហាក់ត្រូវរ៉ូវឬពេញចិត្តដូចគ្នាក្នុងការសាងស្នេហាដោយមិនបើកចំហជាសាធារណៈអស់រយៈពេលជាច្រើនឆ្នាំមកនេះ។ដោយឡែកសម្រាប់តារាសម្ដែងស្រីស្អាតមួយចំនួនដែលធ្លាប់តែស្និតឬឲ្យដៃទៅលើលោកចំរើន នោះពួកគេបានដកថយទៅវិញអស់ព្រោះសឹងតែគ្រប់គ្នាបានដឹងថាពិសី ជាម្ចាស់ចិត្តរបស់លោកទៅហើយហេតុនេះមិនចង់ឲ្យមានសង្រ្គាមស្នេហាត្រីកោណទើបលែងហ៊ានចូលជិតថៅកែ។
សុខ ពិសី ត្រូវបានFan ចាត់ទុកថានាងជារាជនីយសម្រស់ម្នាក់ក្នុងពិភពសិល្បៈទោះជាកន្លងមកធ្លាប់លេចឭថានាងបានកែសម្រស់ជាច្រើនផ្នែកក្ដី តែរយៈពេលចុងក្រោយនេះស្ងប់ស្ងាត់គ្មានដំណឹងនាងកែផ្នែកណាថ្មីទៀតឡើយ។អ្នកជំនាញសិល្បៈបានលើកឡើងថាពិសី មើលឃើញតារាស្រីភាគច្រើនមានស្វាមីហើយទីផ្សារសិល្បៈមានការប្រែប្រួលដែលចំណុចនេះហើយធ្វើឲ្យនាងពិបាកសម្រេចចិត្តក្នុងការចូលរោងការបើទោះជាមុននេះឱក សុគន្ធកញ្ញា ,សុគន្ធ និសា និងសួស វីសា ជាដើមសុទ្ធតែរៀបការមុននាងដោយគ្មានការបារម្ភច្រើនដូចនាងក្ដី។ប្រភពនោះថាសម្រាប់ពិសី វិញការចូលរោងការនឹងធ្វើឲ្យនាងរឹតតែមានឥទ្ធិពលខ្លាំងជាងនេះនៅសាន់ដេគឺប្រៀបដូចឱក សុគន្ធកញ្ញា នៅហង្សមាសដែរហេតុនេះគេជឿរថានាងមិនឲ្យឱកាសធំនេះរបូតពីកណ្ដាប់ដៃខ្លួនឡើយ ៕
