កីឡាករ Virgil van Dijk របស់ Liverpool ត្រូវបានសមាគមបាល់ទាត់អង់គ្លេស (FA) ចោទប្រកាន់ពីបទប្រព្រឹត្តមិន សមរម្យ បន្ទាប់ពីទទួលបានកាតក្រហមអំឡុងពេលពួកគេឈ្នះ Newcastle ដោយលទ្ធផល២-១ កាលពីសប្តាហ៍ មុន ។នេះបើតាមអ្នកគ្រប់គ្រងបាល់ទាត់អង់គ្លេសបាននិយាយកាលពីម្សិលមិញ។
FA បាននិយាយនៅក្នុងសេចក្តីថ្លែងការណ៍មួយដោយ ចោទប្រកាន់ថាខ្សែការពាររបស់Liverpool បានប្រព្រឹត្ត អាកប្បកិរិយាមិនសមរម្យ និងប្រើពាក្យប្រមាថ ចំពោះមន្ត្រីការប្រកួតបន្ទាប់ពីត្រូវបានបណ្តេញចេញនៅនាទីទី ២៩។
កីឡាករ Van Dijk ត្រូវបានអាជ្ញាកណ្តាល John Brooks ពិន័យកាតក្រហមភ្លាមៗនៅពាក់ កណ្តាលម៉ោងក្នុងការ ប្រកួតកាលពីថ្ងៃអាទិត្យ ដោយសារធ្វើអោយមានកំហុសលើកីឡាករ Alexander Isak របស់ Newcastle ខណៈ ដែលឧប្បត្តិហេតុត្រូវបានពិនិត្យដោយVAR តែខ្សែការពារបានប្រកែកជាមួយអាជ្ញាកណ្តាល ៕