ភ្នំពេញ៖តារាម៉ូដែលយស តារាវត្តី ត្រៀមខ្លួនរួចជាស្រេចតាមរយៈការហ្វឹកហាត់បង្ហាញម៉ូដបន្ថែមក្នុងការចូលរួមប្រកួតកម្មវិធី Face Of Cambodia 2023 នៅអំឡុងចុងខែកញ្ញា ឆ្នាំ២០២៣ ខាងមុខនេះ។ស្រីស្រស់តារាវត្តី បានឲ្យដឹងថាមូលហេតុដែលនាងតាំងចិត្តចូលរួមប្រលងបង្ហាញម៉ូដកម្មវិធីមួយនេះដោយសារតែFace Of Cambodia មានការគាំទ្រច្រើន ហើយបើសិននាងឈ្នះពានអាចមានសិទ្ធិទៅប្រកួតលើវេទិការដ៍ធំនៅប្រទេសកូរ៉េខាងត្បូង ពោលគឺឡើងលើឆាកអន្ដរជាតិដើម្បីយកវប្បធ័មខ្មែរឲ្យពិភពលោកបានស្គាល់កម្ពុជាកាន់តែច្បាស់ថែមទៀត។
យស តារាវត្តី បានឲ្យដឹងដែរថាការចាប់អាជីពសិល្បៈ និងចង់ធ្វើជាតារាម៉ូដែលអាជីពព្រោះតែនាងចង់ក្លាយជាបុគ្គលមួយរូបដែលមានភាពល្បីល្បាញ អាចផ្សព្វផ្សាយពីវប្បធ័ម អរិយធម និងមានសិទ្ធិពិសេសការពារទៅលើអនិថិជនដែលទទួលរងនូវការបៀតបៀនរំលោភបំពានពីជនខិលខូច ដែលរឿងនេះជាបំណងដែលនាងត្រូវធ្វើ ហេតុនេះនពេលនាងចូលរួមប្រកួតFace Of Cambodia នាពេលខាងមុខនេះនឹងសង្ឃឹមថាពុកម៉ែបងប្អូនជួយគាំទ្រនាងជាមិនខាន ដើម្បីបានធ្វើកិច្ចការងារខាងលើ។
គូរបញ្ជាក់ថាយស តារាវត្តី ជាតារាសម្ដែងនិងម៉ូដែលម្នាក់ដែលមានស្រុកកំណើតនៅទីក្រុងភ្នំពេញ អាយុ២៣ឆ្នាំ កម្ពស់១,៦៦ ម៉ែត្រ និងទម្ងន់៤៩ គ.ក្រ។ក្រៅពីអាជីពសិល្បៈនាងក៍ជាពាណិជ្ជករម្នាក់ផងដែរ ហើយកន្លងមកនាងធ្លាប់បានធ្វើការងារសប្បុរសធ័មជាបន្ដបន្ទាប់តាមរយៈការជួយឧបត្ថម្ភដល់អង្គការខ្លះ និងចែកអំណោយដល់ជនក្រីក្រ ,ជនពិការ រួមទាំងអ្នកគ្មានផ្ទះសម្បែងសម្រាកតាមចិញ្ចើមផ្លូវជាដើម។នាងថាឲ្យតែមានលទ្ធភាពរូបនាងនឹងបន្ដការងារសប្បុរសធ័មជាបន្ដទៀត។នាងបន្ថែមថាទោះជាមានមុខរបរនៅខាងក្រៅសិល្បៈក្ដី ប៉ុន្ដែអាជីពសម្ដែង និងបង្ហាញម៉ូតនាងមិនបោះបង់ចោលទេ ហើយពេលនេះមានតែពង្រឹងសម្ថភាពខ្លួនឯងថែមទៀតតាមរយៈការចូលរួមប្រកួត Face Of Cambodia ហើយដោយសារតែមានការហ្វឹកហាត់ជាច្រើនថ្ងៃមុនកម្មវិធីមកដល់ រួមទាំងបទពិសោធន៍ផ្ទាល់ខ្លួនមានស្រាប់ នាងថាមិនមែនជាឧបស័ក្កឡើយ ប៉ុន្ដែនឹងប្រឹងបញ្ចេញសម្ថភាពឲ្យអស់ ដើម្បីសម្រេចបំណងធំខាងលើក៍ដូចជាបន្ដធ្វើការងារជួយដល់សង្គមជាបន្ដទៅទៀត។
ទាក់ទងផ្នែកខាងសម្រស់វិញយស តារាវត្តី បានឲ្យដឹងថានាងមិនបានកែផ្នែកណាមួយនោះទេ ពោលគឺរក្សារពីធម្មជាតិទាំងអស់តែម្ដង។ចំណែករឿងស្នេហានាងថាមិនចង់និយាយឡើយ ព្រោះពេលនេះផ្ដោតសំខាន់តែលើរឿងត្រៀមប្រកួតក្នុងវេទិការដ៍ធំនាពេលខាងមុខ និងចង់សម្រេចក្ដីសុបិនខ្លួនឯងគឺមានឱកាសបានពាំនាំយកវប្បធ័ម អរិយធ័មរបស់ខ្មែរដ៍ផូផង់ឡើងលើឆាកអន្ដរជាតិតាមរយៈការចាប់អាជីពបង្ហាញម៉ូដមួយនេះ។
គេជឿរថាមហាជននឹងចាប់អារម្មណ៍ ហើយផ្ដល់ការគាំទ្រលើយស តារាវត្តី ជាមិនខាននៅពេលដែលនាងលេចមុខប្រកួតFace Of Cambodia 2023 នៅចុងខែ៩ ២០២៣ ព្រោះនាងចង់ក្លាយទៅជាម៉ូដែលអាជីពដ៍ល្បីម្នាក់ហើយនឹងធ្វើការប្រឆាំងយ៉ាងដាច់ខាតទៅលើការជួញដូរឬបៀតបៀនទៅលើអនិថិជន ដែលសកម្មភាពបែបេះឆ្លុះបញ្ចាំងថារូបនាងគឺជាគំរូរល្អមួយក្នុងការជួយដល់សង្គមជាតិ៕
