អតីតខ្សែបម្រើជម្រើសជាតិអេស្ប៉ាញកីឡាករ Juan Mata បានចូលរួមជាមួយក្លឹបបាល់ទាត់Kobe លីកកំពូល បាល់ទាត់ជប៉ុនដោយមិនមានតម្លៃខ្លួន។នេះបើយោងតាមការចេញផ្សាយរបស់បណ្តាញសារព័ត៌មានប៊ីប៊ីស៊ី។ខ្សែបម្រើដែលឈ្នះពានរង្វាន់ World Cup វ័យ ៣៥ ឆ្នាំរូបនេះត្រូវបានប្រកាសនៅលើ Twitter ថាជាកីឡាករ ចំណូលថ្មីរបស់ក្លឹប។ គាត់នឹងពាក់អាវលេខ៦៤ សម្រាប់ក្លឹប Kobe ។
កីឡាករវ័យ៣៥ឆ្នាំដែលធ្លាប់លេងនៅក្លឹប Chelsea និង Man Utd ក្នុងប្រទេសអង់គ្លេស បានក្លាយជាកីឡាករ គ្មានភ្នាក់ងារគ្រប់គ្រង បន្ទាប់ពីចាកចេញពី Galatasaray កាលពីថ្ងៃទី ១ ខែកក្កដា។
គាត់បានជួយ Galatasaray ឈ្នះជើងឯកតួកគីកាលពីរដូវកាលមុន ប៉ុន្តែបានតស៊ូសម្រាប់ជម្រើស១១នាក់ដំបូង សម្រាប់ក្លឹបឈុតធំនេះ។
កិត្តិយសរបស់ Mata ក្នុងអាជីពដ៏អស្ចារ្យរួមបញ្ចូលទាំងការក្លាយជាផ្នែកមួយនៃ ក្រុមជម្រើសជាតិ អេស្ប៉ាញ ដែលបានឈ្នះពាន World Cup ឆ្នាំ ២០១០។
គាត់ក៏បានឈ្នះ Champions League ជាមួយ Chelsea ដែលគាត់បានចូលរួមពី Valencia ក៏ដូចជាពានរង្វាន់ Europa League និង FA Cup ជាមួយទាំងតោខៀវ និង Manchester United ។អតីតមិត្តរួមក្រុមជម្រើសជាតិរបស់គាត់គឺ Andres Iniesta បានផ្លាស់ប្តូរដូចគ្នាក្នុងឆ្នាំ ២០១៨ ដោយចំណាយពេល ៥ ឆ្នាំនៅក្លឹប J-League ។
Iniesta បង្ហាញខ្លួនបានជាង១៣០ដងសម្រាប់ Vissel Kobe និងស៊ុតបញ្ចូលទីបាន ២៦គ្រាប់ ៕