ភ្នំពេញ៖តារាសាច់សខ្ចីសុខ ពិសី ស្រលាញ់ឪពុកនាងលោកសុខ ហេង ខ្លាំងណាស់ពិសេសក្រោយពេលនាងរស់នៅអត់ពីម្ដាយរយៈពេល១៥ឆ្នាំមក ហេតុនេះគេជឿរថាពិសី នឹងអាចធ្វើឲ្យលោកហេង សប្បាយចិត្តដូចគ្នាទៅនិងសិស្សប្អូននាងអ៊ីវ៉ា ដែលបានធ្វើដាក់លោកអ៊ូ វ៉ាវ កាលពីពេលថ្មីនេះដែរតាមរយៈការហ៊ានបង្ហាញអនាគតស្វាមីលោកលី សេងហួរ នឹងឈានទៅរៀបអាពាហ៍ ពិពាហ៍ ឆាប់ៗនាពេលខាងមុខនេះ។ចំពោះពិសី វិញធ្លាប់បានសារភាពថាឪពុកជម្រុញឲ្យនាងរៀបការប្ដីជាច្រើនលើកច្រើនសារមកហើយ ប៉ុន្ដែពេលខ្លះស្រីស្អាតដែលធ្លាប់ថតឈុតកូនក្រមុំជាច្រើនដងនោះបែជាថាមិនដឹងថាកូនកំលោះនាងនៅឯណាទៅវិញ ថ្វីត្បិតតែគ្រប់គ្នាដឹងថាមនុស្សដែលនាងថាពិបាករកនោះតាមពិតនៅជិតបង្កើយនាងយ៉ាងណាក្ដី។តាមរយៈការច្រៀងឲ្យផលិតកម្មសាន់ដេរយៈពេល១៤ឆ្នាំកន្លងមកនេះពិសី គេជឿរថាការពិសោធន៍ស្នេហ៍ និងសង្កេតចិត្តគំនិតមើលទៅលើថៅកែក្មេងសាន់ដេលោកឡាយ សុខចំរើន គ្រប់គ្រាន់ដែលអាចឲ្យនាងជឿរជាក់បានទៅលើម្ចាស់ផលិតកម្មធំមួយនេះហើយការដឹកដៃគ្នាចូលរោងការគូរតែមិនត្រូវពន្យាពេលច្រើនឆ្នាំតទៅទៀតឡើយព្រោះថាឆ្នាំនេះនាងឈានចូលវ័យ៣៣ឆ្នាំទៅហើយ ខណៈដែលឱក សុគន្ធកញ្ញា ក៍បានរៀបការប្ដីនៅអាយុ៣៣ឆ្នាំដែរកាលពីឆ្នាំ២០១៩ ហើយសុគន្ធ និសា ដែលរៀបការប្ដីនៅឆ្នាំ២០១៧ កាលនោះនាងមានអាយុ៣៤ឆ្នាំ ។
បើតាមតារារៀមច្បង២ដួងដែលធ្វើជាគំរូរនៃការឈានដល់វ័យត្រូវរៀបការប្ដីនោះពិសី គូរណាស់តែព្រមធ្វើជាកូនក្រមុំមែនទែននៅចុងឆ្នាំ២០២៣ ឬដើមឆ្នាំ២០២៤ ខាងមុខនេះ ព្រោះបើនាងចង់ពន្យាពេលជាង១០ឆ្នាំទៀតនោះគឺហាក់ដូចជានាងមិនចង់បំពេញបំណងឪពុករបស់ខ្លួនដូចនាងអ៊ីវ៉ា ដែលបានធ្វើចំពោះលោកវ៉ាវ នៅពេលនេះឡើយ ហើយលទ្ធផលគឺអាចដូចមាស សុខសោភា មានប្ដីរយៈពេល១៦ឆ្នាំ តែពន្យាពេលយកកូនរហូតព្រោះខ្លាចប៉ះពាល់ដល់អាជីព ឥឡូវស្រាប់តែចង់បានកូនមែនទែន ថ្ងូរពិបាក អត់បានដូចចិត្តទៅវិញ។
សុខ ពិសី មានជម្រើសស្នេហ៍ច្រើនដែលកន្លងមកនាងធ្លាប់សារភាពថាមានមន្រ្ដីរាជការមួយចំនួនតាមស្រលាញ់និងចង់ចូលចែចូវ ។ប៉ុន្ដែគេជឿរថានាងនឹងដើរលើផ្លូវដូចឱក សុគន្ធកញ្ញា ដែរពោលគឺត្រូវការបុរសម្នាក់ដែលយល់ដឹងច្បាស់ពីអាជីពសិល្បៈរបស់នាងមានន័យថាមិនប្រចណ្ឌ ឬហួងហែងទើបនាងព្រមទទួលយកធ្វើស្វាមីហើយបុរសដែលមានគុណសម្បត្តិបែបនេះគឺមានតែថៅកែក្មេងរបស់សាន់ដេនេះហើយដែលសម្របខ្លួនតាមនាងបានគ្រប់ពេលវេលា។គេជឿរថាការលាតត្រដាងរឿងស្នេហារបស់អ៊ីវ៉ា នឹងត្រៀមរៀបការនៅឆ្នាំក្រោយនេះក៍ធ្វើឲ្យពិសី មានការប្រែប្រួលចិត្តចំពោះការលាក់បាំងរឿងស្នេហារបស់ខ្លួនតទៅទៀតដែរ ហេតុនេះដើម្បីឲ្យឪពុកដែលនាងស្រលាញ់បំផុតសប្បាយចិត្តនាងនឹងធ្វើដូចសិស្សប្អូនដែរជាមិនខាន។ដោយឡែកអ្នកជំនាញសិល្បៈបានលើកឡើងថាពិសី ទោះជាមិនរៀបការ ឬព្រមការប្ដីក៍នាងនៅតែជាតួឯក របស់សាន់ដេដែរ ហេតុនេះមិនគូរណាខ្លាចលែងមានការគាំទ្រក្រោយមានស្វាមីដោយបន្ថែមការពន្យាពេលបង្ហាញស្នេហ៍ផ្អែមល្ហែមឬលាតត្រដាងស្នេហាជាសាធារណៈបែបនេះតទៅទៀតឡើយ។
គូរបញ្ជាក់ថារយៈពេលចុងក្រោយនេះគេឃើញសុខ ពិសី បានងាកមកច្រៀងCover បទមរតកដើម ជាបន្ដបន្ទាប់ ខណៈដងចាប់ដៃគូច្រៀងដោយមិនប្រកាន់ឡើយ ពោលគឺបន្ទាប់ពីអត់ពីលោកខែម ប៊ុនថៃ ពិសី ឆ្លងឆ្លើយជាមួយលោកឆាយ វីរៈយុទ្ធ ,នាយចឺម និងតារាសិស្សប្អូនមួយចំនួនទៀតរបស់សាន់ដេ។ប៉ុន្ដែរឿងដែលគូរឲ្យចាប់អារម្មណ៍នោះពិសី នៅតែហៅលោកចំរើន ថាជាលោកឬមេ នៅចំពោះក្រុមតារាចម្រៀងទាំងឡាយដដែល ហេតុនេះហើយភាពក្លាហានរបស់នាងក្នុងការគ្រងឈុតកូនក្រមុំមែនទែន បន្ដអត់ច្បាស់លាស់៕
