ភ្នំពេញ៖តារាចម្រៀងលោកប៉ុន សុណារិន ហៅខេម បាននាំភរិយាទៅដើរកម្សាន្ដនៅបាំរាំងនិងបង្ហួសទៅដល់ទីក្រុងបាសេឡូណា ប្រទេសអេស្បាញទៀតផង ហើយទើបវិលមកដល់ស្រុកវិញដើមខែ៩ ដើម្បីថតបទចម្រៀងថ្មីសម្រាប់ពិធីបុណ្យអុំទូក។ពិតហើយយ៉ាងហើចណាស់ក្នុង១ឆ្នាំខេម ត្រូវដឹកដៃភរិយាទៅបារាំងម្ដងព្រោះអ្នកនាងកា មានផ្ទះនៅទីនោះហើយពួកគេច្រើនតែចេញទៅនារដូវធ្លាក់ភ្លៀងដែលលោកសុណារិន មិនសូវមមាញឹកក្នុងការច្រៀងសម្ដែង ។ក្រៅពីរឹតបានចំណងស្នេហាកាន់តែរឹងមាំនោះអ្នកទាំងពីរក៍ធ្វើឲ្យជីវិតស្នេហាកាន់តែស្រស់បំព្រងថែមទៀតដែរ។ប៉ុន្ដែបន្ទាប់ពីចាប់ដៃគ្នាជាង៨ឆ្នាំមកនេះខេម និងអ្នកនាងកា នៅតែមិនទាន់ហ៊ានកំណត់ថ្ងៃរៀបការជាក់លាក់នោះទេ បើទោះជាមុននេះលោកសុណារិន ថាលោកជាមនុស្សម្នាក់ស្រលាញ់ក្មេងៗក៍ដូចជាចង់បានកូនក្រោយច្រានចោលរឿងគេសង្ស័យថាលោកមានកូនពីរនាក់ក្ដី ប៉ុន្ដែបែជាមិនទាន់ហ៊ានរៀបការទៅវិញ។យ៉ាងណាក្នុងជំនួបជាមួយអ្នកសារព័តមានរាល់លើកខេម តែងតែនិយាយថានឹងមិនបង្អង់យូរទេ ពោលគឺពិធីមង្គលការអាចធ្វើឡើងឆាប់ៗដោយសារតែលោកមិនដែលបារម្ភថាក្រោយរៀបការរួចលែងសូវមានការគាំទ្រនោះទេ គ្រាន់តែរងចាំពេលវេលាដ៍សមស្របមួយប៉ុណ្ណោះ ។
ខេម ធ្លាប់ត្រូវបានអ្នកស្និតបង្ហើបថាលោកមិនចង់ធ្វើជាតួរងរបស់តារាម្នាក់ទេ ពោលគឺចង់ធ្វើជាតួឯក ប៉ុន្ដែការមកដល់Galaxy នេះដំបូងខេម ពិតជាតារាប្រុសនាំមុខគេមែន តែនៅពេលដែលព្រាប សុវត្ថិ និងខេមរៈ សិរីមន្ដ ដឹកដៃគ្នាមកដែរធ្វើឲ្យអ្វីៗមានការប្រែប្រួលអស់ភ្លាមមួយរំពេច ហើយលោកប្រឈមនៅលេខរៀងទី៣ វិញ។យ៉ាងណាខេម នៅតែមានក្ដីសុខជាមួយផលិតកម្មនេះនិងថាទំនាក់ទំនងរវាងលោកនិងថៅកែដូចបងប្អូនទៀតផង ហេតុនេះគេជឿរថាខេម មិនមែនជាតារាតាំងខ្លួនជាតួឯកគ្រប់ពេលនោះទេ ព្រោះជាញឹកញាប់លោកតែងតែបង្ហាញកាយវិការគោរពរៀមច្បង និងថាមិនដែលទុកលោកព្រាប សុវត្ថិ ជាឆ្អឹងទទឹងកដូចគេសង្ស័យឡើយ។
ប្រភពបានឲ្យដឹងថាខេម នឹងឡើងជាឧកញ៉ាដូចព្រាប សុវត្ថិ និងខេមរៈ សិរីមន្ដ ដែរជាមិនខាននាពេលអនាគតដោយមានការជួយជ្រោមជ្រែងពីថៅកែហើយពេលនោះគ្រប់គ្នានឹងហៅតារាចម្រៀងរូបនេះថាលោក”ឧកញ៉ាខេម “។ចំណែកអ្នកជំនាញសិល្បៈលើកឡើងថាទោះជាខេម ចូលGalaxy ពិបាកដណ្ដើមភាពលេចធ្លោកក្ដី តែបច្ចេកទេសច្រៀងស្អករបស់លោកនៅតែគ្មានតារាណាអាចផ្ដួលបានទេ។
តាមព័តមានបានឲ្យដឹងថាខេម ត្រូវបានផលិតកម្មរៀបចំឲ្យចាប់ដៃគូជាមួយនាងតន់ ច័ន្ទសីម៉ា ឡើងវិញក្រោយពីស្រីស្រស់រូបនេះបានងាកទៅឆ្លងឆ្លើយជាមួយលោកព្រាប សុវត្ថិ និងខេមរៈ សិរីមន្ដ មួយប្រាវ។តែគ្មានសញ្ញាណាដែលខេម អាចនឹងក្លាយជាដៃគូរបស់នាងហ៊ិន លីដា នោះទេបើទោះជាលីដា មានសម្ថភាពមិនចាញ់នាងសីម៉ា ហើយមុននេះនាងបានច្រៀងCover បទខេម”ឆារ៉ាកំលោះបង”ក៍ដោយ។ប្រភពបានឲ្យដឹងថាក្រៅពីជាតារាចម្រៀងលោកខេម ដែលបានបើកភោជនីយដ្ឋានមួយម្ដុំក្លោងទ្វាវត្តសំរោងអណ្ដែតកាលពីដើមឆ្នាំ២០២០ នោះលោកក៍មានដីធ្លីមួយចំនួនទៀតដែរដែលមានតម្លៃដល់ទៅសែនដុល្លារ តែលោកហាក់ស្ងប់ស្ងាត់មិនដែលបង្អួត ឬមានគម្រោងរកស៊ីពុះដីឡូតិ៍លក់ដូចមេរបស់លោកឡើយ។ដោយឡែកភរិយាលោខេម វិញបានមករស់នៅខ្មែរតាមលោកជាច្រើនឆ្នាំមកហើយ ខណៈលោកសុណារិន ថាគ្មានគម្រោងទៅរស់នៅបារាំងជាអចិនត្រេយ៍នោះទេ ពោលគឺចេញចូលៗប៉ុណ្ណោះ។
ក្រៅពីខេម តារាដែលយកប្រពន្ធជានារីអាណិកជនមានដូចជាលោកស៊ុក សុភា ,ខៀវ សំភេទ ,ហង្ស ឈា ,សុវណ្ណ មុនី ,ខៃ ប្រសិទ្ធ និងនៅ ស៊ីនឿន ជាដើម ។Fan របស់លោកខេម ចាំមើលថាតើលោកសុណារិន នឹងយកកូនមុនរៀបការដូចគូស្នេហ៍មួយចំនួនដែលសាងស្នេហ៍តាមអ៊ឺរ៉ុបដែរ ឬមួយក៍លោកនឹងត្រៀមធ្វើឲ្យអ្នកនាងកា រំភើបតាមរយៈការរៀបអាពាហ៍ ពិពាហ៍ តាមប្រពៃណីខ្មែរនៅចុងឆ្នាំនេះ ឬឆ្នាំ២០២៤ បន្ទាប់ពីលោកបានថ្លែងសារជូនពរប្រពន្ធនៅថ្ងៃនាងប្រារពខួបកំណើតកាលពីថ្ងៃទី២ កញ្ញា នោះ៕