អគ្គលេខាធិការអង្គការណាតូលោកJens Stoltenberg បាននិយាយក្នុងកំឡុងដំណើរទស្សនកិច្ច ទៅកាន់ទីក្រុង គៀវកាលពីថ្ងៃព្រហស្បតិ៍ថា កងទ័ពអ៊ុយក្រែន កំពុងទទួលបានដីបន្តិចម្តងៗនៅក្នុងការវាយលុកដ៏ខ្លាំងក្លារបស់ពួកគេប្រឆាំងនឹងខ្សែការពាររុស្ស៊ីដ៏តឹងរឹងនៅភាគអាគ្នេយ៍នៃប្រទេសអ៊ុយក្រែន។នេះបើយោងតាម ការចេញផ្សាយរបស់CNNកាលពីថ្ងៃសុក្រទី២៩កញ្ញាឆ្នាំ ២០២៣។
លោកStoltenbergបាននិយាយជាមួយប្រធានាធិបតីអ៊ុយក្រែនលោកហ្សេឡិនស្កីថាថ្ងៃនេះកងកម្លាំងអ៊ុយក្រែន កំពុងឆ្ពោះទៅមុខពួកគេប្រ ឈមមុខនឹងការប្រ យុទ្ធគ្នាយ៉ាងខ្លាំងក្លា ប៉ុន្តែពួកគេកំពុងទទួលបានដីបន្តិចម្តងៗ ។ រាល់ម៉ែត្រដែលកម្លាំងអ៊ុយក្រែនទទួលបានគឺជាម៉ែត្រដែលរុស្ស៊ីចាញ់»។អង្គការណាតូបានបរិច្ចាគសព្វាវុធដែលមានតម្លៃរាប់ពាន់លានដុល្លារដល់អ៊ុយក្រែន ប៉ុន្តែរហូតមកដល់ពេលនេះ ខ្លួនបានឈប់ពិចារណាសិនក្នុងការអនុញ្ញាត ឱ្យប្រទេសនេះចូលជាសម្ព័ន្ធមិត្តបើទោះបីជាមានការស្នើសុំម្តងហើយម្តងទៀតពីទីក្រុងគៀវក៏ដោយ។
លោក Stoltenberg បាននិយាយកាលពីថ្ងៃព្រហស្បតិ៍ថា អង្គការណាតូមានកិច្ចសន្យាក្នុងក្របខ័ណ្ឌសម្រាប់ គ្រាប់រំសេវដែលមានតម្លៃជាង ២,៥ពាន់លានដុល្លារ សម្រាប់អ៊ុយក្រែន រួមទាំងការបញ្ជាទិញក្រុមហ៊ុនជាង ១,៥ពាន់លានដុល្លារ។
រុស្ស៊ី បង្កើនចំណាយយោធា៦៨ភាគរយ
ជាមួយនឹងការបង្កើនវាយលុករបស់អ៊ុយក្រែន ទីក្រុងម៉ូស្គូគ្រោងនឹងបង្កើនការចំណាយយោធារបស់ខ្លួន ដែលវិមានក្រឹមឡាំងបានលើក ឡើងពីអ្វីដែលខ្លួនបាន ពិពណ៌នាថាជាសង្រ្គាមកូនកាត់ ។សេចក្តីព្រាងថវិការបស់ក្រសួងហិរញ្ញវត្ថុសម្រាប់ឆ្នាំ២០២៤ បង្ហាញពីការកើនឡើង៦៨% នៃការចំណាយ លើវិស័យការពារជាតិ បើធៀបនឹងឆ្នាំ ២០២៣ជាមួយនឹងការបែងចែកថ្មីចំនួនជាង១១១ ពាន់លានដុល្លារសម្រាប់ការការពារជាតិ” ។ រដ្ឋមន្ត្រីហិរញ្ញវត្ថុរុស្ស៊ីបាននិយាយថា វានឹងក្លាយជា ភាពតានតឹងដ៏សំខាន់លើថវិកាប៉ុន្តែនេះពិតជាអាទិភាពរបស់យើង៕