អតីតខ្សែបម្រើស្លាបរបស់ក្លឹប Chelsea កីឡាករ Eden Hazard បានប្រកាសចូលនិវត្តន៍ពីបាល់ទាត់ បន្ទាប់ពីចាកចេញពីក្លឹប Real Madridកាលពីចុងរដូវកាលមុន។នេះបើយោងតាមការចេញផ្សាយរបស់បណ្តាញសារព័ត៌មានប៊ីប៊ីស៊ីកាលពីថ្ងៃអង្គារទី១០ ខែតុលាឆ្នាំ២០២៣។
Hazard បានក្លាយជាគីឡាករឥតគិតថ្លៃនិងគ្មានភ្នាក់ងារចាប់តាំងពី ការសម្រេចចិត្តរបស់គាត់ក្នុងរដូវក្តៅដើម្បី បញ្ចប់កិច្ចសន្យាជាមួយក្លឹប Real Madrid ដែលមានតម្លៃពលកម្មជិត៥០ម៉ឺន ក្នុងមួយសប្តាហ៍។
Hazard វ័យ ៣២ឆ្នាំបានចូលរួមជាមួយក្រុម Chelsea ពី Los Blancos ក្នុងឆ្នាំ ២០១៩ ក្នុងតម្លៃជាង១០០ លាន ដុល្លារ ប៉ុន្តែលេងបានត្រឹមតែ៥៤ ប្រកួតសម្រាប់ក្លឹបយក្សអេស្ប៉ាញ រួមទាំងមានតែ ៦ប្រកួតប៉ុណ្ណោះក្នុងឆ្នាំ ២០២២-២០២៣ ។
កីឡាកររូបនេះបានឈ្នះពានរង្វាន់ ប្រឺមីញេលីកចំនួនពីរក្នុងអំឡុងពេលរបស់គាត់នៅពហុកីឡដ្ឋាន Stamford Bridge ដោយស៊ុតបញ្ចូលទីបាន ១១០ គ្រាប់ក្នុងការបង្ហាញខ្លួន ៣៥២ប្រកួត ។កីឡាករសញ្ជាតិបែលហ្ស៊ិកបាន ចូលនិវត្តន៍ពីបាល់ទាត់អន្តរជាតិកាលពីខែធ្នូឆ្នាំមុន៕