ភ្នំពេញ៖ពិធីករលោកមុំ សាម៉េត ហៅជីជេ ហេរ៉ូ (Dj Hero) បានចេញមុខបញ្ជាក់តាមហ្វេសបុកនៅថ្ងៃទី១៨ តុលា ថាលោកបានជំពាក់ធនាគារសរុបដល់ទៅចំនួន៣៥ ម៉ឺនដុល្លារឯណ្ណោះ គិតត្រឹមឆ្នាំ២០២៣ នេះ។លោកសាម៉េត ក៍បង្ហាញភស្ដុតាងមួយចំនួនដែលខ្ចីធនាគារដូចជាឯកសារផ្សេងៗរួមទាំងស្នាមផ្ដិតមេដៃផង ហើយលោកថាផ្ទះរាល់ថ្ងៃមានតែសំបក ហើយដីធ្លីមួយចំនួនក៍ដូចគ្នាព្រោះប្លង់នៅធនាគារអស់ទៅហើយ។ប៉ុន្ដែការចេញមុខអះអាងថាខ្លួនមានបំណុលដ៍ច្រើនបែបនេះមិនមែនលោកហេរ៉ូ ត្រូវការសុំជំនួយឬក្ស័យធននោះទេ តែលោកហាក់ចង់បង្ហាញឲ្យគេដឹងថាលោកមានសម្ថភាព និងទ្រព្យធនក៍មិនធម្មតាដែរ ទើបខាងធនាគារឲ្យលោកខ្ចីលុយច្រើនបែបនេះ ខណៈដែលឌីជេ រូបនេះកំពុងតែផ្ទុះសង្រ្គាមឌឺដងប៉ៈសំដីគ្នាជាមួយលោកភ្លើង ក្ដៅដូចបាយពុះ។
ឌីជេ ហេរ៉ូ បានប្រាប់មូលហេតុដែលខ្លួនជំពាក់លុយធនាគារច្រើនបែបនេះដោយអះអាងថាព្រោះត្រូវការយកលុយទៅរកស៊ីហើយបច្ចុបប្បន្នលោកមានហាង៣ផ្សេងគ្នាក្នុងនោះមានដូចជាហាងTube Cafe’ នៅគល់ស្ពានអាកាសឬស្សីកែវ(ផ្លូវជាតិលេខ៥) តម្លៃ២៣ម៉ឺនដុល្លារ ,ហាងស្ប៉ា តម្លៃ១៦ម៉ឺនដុល្លារ ក្រុងតាខ្មៅ និងហាងផ្កា នៅសង្កាត់ព្រែកហូរ ក្រុងតាខ្មៅ ដែរតម្លៃខ្ទង់២០ម៉ឺនដុល្លារទៀត ។តាមរយៈការបង្ហើបពីអាជីវកម្មខាងលើនេះបញ្ជាក់ថាឌីជេ ហេរ៉ូ បានចំណាយទុនវិនិយោគលើមុខរបរទាំង៣ អស់ទឹកប្រាក់ចំនួនជិត៦០ម៉ឺនដុល្លារ ហើយលោកហាក់មិនមានការបារម្ភទៅលើប្រាក់កម្ចីធនាគារនោះទេតែចង់ប្រាប់ទៅលោកគ្រូភ្លើងថាលោកខ្លាំងដែលធនាគារឲ្យខ្ចីលុយច្រើនបែបនេះ។Dj Hero ក៍បានចាត់ទុករូបលោកថាជាជីតាលោកភ្លើង និងចាត់ទុកថៅកែផលិតកម្មភ្លើង រូបនេះថានៅស្ទើភ្លើងស្គាល់លោកមិនច្បាស់ទៀតផងបើទោះជារូបលោកមិននិយាយឲ្យចំឈ្មោះលោកភ្លើងក្ដី។Dj ហេរ៉ូ ក៍បានបដិសេធចំពោះការចោទប្រកាន់របស់លោកភ្លើងដែលថាលោកទៅធ្វើការនៅកន្លែងណាគេដេញចោលនោះដែរ ដោយលោកថានោះមិនមែនជាការពិតព្រោះលោកឈប់ពីអាស៊ីអាគ្នេហ៍ព្រោះតែកម្មវិធីដែលលោកកាន់ខាងSponsors មិនបន្ដដោយសារតែបច្ចេកទេសខាងប៉ុស្ដិ៍ ខណៈ ដែលលោកចាកចេញពីPnn កាលពីពេលថ្មីៗនេះលោកផ្ដាំឲ្យអ្នកដែលថាលោកត្រូវគេដេញចេញនោះទៅសួរថ្នាក់ដឹកនាំនៅប៉ុស្ដិ៍នោះគឺនឹងបានដឹងការពិតហើយ ថារូបលោកឈប់ ដោយសារតែមានរឿងអ្វី?
សូមបញ្ជាក់ថាឌីជេ ហេរ៉ូ មានផ្ទះវីឡារប្រណិតមួយតម្លៃខ្ទង់សែនដុល្លារ នៅលើផ្ទៃដីធំជាដីភូមិរបស់លោកនៅផ្ទះលេខ12 E0 ផ្លូវជាតិលេខ២ សង្កាត់ព្រែកហូរ ក្រុងតាខ្មៅ ខេត្តកណ្ដាល។ពិធីករនិងDj វ័យ៤២ឆ្នាំ រូបនេះ បានទុកជីវិតជាពោះម៉ាយកូន២ ជាច្រើនឆ្នាំមកហើយ មិនព្រមការប្រពន្ធថ្មីសោះឡើយ បើទោះជាកន្លងមកនៅលើឆាកលោកតែងតែលេបខាយដាក់ពិធីការិនីជាដៃគូបែបចែចង់ផង ដៃដល់ផងក្ដី ប៉ុន្ដែជាច្រើនលើកច្រើនសារមកហើយ គេឃើញស្រីស្អាតទាំងនោះតែងតែរៀបការប្ដីចោលលោក។ប៉ុន្ដែកាលពីថ្ងៃទី១៨ សីហា លោកហេរ៉ូ ត្រូវបានគេឃើញបណ្ដើរគូស្នេហ៍ថ្មីជាស្រីស្អាតវ័យក្មេងឡើងទៅសណ្ឋាគារSun & Moon ចូលរួមកម្មវិធីមួយ ដែលនេះបញ្ជាក់ថាលោករកបានម្ចាស់ចិត្តថ្មីទៀតហើយ បើទោះជានៅមិនទាន់មានដំណឹងថាលោកបានភ្ជាប់ពាក្យ ឬគ្រោងដឹកដៃសង្សារថ្មីចូលរោងការពេលណាក្ដី។ដោយឡែកមជ្ឈដ្ឋានមហាជនកំពុងតែតាមដានលោកហេរ៉ូ ដែលប៉ៈសង្រ្គាមពាក្យសំដីជាមួយលោកគ្រូភ្លើងកាន់តែក្ដៅគគុកនាពេលនេះថាបើសិនជាគ្មានការផ្សះផ្សារណាមួយនោះទេ ច្បាស់ជារឿងនេះក្លាយទៅជារឿងធំជាមិនខាន ព្រោះតែលោកសាម៉េត បានចាត់ទុកលោកភ្លើងជាចៅ ដែលសំដៅដល់ការយល់ដឹងឬបទពិសោធន៍ខាងប្រដាល់គុនខ្មែរនៅមានកម្រិត បើប្រៀបធៀបជាមួយលោក។ប៉ុន្ដែលោកភ្លើងបានត្រៀមខ្លួនរូចជាស្រេចដើម្បីទប់ទល់ជាមួយលោកហេរ៉ូ តាមរយៈការបង្កើតផេកមួយសម្រាប់ច្បាំងគ្នាជាមួយពិធីកររូបនេះគ្រប់ពេលវេលា ។
ក្រៅពីDj ហេរ៉ូ តារាដែលក្លាយទៅជាថៅកែហាងកាហ្វេ នាពេលនេះមានដូចជាឌួង ហ្សូរីដា ,មាស សុខសោភា ,បេប៊ី ,ឱក សុគន្ធកញ្ញា (តែគុជ) និងសុគន្ធ និសា ជាដើម ៕
