គ្រូបង្វឹកលោកMaurice Steijn បានចាកចេញពីក្លឹប Ajax ដោយការយល់ព្រមគ្នាទៅវិញទៅមកបន្ទាប់ពី ដឹកនាំបានរយៈពេលបួនខែ។
គ្រូបង្វឹកវ័យ ៤៩ ឆ្នាំរូបនេះបានចូលរួមជាមួយក្លឹបAjaxពីក្លឹប Rotterdam កាលពីខែមិថុនាក្នុងកិច្ចសន្យា រយៈពេល ៣ឆ្នាំប៉ុន្តែការចាប់ផ្តើមមិនល្អក្នុងរដូវកាលនេះបានធ្វើឱ្យម្ចាស់ជើង ឯកហូឡង់៣៦សម័យកាលនៅ បាតតារាង ជាមួយនឹងជ័យជម្នះត្រឹមតែមួយដងប៉ុណ្ណោះពីការប្រកួតលីកចំនួន ៧។
អ្នកគ្រប់គ្រងក្លឹបAjax និង លោក Maurice Steijn បានយល់ព្រមចែកផ្លូវគ្នាបន្ទាប់ពីជួបពិភាក្សា គ្នាពីរដង កាលពីថ្ងៃចន្ទ ខណៈជំនួយការគ្រូបង្វឹក Hedwiges Maduroត្រូវ ចូលកាន់តំណែងជាគ្រូបង្វឹកស្តីទី។Ajax ឈ្នះតែពីរប្រកួតក្នុងចំណោម១១ ប្រកួតរបស់ពួកគេក្នុងការប្រកួតទាំងអស់ក្រោមការដឹកនាំរបស់លោក Steijn ដែលលោកធ្លាប់ដឹកនាំក្លឹប Den Haag, Venlo និង Breda ។
នាយកប្រតិបត្តិក្លឹបលោក Jan van Halst បាននិយាយថា យើងបានធ្វើការជាមួយគ្នាយ៉ាងយកចិត្តទុកដាក់ និងប្រកបដោយវិជ្ជាជីវៈក្នុងរយៈពេលប៉ុន្មានខែថ្មីៗនេះ ប៉ុន្តែលទ្ធផលកីឡានិងការអភិវឌ្ឍន៍ក្រុមនៅយឺតយ៉ាវ។នោះហើយជាមូលហេតុដែលយើងអង្គុយជុំវិញតុម្តងទៀត៕