ខេត្តកណ្តាល ៖ ជនសង្ស័យ២នាក់ កំពុងតែនាំគ្នាធ្វើសកម្មភាពជក់ថ្នាំញៀន ក៏ត្រូវប្រជាពលរដ្ឋរាយការណ៍ប្រាប់សមត្ថកិច្ចឱ្យចុះ បង្ក្រាបចាប់ឃាត់ខ្លួននាំទៅសាកសួរ រហូត ឈានដល់ការចុះចាប់ឃាត់ខ្លួនជនសង្ស័យ២ នាក់ទៀត និងឆែកឆេរក្នុងផ្ទះជនសង្ស័យរក ឃើញកាំភ្លើងខ្យល់កែច្នៃចំនួន២ដើម និងដាវ សាមូរ៉ៃ២ដើម ព្រមទាំងវត្ថុតាងពាក់ព័ន្ធបទ ល្មើសមួយចំនួនទៀត។ ករណីសមត្ថកិច្ចចុះ បង្ក្រាបបទល្មើសគ្រឿងញៀននេះ ធ្វើឡើង កាលពីវេលាម៉ោង១០និង៣០នាទីព្រឹក ថ្ងៃទី២៣ ខែមករា ឆ្នាំ២០១៧ ចំណុចដីឡូត៏មួយកន្លែង ក្នុងភូមិទួលសេរី ឃុំទួលព្រេជ ស្រុកអង្គស្នួល។
ជនសង្ស័យដែលត្រូវសមត្ថកិច្ចចាប់ឃាត់ ខ្លួននេះ ទី១-ឈ្មោះខ្លូត ភណ្ឌ ភេទប្រុស អាយុ ៣០ឆ្នាំ ជនជាតិខ្មែរ មុខរបរកម្មករសំណង់ រស់នៅភូមិពីងពង់ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ ទី២-ឈ្មោះអេន អ៊ីម ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ រស់នៅក្នុងភូមិពោធិ៍ ឃុំដំណាក់រាំង ស្រុកឧដុង្គ ខេត្តកំពង់ស្ពឺ ទី៣-ឈ្មោះរ៉ន ភូ ភេទប្រុស អាយុ ១៨ឆ្នាំ ជនជាតិខ្មែរ មុខរបរមិនពិតបាក្រដ មាន លំនៅក្នុងភូមិពោធិ៍ ឃុំដំណាក់រាំង ស្រុកឧដុង្គ ខេត្តកំពង់ស្ពឺ និងទី៤-ឈ្មោះជួប សារ៉ាត់ ភេទ ប្រុស អាយុ៣១ឆ្នាំ ជនជាតិខ្មែរ មុខរបរជាង កាត់សក់ មានលំនៅក្នុងភូមិតាឡាត់ ឃុំក្សេមក្សាន្ត ស្រុកឧដុង្គខេត្ត កំពង់ស្ពឺ។
តាមប្រភពពីសមត្ថកិច្ចបានឱ្យដឹងថា មុន ពេលចាប់ឃាត់ខ្លួនជនសង្ស័យខាងលើ កម្លាំង ជំនាញអធិការដ្នាននគរបាលស្រុកបានទទួល ព័ត៌មានពីប្រជាពលរដ្ឋថា មានមុខសញ្ញាកំពុង ជួញដូរថ្នាំញៀន នៅកន្លែងកើតហេតុខាងលើ ទើបភ្លាមៗនោះកម្លាំងជំនាញបានចុះទៅបង្ក្រាប ដោយចាប់ឃាត់ខ្លួនបានជនសង្ស័យចំនួន២នាក់ និងដកហូតថ្នាំញៀនម៉ាទឹកក១កញ្ចប់ នាំមក សាកសួរ។
ប្រភពដដែលបន្តថា នៅចំពោះមុខសមត្ថកិច្ច ជនសង្ស័យទាំង២នាក់ បានសារភាពថា ពួកគេ បានទិញថ្នាំញៀនទាំងនេះឈ្មោះចាន់ ចិត្ត ភេទ ប្រុស អាយុ៣០ឆ្នាំ មានលំនៅក្នុងភូមិទួលសេរី ឃុំទួលព្រេជ ស្រុកអង្គស្នួល ខេត្តកណ្តាល និង ឈ្មោះហឿន ប៉េងហៀង ភេទប្រុស អាយុ ២៣ឆ្នាំ ជនជាតិខ្មែរ មានលំនៅក្នុងភូមិពោធិ៍ ឃុំដំណាក់រាំង ស្រុកឧដុង្គ ខេត្តកំពង់ស្ពឺ ទើប កម្លាំងជំនាញសហការជាមួយនឹងសមត្ថកិច្ចនៅ ទីនោះ បានចុះឆែកឆេរក្នុងផ្ទះជនសង្ស័យឈ្មោះ ហឿន ប៉េងហៀង ដកហូតវត្ថុតាងបានអាវុធ ច្នៃប្រើខ្យល់២ដើម ដាវសាមូរ៉ៃ២ដើម ទូរស័ព្ទ ដៃ៣គ្រឿង ក្នុងនោះ ម៉ាកសាំសុង២គ្រឿង ម៉ាក ណូគាអិនចុចពិល ១គ្រឿង និងឧបករណ៍ប្រើ ប្រាស់ថ្នាំញៀនមួយចំនួន នាំខ្លួនមកសាកសួរ និងចាត់ការតាមផ្លូវច្បាប់។
ជនសង្ស័យទាំង៤នាក់ ត្រូវបានឃាត់ខ្លួន បណ្តោះអាសន្ននៅអធិការដ្ឋាននគរបាលស្រុកអង្គស្នួល ដើម្បីកសាងសំណុំរឿងបញ្ជូនទៅ តុលាការចាត់ការបន្ត៕ សិលា