ខ្សែប្រយុទ្ធKylian Mbappe រកបាន ៣០០ គ្រាប់ក្នុងអាជីពបាល់ទាត់លឿនជាងកីឡាករខ្សែប្រយុទ្ធ Cristiano Ronaldo និង Lionel Messi ។ ជុំវិញនឹងទេពកោសល្យរបស់កីឡាករនេះ អតីតកីឡាករជម្រើសជាតិបារាំង Thierry Henry បាននិយាយថា គ្មានអ្វីក្រៅពីការកោតសរសើរនោះទេ ហើយ ម្ចាស់ពានរង្វាន់ Ballon d’Or ឆ្នាំ ១៩៩១ កីឡាករ Jean-Pierre Papin ក៏បានបញ្ចេញយោបល់ដែរថាខ្ញុំជឿជាក់ថាអ្វីដែលល្អបំផុតគឺមិនទាន់មកដល់នៅឡើយទេ។
Henry បានបន្ថែមថា គាត់ជាអ្នកស៊ុតបញ្ចូលទី គាត់ជាអ្នក បញ្ជូនបាល់ឲ្យមិត្តរួមក្រុម គាត់ដឹងពីរបៀបធ្វើអ្វីគ្រប់យ៉ាង។ ពិតណាស់ មានកន្លែងសម្រាប់កែលម្អ ប៉ុន្តែមិនមែនជាចំណុចនោះទេ។
ស្ថិតក្នុងវ័យអាយុ ២៤ ឆ្នាំ និង ៣៣៣ ថ្ងៃMbappé បានសម្រេចបានជោគជ័យកាលពីចុងសប្តាហ៍ក្នុងការប្រកួតជាមួយក្រុមជម្រើសជាតិ Gibraltar ក្នុងលទ្ធផល ១៤-០។
ទាំង Messi និង Cristiano Ronaldo ដែលជាតារាធំបំផុតពីរក្នុងសតវត្សទី២១មានអាយុកាន់តែចាស់នៅពេលដែលពួកគេឈានដល់ចំណុចសំខាន់។
Henry ដែលឥឡូវទទួលបន្ទុកដឹកនាំកីឡាករបារាំងជំនាន់ថ្មីក្នុងនាមជាគ្រូបង្វឹកក្រុមអាយុក្រោម ២១ ឆ្នាំបាននិយាយថា៖ «អ្វីដែលក្មេងនេះកំពុងធ្វើគឺពិតជានៅក្រៅពិភពលោកនេះ។ វាមិនគួរឱ្យជឿទេ។
Mbappé ក៏ត្រូវបានគេប្រៀបធៀបជាមួយនឹងស្តេចបាល់ទាត់ប្រេស៊ីល Pelé ផងដែរប៉ុន្តែបើនិយាយពីស្ទីលនិងល្បឿន របស់គាត់ធ្វើឱ្យគាត់ខិតទៅជិត Henry ដែលមានអាយុ ៣០ ឆ្នាំពេលគាត់រកបាន ៣០០ គ្រាប់ ៕