ខ្សែការពារកណ្តាល Raphael Varane ដែលមិនសប្បាយចិត្តនៅជាមួយក្លឹប Man United កំពុងមានទំនាក់ ទំនងជាមួយនឹងការផ្ទេរទៅកាន់ក្លឹបយក្សអាល្លឺម៉ង់ Bayern ។
Varane ទើបតែបានចូលរួមជាមួយ United ក្នុងឆ្នាំ ២០២១ ក្នុងការផ្ទេរតម្លៃជាង ៥២លានដុល្លារពី Real Madrid ហើយបានបង្កើតភាពជាដៃគូរឹងមាំជាមួយ Lisandro Martinez កាលពីរដូវកាលមុន។ទោះបីជាបដិសេធការមិនចុះសម្រុងជាមួយខ្សែការពារសញ្ជាតិបារាំងក៏ដោយលោក Erik ten Hag គ្រូបង្វឹក United បានសម្រេចចិត្តមិនជ្រើសរើសម្ចាស់ជើងឯក Champions League បួនសម័យកាល។ជាមួយនឹងការងើបឡើងវិញនៃទម្រង របស់ Harry Maguire លោកTen Hag ជារឿយៗបានជ្រើសរើស Jonny Evans ឬ Victor Lindelof វ័យ៣៥ ឆ្នាំ ដើម្បីចាប់ដៃគូជាមួយកីឡាករអង់គ្លេស ដោយបន្សល់ទុក Varane នៅលើកៅអីបម្រុង។
ឥឡូវនេះអតីតកីឡាករ Real Madrid រូបនេះត្រូវបានផ្សារភ្ជាប់ជាមួយនឹងការចាកចេញពី Old Trafford ដែលអាចកើតឡើងភ្លាមៗនៅខែមករា។
យោងតាម Sky Sports ម្ចាស់ជើងឯកប៊ុនដេស្លីហ្គា Bayern បានពិភាក្សាផ្ទៃក្នុងក្នុងការនាំយកកីឡាករវ័យ ៣០ ឆ្នាំមកកាន់កីឡដ្ឋាន Allianz Arena ។
Varane អាចមានតម្លៃចន្លោះពី២០ដល់៣០លានដុល្លារដែលហាក់ដូចជា ការចរចាសម្រាប់ខ្សែការពារដែល មានបទពិសោធន៍បែបនេះ។
ទោះជាយ៉ាងណាក៏ដោយ ឧបសគ្គពិតប្រាកដអាចជាប្រាក់ឈ្នួលរបស់កីឡាករសញ្ជាតិបារាំង ដែលប្រហែល ៤២ម៉ឺន ក្នុងមួយសប្តាហ៍ធ្វើឱ្យគាត់ក្លាយជាកីឡាករដែលមានប្រាក់ខែខ្ពស់បំផុតនៅ United ។ថ្វីបើមានប្រាក់ឈ្នួលខ្ពស់បែបនេះក្តី Varane បានចាប់ផ្តើមត្រឹមតែមួយប្រកួតក្នុងចំណោម ការប្រកួតចុង ក្រោយរបស់ Manchester United ៕