តាមប្រភពព័ត៌មានពីប៊ីប៊ីស៊ី ចេញផ្សាយកាលពីពេលថ្មីៗនេះបានឲ្យដឹងថាក្លឹប Milan បានខ្ចីជើងកីឡាករខ្សែបម្រើ Gerard Deulofeu ពីក្លឹបEverton រហូតដល់ចប់រដូវកាលនេះ។ កីឡាករDeulofeu បានចូលមកលេងឲ្យក្លឹបEverton កាលពីឆ្នាំ ២០១៣ ក្រោយផ្ទេមកពីក្លឹប Barcelona ក្នុងលក្ខណៈខ្ចីជើង មុនពេលដែលក្លឹបសម្រេចផ្តល់កុងត្រាពេញសិទ្ធិកាលពីខែកក្កដា ២០១៥ ជាមួយនឹងតម្លៃខ្លួនជាង៦លានដុល្លារក្នុងមួយឆ្នាំ។
ក្រោយពីចុះហត្ថលេខាផ្ទេរទៅ Milan រួចរាល់ កីឡាករ វ័យ២២ឆ្នាំ បាននិយាយថា៖’’ ខ្ញុំសប្បាយរីករាយណាស់ ដែលបានចូលមកលេងឲ្យក្លឹប Milan ពីព្រោះវាជាក្លឹបមួយដ៏ល្បីនៅអ៊ីតាលី។ ខ្ញុំនឹងប្រឹងប្រែងលេងឲ្យអស់ពីសមត្ថភាព ដើម្បីជួយក្លឹបនេះក្នុងការប្រជែងយកតំណែងជើងឯកនៅក្នុងក្របខ័ណ្ឌបាល់ទាត់អ៊ីតាលីស៊េរី A ។
ចាប់តាំងពីមករួមរស់ជាមួយEverton កីឡាករ Deulofeu ទើបតែរកគ្រាប់បាល់បានពីរគ្រាប់ក្នុងការបង្ហាញវត្តមាន ៣៧ប្រកួត។
ដោយ៖ ហេង ដេត