សៀមរាប ៖រូបភាពក្មេងប្រុសតូចម្នាក់អាយុក្រោម១០ឆ្នាំ ត្រូវបានមន្រ្ដីអាជ្ញាធរជាតិអប្សរាបង្កអំពើហឹង្សារវ៉ៃ ទះលើកុមារម្នាក់ដែលលក់សត្វកូនអណ្ដើកនៅបរិវេណមុខប្រាសាទអង្គរវត្តកាលពីពេលថ្មីៗនេះ បានធ្វើឲ្យមហាជន និងអ្នកលេងបណ្ដាញសង្គមបង្ហាញការខឹងសម្បារលើក្រុមជនបង្កហឹង្សារលើកុមារនោះយ៉ាងខ្លាំងដោយខ្លះថាជនប៉ុន្មាននាក់ទាំងនោះមិនសាកសមធ្វើជាមន្រ្ដីស៊ីប្រាក់ខែរាស្រ្ដឡើយ ព្រោះសូម្បីតែកុមារក៍ពួកគេមិនលើកលែងដែរ ខណៈខ្លះទៀតស្រណោះអាណិតក្មេងនោះរហូតដល់ហូទឹកភ្នែកទៀតផងថា”កោតតែជនបង្កហឹង្សារលើកដៃវាយក្មេងទៅរួច ?”។ប្រជាពលរដ្ឋលើកឡើងថារូបភាពទាំងនោះនៅតំបន់ទេសចរណ៍ដ៍សំខាន់បែបនេះបានជះឥទ្ធិពលយ៉ាងខ្លាំងដល់វិស័យទេសចរណ៍ ប្រសិនបើភ្ញៀវទេសចរអន្ដរជាតិបានឃើញនោះព្រោះការប្រើអំពើហឹង្សា ឬធ្វើទារុណកម្មលើកុមារបែបនេះបង្ហាញពីអត្តចឬកមន្រ្ដីកំពុងពាក់ស្លាកបម្រើវិស័យមួយនេះនៅតំបន់នោះ។
ចំណែកលោកគួច ខេវិន ក៍បានចេញប្រតិកម្មចំពោះអំពើហឹង្សារដែលមន្រ្ដីអាជ្ញាធរជាតិអប្សរា វាយក្មងផ្អើលភ្ញៀវទេសចរនិងអ្នកលេងបណ្ដាញសង្គមនេះដែរដោយលោកបានទាមទារឲ្យច្បាប់ចាត់ការលើមន្រ្ដីប៉ុន្មាននាក់នេះនិងផ្ដន្ទាទោសទៅតាមច្បាប់ មិនមែនអាងសុំទោសរួចខ្លួននោះទេ។អតីតអគ្គនាយកទូរទស្សន៍CTN ,Seatv និងEtv លោកគួច ខេវិន បានថ្លែងសារយ៉ាងឈឺចាប់ព្រោះអាណិតក្មេងតូចម្នាក់ដែលត្រូវមន្រ្ដីចោលម្សៀតនោះវាយគ្មានមេត្តាថា”បើនិយាយតាមទម្លាប់…ខ្មែរ(ធ្លាប់=>ទម្លាប់=>ច្បាប់)ខ្ញុំសុំហៅពួកវាថា”អា”ព្រោះខ្ញុំអាយុបងពួកអាអស់ហ្នឹងគឺ ខ្ញុំចង់សំដៅទៅលើពួកអាប៉ុន្មាននាក់ដែលស្លៀកពាក់ឯកសណ្ឋានអាជ្ញាធរអប្សរា ប៉ុន្តែចរឹកបាតផ្សារ ប្រើអំពើហឹង្សាវាយក្មេង(អនិតិជន)ដែលលក់កូនអណ្តើកនៅមុខមហាប្រាង្គប្រាសាទអង្គរ។តើនរណាជាអ្នកជ្រើសរើសឲ្យពួកអាប៉ុន្មាននាក់ហ្នឹងឲ្យមកធ្វើការក្នុងស្ថាប័នអាជ្ញាធរជាតិអប្សរា ដោយមិនទាំងដឹងថាពួកអាប៉ុន្មាននាក់ហ្នឹងចេះស្អី? ឬត្រឹមតែចេះវាយធ្វើបាបខ្មែរគ្នាឯងហើយតែងតាំងវាឲ្យដើរធ្វើបាបខ្មែរ សូម្បីតែក្មេងក៏មិនលើកលែងដែរនោះក៏យកមកឲ្យធ្វើការដ៏មានសារសំខាន់នេះ?គ្រួសារមានទម្លាប់ ប្រទេសមានច្បាប់ បើពូជអំបូរគ្រួសារពួកអាអស់ហ្នឹងវាធ្លាប់ត្រូវម៉ែឪ ជីដូនជីតា តាទួត យាយទួតវា វាយធ្វើបាបតគ្នា រហូតពួកវាធ្លាប់ ក្លាយជាទម្លាប់ក្នុងពូជអំបូរវា ក៏ពេលនេះពួកវាមិនអាចប្រើអំពើហឹង្សាតាមទម្លាប់គ្រួសារពួកវាមកលើកូនក្មេងខ្មែរដូចពេលនេះដែរ ព្រោះប្រទេសមាន”ច្បាប់” ឬមួយក៏”ឆ្នាំងណាគ្របហ្នឹង? ។វាយធ្វើបាបដោយហឹង្សា ដោយបើកចំហរលើអនិតិជន រួចក៏សុំទោសដើម្បីរួចខ្លួនបានដែរឬក៏អី? ឯណាទៅកម្ពុជា ជានិតិរដ្ឋ? និយាយដើម្បីតែពិរោះមែនក៏អី? បើអាជ្ញាធរអប្សរាត្រូវការតែពួក អា ពភ្លើល្ងីល្ងឺល្ងង់ខ្លៅអត់ចេះ ង ទីទុយស្អីចឹងឲ្យធ្វើការ តើយកមុខមាត់កម្ពុជាទៅអួតភ្ញៀវទេសចរ បរទេសថាម៉េច?ដើម្បីឲ្យគេចូលមកកំសាន្តនៅស្រុកខ្មែរ? អួតត្រង់ថាខ្មែរវ៉ៃខ្មែរ រាបដូចកន្ទេល សូម្បីតែក្មេងក៏អត់លើកលែង ហើយសុំទោសរួចខ្លួន រីឯច្បាប់សាបជាងទឹកស៊ីអ៊ីវមែនដែរទេ? មាននរណាចេះ មាននរណាយល់ ជួយឆ្លើយឲ្យខ្ញុំបានដឹងបន្តិចបានទេ ព្រោះខ្ញុំខឹងនឹងអាប៉ុន្មាននាក់ដែលវាវាយកូនក្មេង ហើយអាក្មេងនោះវាជាខ្មែរដូចខ្ញុំ? ខ្ញុំសុំដោយទទូចចំពោះស្ថាប័នច្បាប់មេត្តាចាត់ការតាម អ្វីដែលហៅថានិតិរដ្ឋ ដើម្បីជំនឿរបស់ខ្មែរទូទាំងនរគ !
កុមារមានសិទ្ធិពេញលេញក្នុងការទទួលបាន :
១/ការរស់រានមានជីវិត មិនធ្វើទារុណកម្ម មិនប្រហារជីវិត មិនត្រូវបោះបង់ចោល
២/មានសិទ្ធិទទួលការការពារផ្លូវកាយ ផ្លូវចិត្ត ផ្លូវសម្ភារៈសុខុមាលភាព
៣/មានសិទ្ធិក្នុងការអភិវឌ្ព្យន៍ ទទួលការអប់រំគ្រប់ប្រភេទទាំងផ្លូវកាយ ទាំងផ្លូវបញ្ញាស្មារតី
៤/មានសិទ្ធិក្នុងការចូលរួមទទួលនិងផ្សព្វផ្សាយព៏ត៌មាន បញ្ចេញមតិយោបល់និងការចូលរួមនានាក្នុងសហគមន៌ “។
គេឃើញអ្នកលេងហ្វេសបុកបានចូលទៅគាំទ្រមតិលោកគួច ខេវិន ដោយខមិនពេញចិត្តនូវការលើកឡើងរបស់លោកក្នុងនោះយោបល់ភាគច្រើនស្នើរឲ្យចាត់ការតាមច្បាប់លើមន្រ្ដីនោះគ្មានការលើកលែង ដើម្បីបញ្ជាក់ពីនីតិរដ្ឋ នៅកម្ពុជា និងកុំឲ្យមន្រ្ដីផ្សេងទៀតធ្វើតាមបុគ្គលទាំងនោះអាងរួចខ្លួន ព្រោះការប្រើអំពើរហឹង្សារលើកុមាររំលោភច្បាប់ជាតិ និងអន្ដរជាតិយ៉ាងធ្ងន់ធ្ង ៕
តាមព័តមានថាក្រោយមានប្រតិកម្មពីលោកគួច ខេវិន និងអ្នកលេងបណ្ដាញសង្គមព្រោងព្រាតបែបនេះនៅថ្ងៃទី១៣ ខែមករា ឆ្នាំ២០២៤ ស្នងការដ្ឋាននគរបាលខេត្តសៀមរាប បានឲ្យដឹងថាបុគ្គលិកអាជ្ញាធរជាតិអប្សរាចំនួន២នាក់ ដែលពាក់ព័ន្ធនិងការប្រើហឹង្សារលើកុមារក្មេងប្រុសលក់អណ្ដើកនៅកសិន្ទុអង្គរត្រូវបានឃាត់ខ្លួន ។ប៉ុន្ដែតាមព័តមានចុងក្រោយថានៅរសៀលថ្ងៃទី១៤ ខែមករា ឆ្នាំ២០២៤ បុគ្គលិកអាជ្ញាធរអប្សរា ទាំង២នាក់គឺម្នាក់ឈ្មោះសុខ ឈឿន អាយុ២៣ឆ្នាំ និងម្នាក់ទៀតឈ្មោះហៃ រដ្ឋា អាយុ៣១ឆ្នាំ ត្រូវបានឃាត់ខ្លួនហើយបញ្ជូនទៅអយ្យការអមសាលាដំបូងនោះ ត្រូវបានអយ្យការអមសាលាដំបូងខេត្តដោះលែងឲ្យនៅក្រៅឃុំ បន្ទាប់ពីមានការធានាពីមេធាវី ៕
