ភ្នំពេញ៖“ក្រោយភ្លៀង មេឃស្រឡះ” នៅទីបំផុតចំណងស្នេហារបស់អ្នកនាងគង់ សុជាតិ និងស្វាមីក្មេងលោកជា វិបុល បានប្រែមកជាស្អិតល្មូតនិងផ្អែមល្ហែមគ្នាគ្រប់ពេលវេលាវិញ បន្ទាប់ពីជួបរឿងសៅហ្មងក្នុងចិត្ត កាលពីឆ្នាំ២០២០ គឺ១ឆ្នាំពេញតែម្ដង។អ្វីដែលគូរឲ្យកត់សម្គាល់តាំងពីលោកជា វិបុល ឡើងឋានៈជាជំនួយការរបស់អតីតនាយករដ្ឋមន្រ្ដីសម្ដេចតេជោហ៊ុន សែន កាលពីថ្ងៃទី៤ ខែសីហា ឆ្នាំ២០២៣ មក ពេលនេះលោកហាក់មានការប្រយ័ត្នប្រយ៉ែងខ្ពស់ខ្លាចដើរជាន់ដានចាស់ម្ដងទៀត ទើបក្រៅពីភរិយាសំណព្វចិត្តលោកវិបុល លែងសូវហ៊ានស្និតជាមួយតារាស្រីរូបណាដូចមុនទៀតហើយ។សកម្មភាពរបស់លោកវិបុល នាពេលនេះត្រូវបានគេលើកឡើងថាដោយសារតែលោកខ្លាចប៉ះពាល់ដល់តំណែងធំរបស់ខ្លួន និងម្យាងទៀតដើម្បីសន្សំទំនុកចិត្តចំពោះភរិយាឲ្យបានដូចដើមឡើងវិញ ហេតុនេះហើយបើលោកហ៊ានតែថ្លោះធ្លោយម្ដងទៀតនោះចំណងស្នេហាមួយនេះប្រាកដជានឹងមិនអាចផ្សះផ្សារគ្នាជាលើកទី២បានជាដាច់ខាត។ប៉ុន្ដែរឿងដែលសុជាតិ មិនអាចធ្វើឲ្យប្ដីសប្បាយចិត្តនោះគឺសំណូមពររបស់ប្ដីក្មេងចង់ឲ្យនាងពពោះកូនភ្លោះប្រុសនោះមានរយៈពេលជិត៥ឆ្នាំទៅហើយពេលនេះសុជាតិ នៅតែមិនអាចបំពេញបំណងប្ដីបានដដែល ។ចំណុចនេះអ្នកខ្លះថាចំណងស្នេហាសុជាតិ នៅតែមិនទាន់មានសុវត្ថិភាព១០០% នោះទេ ព្រោះលោកវិបុល អាចអាកខាន់ស្រពោនចិត្តរឿងអត់បានកូនភ្លោះ ហើយងាកទៅសម្លឹងមើលស្រីផ្សេង ។ប៉ុន្ដែសុជាតិ ដែលមានអាយុជាង៤០ឆ្នាំ នោះធ្លាប់ប្រាប់ទៅប្ដីហើយថានាងមិនអាចធានាថាបានដូចចិត្តនោះទេ គឺត្រូវតែប្រឹក្សាយោបល់លើរឿងរ៉ាវនេះជាមួយគ្រូពេទ្យជំនាញជាមុនសិន ។
គូររំលឹកថាគង់ សុជាតិ និងជា វិបុល ក្រោយចាប់ដៃគ្នាបានជិត១១ឆ្នាំនេះអ្នកទាំងពីរមានបញ្ហាធំតែម្ដងគត់នោះគឺកាលពីពាក់កណ្ដាលឆ្នាំ២០២០ លោកវិបុល បែកធ្លាយរឿងមានស្នេហាជាមួយដៃគូនោះគឺអ្នកនាងចាន់ កែវនិមល នាំឲ្យសុជាតិ ឈឺចាប់ណែនឱរ៉ា និងស្ទើតែចែកផ្លូវជាមួយប្ដីក្មេង ។ប៉ុន្ដែក្រោយដឹងកំហុសលោកវិបុល បានរត់ទៅសាងផ្នួសរយៈពេលខ្លីដើម្បីឲ្យប្រពន្ធបានឃើញថាលោកភ្ញាក់ខ្លួនហើយទើបសុជាតិ ព្រមបន្ដចាប់ដៃប្ដីក្មេងតទៅទៀត និងរយៈពេលជាង៣ឆ្នាំមកនេះប្ដីមិនដែលធ្វើឲ្យនាងឈឺក្បាលរឿងលួចមានស្រីក្រៅដូចមុនទៀតទេ ។អ្វីដែលសុជាតិ កាន់តែកក់ក្ដៅនោះគឺថៅកែហង្សមាសបានបញ្ឈប់ជាបន្ទាន់រាល់កម្មវិធីទាំងឡាយណាដែលលោកវិបុល ចាប់ដៃជាមួយកែវនិមល ហើយឲ្យពួកគេប្ដូរដៃគូថ្មីរៀងៗខ្លួន ទើបធ្វើឲ្យសុជាតិ លែងបារម្ភពីស្នេហានាងប្រឈមហានិភ័យជាលើកទី២ ។ចំណែកបណ្ដារក្រុមហ៊ុនAgency ទាំងឡាយវិញភាគច្រើនគឺគេជ្រើសរើសសុជាតិ និងប្ដីឲ្យទៅចាប់ដៃគ្នាធ្វើជាMC រួមគ្នាតែម្ដង នាំឲ្យប្ដីប្រពន្ធតារា១គូនេះលុយមូលដែលអាចរកប្រាក់ចំណូលបានរាប់សិបម៉ឺនដុល្លារក្នុង១ឆ្នាំៗពីសិល្បៈ។
ថ្វីត្បិតែតែស្នេហាគង់ សុជាតិ និងស្វាមីក្មេងរូបសង្ហារលោកជា វិបុល វិលមករកដូចដើមវិញមែន ប៉ុន្ដែជិត៤ឆ្នាំ នេះមានព័តមានថាសុជាតិ និងអ្នកនាងចាន់ កែវនិមល នៅតែមិនត្រូវគ្នាឡើយ ។ប្រភពបានឲ្យដឹងថាមិនថាតែនៅStudio ហង្សមាសនិងតាមបណ្ដារកម្មវិធីរបស់អ្នកសិល្បៈខាងក្រៅនោះទេ គឺសុជាតិ-និមល អត់ដែលនិ យាយចូលគ្នាសូម្បីតែមួយម៉ាត់ ។ចំណែកបុរសសម្បូរមន្ដស្នេហ៍លោកវិបុល លោកមិនក្វល់ក្វាយច្រើនទេ ហើយធ្វើដូចជាអត់ដឹងរឿងរ៉ាវដែលកើតឡើងទាំងអស់។
សូមបញ្ជាក់ថាគង់ សុជាតិ ជាតារាដែលមានទ្រព្យច្រើនពោលគឺជាសេដ្ឋនីលាក់មុខម្នាក់ក្នុងសិល្បៈ តែនាងមិនដែលចេះអួតអាងឬសម្ញែងទ្រព្យម្ដងណាឡើយ ។អ្នកនាងក៍ត្រូវបានគេមើលឃើញថាមានសម្ថភាពសាកសមជាបេក្ខភាពប្រធានសមាគមសិល្បករខ្មែរនៅអាណត្តិថ្មីដែរ បើទោះជាមិនដែលមានដំណឹងថាសុជាតិ ចង់ឈរឈ្មោះម្ដងណាឡើយ ។យ៉ាងណារឿងដែលសុជាតិ ត្រូវធ្វើនៅឆ្នាំ២០២៤ នេះគឺពពោះកូនភ្លោះប្រុសឲ្យបានតាមបំណងប្ដី តែបើធ្វើរឿងសំខាន់មួយនេះ មិនទាន់បានសម្រេចទេ នោះនាងអាចនឹងបើកដៃឲ្យប្ដីមានលែសរក ស្រីពីខាងក្រៅក៍ថាបាន ព្រោះតាមដំណឹងថាលោកវិបុល នេះមិនធម្មតាទេ ទៅដល់ណាស្រីៗចង់តែយកលោកធ្វើប្ដី ។ដើម្បីកុំឲ្យប្រឈមឈឺផ្សារម្ដងទៀតសុជាតិ អាចនឹងបង្ខំចិត្តបាត់មុខពីសិល្បៈមួយរយៈធំម្ដងទៀតព្រោះតែការពពោះយកកូនម្ដង២ តាមបំណងប្ដីឲ្យខាងតែបាននៅឆ្នាំ២០២៤ នេះជាមិនខាន ៕
