ភ្នំពេញ៖តារាចម្រៀងឃីន ស្រីនាថ ហៅអ៊ីវ៉ា ត្រូវបានម្ចាស់ស្នេហ៍ថ្លើមថ្លៃរបស់នាងលោកលី សេងហួរ ជាម្ចាស់ក្លិបបាល់ទាត់សៀមរាបយូណាយធីត បានចេញមុខមកសរសើរថាស្រីនាថ ជានារីដែលមានអ្វីៗគ្រប់យ៉ាងទាំង អស់សម្រាប់ជីវិតលោក។ការលើកពីគុណសម្បត្តិរបស់ថៅកែក្លិបបាត់ទាត់វ័យក្មេងរូបនេះចំពោះអ៊ីវ៉ា កើតមានក្រោយពីមានដំណឹងថាលោកនឹងដឹកដៃកំពូលស្នេហ៍រៀបការនៅឆ្នាំ២០២៤ នេះហើយ ។
លោកលី សេងហួរ បានរៀបរាប់ពីលក្ខណៈពិសេសរបស់អ៊ីវ៉ា ថា”នាងជាមនុស្សដ៍អស្ចារ្យបំផុត គ្រប់កាលៈទេសៈ នាងមិនដែលរុញរា នាងធ្វើបានគ្រប់យ៉ាង នាងមិនខ្លាចភាពនឿយហត់ នាងជាមនុស្សដ៍ពូកែបំផុត នាងមានភាពជាអ្នកដឹកនាំ នាងមានទំនួលខុសត្រូវ នាងមិនទន់ជ្រាយ នាងក្លាហានមានភាពច្បាស់លាស់ ក្នុងគោលដៅជីវិត គ្រប់យ៉ាងជាមនុស្សពិសេសរបស់ខ្ញុំ “។
ក្រៅពីបរិយាយពីចំណុចដ៍អស្ចារ្យរបស់គូស្នេហ៍ឲ្យគេគ្រប់គ្នាបានដឹងនេះលោកលី សេងហួរ ក៍អរគុណដល់ឃីន ស្រីនាថ ដែលមិនដែលចេះប្រណ្ឌនិងរូបលោកដែរ ដោយលោកនិយាយបែបលេងសើចថាព្រោះលោកជាមនុស្សឈប់ខូច…។គេជឿរថាពាក្យពេជន៍ ទាំងនេះអ៊ីវ៉ា ប្រាកដជាពេញចិត្តស្ដូកតែម្ដង ព្រោះគ្មាននារីណាដែលមានលក្ខណៈពិសេសត្រូវចិត្តលោកសេងហួរ ដូចរូបនាងនោះទេ ។ពាក្យលើកឡើងរបស់លោកសេងហួរ បែបនេះហើយដែលស្ដ្រីទាំងឡាយប្រាថ្នាចង់បានចេញពីមាត់ម្ចាស់ចិត្ត តែពេលនេះនារីដែលទទួលបានសារនេះមុនគេគឺនាងស្រីនាថ ហៅអ៊ីវ៉ា តារាចម្រៀងសាន់ដេ ។
អ្នកយកព័តមានយើងបានទូរស័ព្ទទៅអ៊ីវ៉ា កាលពីពេលថ្មីៗនេះដើម្បីចង់ដឹងពីអារម្មណ៍នាងនៅពេលដែលត្រូវគូស្នេហ៍បង្ហាញសារចេញពីបេះដូងចាក់ដល់បេះដូងនាងនេះ ប៉ុន្ដែតេចូលគ្មានអ្នកទទួលឡើយ ។យ៉ាងណាតាមព័តមានថាមិនត្រឹមតែអ៊ីវ៉ា ទេ ដែលសប្បាយចិត្តស្ទើហោះនោះតែឪពុកនាងលោកអ៊ូ វ៉ាវ ក៍រំភើបជំនួសកូនស្រីសំណព្វចិត្តដែរ ព្រោះថាពេលនេះនាងរកបានបុរសដែលស្រលាញ់និងពេញចិត្តបំផុតចំពោះអ្វីដែលនាងមាន។
គូរបញ្ជាក់ថាអ៊ីវ៉ា បានលាក់ស្នេហ៍ម្ចាស់ក្លិបបាល់ទាត់សៀមរាបយូណាយធីត បានដល់ទៅ៧ឆ្នាំ ពោលគឺទើបតែ នៅពាក់កណ្ដាលឆ្នាំ២០២៣ ទើបនាងលែងអាចបិទបាំងចំណងស្នេហាមួយនេះបានតទៅទៀត ព្រោះតែលោកសេងហួរ មានចេនាចង់ឲ្យគ្រប់គ្នាបានដឹងដើម្បីកុំឲ្យមានប្រុសផ្សេងតាមញ៉ែស្រីនាថ ទៀត ព្រោះពេលនេះនាងមានម្ចាស់ចិត្តហើយ ។ប៉ុន្ដែរហូតមកដល់ពេលនេះមិនមានដំណឹងអ៊ីវ៉ា ដឹកដៃលោកសេងហួរ ចូលរោងការនៅថ្ងៃខែណា ឲ្យប្រាកដឡើយ បើទោះជាឪពុកនាងលោកវ៉ាវ ចង់ឃើញកូនស្រីរៀបការឲ្យខាងតែបាននៅឆ្នាំ២០២៤ នេះបន្ទាប់ពីបានឆាចោលកាលពីឆ្នាំ២០២៣ យ៉ាងតក់ក្រហល់ក្ដី ។
សូមរំលឹកថាអ៊ីវ៉ា ធ្លាប់និយាយប្រាប់អ្នកយកព័តមានយើងថានាងចង់រៀបការនៅអាយុ៣០ឆ្នាំ ព្រោះយល់ថាមនុស្សស្រីអាយុប៉ុណ្ណឹងល្មមមានគ្រួសារ តែដល់ពេលគ្រប់អាយុត្រូវការប្ដីនៅឆ្នាំ២០២៣ នាងបែជាមិនហ៊ានទៅវិញ ដោយលេចឭថានាងខ្លាចមានប្ដីទៅធ្លាក់កូដហៅលែងឭ។ប៉ុន្ដែលោកសេងហួរ មិនត្រូវការពន្យាពេលរៀបការតទៅទៀតទេ ព្រោះលោកចង់បណ្ដើរនាងជាសាធារណៈ ហេតុនេះហើយ បានជាស្រីនាថ ទាល់តម្រេះ ដោយសារតែទាំងអនាគតស្វាមី និងឪពុកសុទ្ធតែចង់ឃើញនាងក្រាបផ្ទឹមនៅឆ្នាំ២០២៤ នេះ។ចំណែកតារារួមអាជីពបាននិយាយថាអ៊ីវ៉ា មានសំណាងព្រោះមានគូស្នេហ៍ជាបុរសទ្រព្យស្ដុកដែលឪពុកម្ដាយលោកហួរ ជាអ្នកជំនួញធំ ហេតុនេះអនាគតទៅនាងមិនបាច់ច្រៀងក៍រស់នៅដោយសុខសាន្ដត្រាន្ដដែរ ដោយ សារតែស្រីនាថ ត្រូវគូស្នេហ៍ជម្រុញឲ្យពង្រីគមុខជំនួញបន្ថែមទៀត ។តែមុនរៀបការនេះគេឃើញស្រីនាថ នៅ តែបន្ដចេញច្រៀងគ្រប់ឆាកតន្រ្ដី និងលក់អ៊ឺវ់ាន់ តាមOnline ដដែល ។
ក្រៅពីអ៊ីវ៉ា តារាដែលគម្រោងរៀបការនៅឆ្នាំ២០២៤ នេះមានដូចជាពេជ្រ សោភា ,ប៉ាច គីមមួយ ,ម៉ានីកា និងម៉ង ច័ន្ទកញ្ញា ជាដើម ៕