ភ្នំពេញ៖តារាសម្ដែងមាន សូនីតា មិនសូវសកម្មក្នុងការថតភាពយន្ដនោះទេ ពោលគឺយូៗទើបនាងចេញមុខមកវិញម្ដង ប៉ុន្ដែអត់ដែលលេងតួរងឡើយ ពោលគឺតួឯកសឹងគ្រប់រឿងទៅហើយ។ថ្មីៗនេះដែរសូនីតា ទើបឆក់បានតំណែងតួឯកថ្មីមួយទៀតរបស់ហង្សមាសគឺរឿង”មេឆា “ដែលចាប់ដៃជាមួយលោកហ្សូណូ បន្ទាប់ពីនាងបានលេចធ្លោនៅផលិតកម្មនេះរឿង”ផ្កាថ្ម” ។ការបន្ដគ្រងតំណែងតួឯករបស់ស្រីស្រស់សូនីតា នេះបញ្ជាក់ថានាងនៅតែមានយីអ៊ុនល្អ ពោលគឺអ្នកដឹកនាំរឿងនៅមិនទាន់ហ៊ានទម្លាក់នាងឲ្យលេងជាតួរងទេ បើទោះជាស្រីស្រស់បរាជ័យក្នុងអាជីពជាMC ហើយរយាលៗពីការថតសម្ដែងភាពយន្ដក្ដី ។
ក្នុងជំនួបជាមួយអ្នកសារព័តមានកន្លងមកមាន សូនីតា ថានាងទទួលថតភាពយន្ដក្នុង១ឆ្នាំតែមួយរឿងប៉ុណ្ណោះ នៅសេសសល់ពេលប៉ុន្មាននាងទុកយកពេលទៅរកស៊ី ខណៈដែលទាំងរឿងនិងMV ទាល់តែភាពយន្ដនិងចម្រៀងនោះនាងពេញចិត្តដែរទើបថតសម្ដែង។ដោយឡែកសម្រាប់ឆ្នាំ២០២៤ នេះនាងផ្ដោតលើការផ្សព្វផ្សាយមាតិកា” ”កម្ពុជា ឋានសួគ័លើដី” ដែលនឹងចុះទៅថតតំបន់ទេសចរណ៍គ្រប់ខេត្តក្រុង បើទោះជាគ្មានSponsor ក៍ដោយ។
បើតាមអ្នកដឹកនាំរឿងដែលធ្លាប់ហៅមាន សូនីតា ថតបង្ហើបថាស្រីស្រអែមស្រស់រូបនេះមានទេពកោសល្យសិល្បៈសម្ដែងល្អ រូបសម្រស់ស្អាតសាកសមជាតួឯក ប៉ុន្ដែសម្លេងនាងស្រាលនិងតូចពេកពោលគឺពេលខ្លះនិយាយទៅច្រឡំកូនក្មេងទើបមិនអាចធ្វើជាMC អាជីពបានទេ ព្រោះសម្លេងអត់ត្រូវប៉ាន់។ប៉ុន្ដែបើសូនីតា ចង់លេចធ្លោនាងគូរតែទទួលថតភាពយន្ដឲ្យបានច្រើនជាងនេះ ព្រោះ១ឆ្នាំចេញត្រឹមមួយរឿងមិនអាចប្រជែងជាមួយតួដែលគេថតពេញ១ឆ្នាំបានឡើយ ។
មាន សូនីតា ស្ថិតក្នុងចំណោមតារាភាពយន្ដលេចធ្លោនាពេលបច្ចុប្បន្នមានដូចជានាងស៊ឹម ស្រីនិច្ច ,សិទ្ធី នីកា និងស៊ីន យូប៊ីន ជាដើម ។ក្មួយស្រីអ្នកនាងចន ច័ន្ទលក្ខិណា រូបនេះទើបបានឆ្លើយតបទៅអ្នកBully ថាសម្លេងនាងមិនកើតនោះតាមរយៈការច្រៀងCover បទមាស សុខសោភា “ព្យាយាម គ្មានន័យ “ក្នុងថ្ងៃខួបកំណើតនាងគម្រប់អាយុ៣៤ឆ្នាំ ដែលនេះជាការតេស្ដ ទៅFan របស់នាងថាតើសម្លេងនាងអាចទៅរួច ឬអត់ បើចាប់អាជីពចម្រៀង។ប៉ុ ន្ដែក្រៅពីTop Fan នោះគេនៅមិនទាន់ឃើញមានទស្សនិកជនភាគច្រើនចង់ឲ្យស្រីស្អាតរូបនេះធ្វើជាតារាចម្រៀងអាជីពឡើយ ដែលបញ្ហាចោទទាំងនោះត្រូវបានគេសន្និដ្ឋានថាព្រោះតែសូនីតា សម្លេងតូច និងស្រាលពេកនោះឯង ។
គួរបញ្ជាក់ថាអតីត Freshie មាន សូនីតា ត្រូវបានគេចាត់ទុកថានាងស្ថិតក្នុងចំណោមតារាដែលមានទ្រព្យច្រើនទាំងវ័យក្មេងដោយក្នុងនោះគេផ្ដោតទៅលើផ្ទះវីឡារ ,រថយន្ដទំនើបៗ និងការមានហាងអាជីវកម្មផ្ទាល់ខ្លួនរបស់នាងដល់ទៅ៣គឺហាងកាហ្វេណ សាខាផ្សារទួលទំពួង ,ហាងក្រម៉ា (ផ្ទះនៃក្ដីស្រលាញ់)និងហាងសម្លៀកបំពាក់ ផ្គួបនិងកាត់ដេជាដើម។អ្វីដែលគូរឲ្យចាប់អារម្មណ៍នោះសូនីតា ធ្វើឲ្យតារាផ្សេងៗទៀតមិនអាចធ្វើបានដូចនាងឡើយនោះគឺនាងបានដើរលេងជាច្រើនប្រទេស ទាំងនៅប៉ែកអ៊ឺរ៉ុប និងអាស៊ី ពោលគឺដើរចាយលុយតែម្ដង។ភាពប្រែប្រួលរបស់សូនីតា នេះក្រោយមានដំណឹងថានាងត្រូវបានមន្រ្ដីគយវ័យខ្ទង់ជាង៥០ឆ្នាំ ម្នាក់តាមស្នេហានាងយ៉ាងប្រកិតជាច្រើនឆ្នាំមកហើយ ។ប៉ុន្ដែសូនីតា មិនដែលហ៊ានចេញមុខបំភ្លឺរឿងមួយនេះទេ ហើយនាងក៍អត់ធ្លាប់បញ្ចេញមុខគូស្នេហ៍ជាចំហម្ដងណាដែរ ស្របពេលដែលមានព័តមានថាស្រីស្រស់មានស្រីៗតាមស្នេហ៍ច្រើនជាងប្រុស។គេថាប្រសិនបើសូនីតា នៅតែជ្រើសផ្លូវសាងស្នេហ៍ដោយលាក់បាំងបែបនេះតទៅទៀតនោះច្បាស់ជាការសង្ស័យថានាងមានសង្សារគយ និងភាពមិនច្បាស់លាស់ថាតើនាងគិតយ៉ាងណាចំពោះស្រីតាមស្រលាញ់នោះនៅតែស្ថិតក្នុងភាពអាថ័កំបាំងដដែល។
ក្រៅពីមាន សូនីតា តារាជ្រើសផ្លូវសាងស្នេហ៍លាក់មុខនៅឆ្នាំ២០២៤ មានដូចជាសុខ ពិសី ,សុខ សោម៉ាវត្តី ,រ៉េត ស៊ូហ្សាណា និងតន់ ច័ន្ទសីម៉ា ជាដើម ៕