ភ្នំពេញ៖មុននេះអ៊ីវ៉ា ទទួលបានការសរសើរពេញៗមាត់ពីម្ចាស់ស្នេហាថ្លើមថ្លៃនាងលោកលី សេងហួរ ដែលជាម្ចាស់ក្លិបបាល់ទាត់សៀមរាបយូណាយធីត ដោយលោកហួរ ថានាងជានារីម្នាក់ដែលមានអ្វីៗគ្រប់យ៉ាងទាំង អស់ក្នុងជីវិតរបស់លោកធ្វើឲ្យស្រីនាថ រំភើបចិត្តក្រៃលែង ។ប៉ុន្ដែអ្វីដែលគេនឹកស្មានមិនដល់នោះគឺពេលនេះគេឃើញរថយន្ដរបស់អ៊ីវ៉ា ម៉ាកFord Everest Titanium 4 x 4 ព័ណខ្មៅ នោះមានដាក់ឈ្មោះជាអក្សរកាត់ស្រីនាថ បូក ជាមួយលោកលី សេងហួរ តែម្ដងគឺស្លាកលេខNH –LSH -9 ។រូបភាពនេះបញ្ជាក់ថាស្រីនាថ និងលោកសេងហួរ ក្លាយទៅជាចិត្ត១ ថ្លើម១ ទៅហើយទើបបានជាសូម្បីតែរថយន្ដក៍អ្នកទាំងពីរប្រើឈ្មោះរួមគ្នាបែបនេះ ប៉ុន្ដែគេនៅមិនទាន់ដឹងទេថាតើជាការចូលលុយគ្នាទិញរថយន្ដនោះដែរ ឬជាលុយសុទ្ធរបស់អ៊ីវ៉ា ព្រោះតាមប្រភពថានៅរៀងរាល់ថ្ងៃខួបកំណើតស្រីនាថ ឬថ្ងៃទិវានារីអន្ដរជាតិ៨ មីនា លោកសេងហួរ តែងតែមានកា ដូជា ពិសេសជូនទៅនាង ដើម្បីបង្ហាញពីការយកចិត្តទុកដាក់ដល់គូស្នេហ៍ក្នុងនោះមានដូចជាការបាញ់លុយតាម ធនាគារជាដើម។
សកមក្មភាពរបស់អ៊ីវ៉ា និងគូស្នេហ៍បែបនេះហើយធ្វើឲ្យគូស្នេហ៍ដ៍ទៃទៀតពិតជាចង់បានគូសង្សារដូចពួកគេដែរ មិនប្រចណ្ឌ ហួងហែងគ្នា តែតាមដានសកម្មភាពទាំងអស់ ដើម្បីចង់ដឹងពីសុខទុក្ខគ្នាទៅវិញទៅមក ។យ៉ាងណាអ៊ីវ៉ា និងលោកហួរ ត្រូវបានគេបង្ហើបថាអ្នកទាំងពីរសុទ្ធតែមានជម្រើសស្នេហ៍ច្រើនដូចគ្នា ព្រោះស្រីនាថ ជាអ្នកចម្រៀងស្រីវ័យក្មេងល្បីម្នាក់ដែលជាមុខសញ្ញានៃបុរសទ្រព្យស្ដុក ខណៈដែលលោកហួរ ជាកូនអ្នកជំនួញធំហើយលោកក្លាយជាអ្នកគ្រប់គ្រងក្លិបបាល់ទាត់សៀមរាបយូណាយធីត ទាំងវ័យក្មេង ហើយពេលនេះពួកគេក្លាយទៅជាដៃគូស្នេហានិងគ្នាមិនមែនជារឿងចៃដន្យនោះទេ ព្រោះបានស្វែងយល់ចិត្តគ្នាយ៉ាងល្អិតល្អន់ដោយមានគ្រួសារទាំងសងខាងគាំទ្រទៀតផង។
សូមបញ្ជាក់ថាចំណងស្នេហាអ៊ីវ៉ា -លី សេងហួរ នៅឆ្នាំ២០២៤ នេះឈានចូលដល់ខួប៨ឆ្នាំហើយ ខណៈដែលពួកគេបានលាក់រឿងនេះជិតរយៈពេលដល់ទៅ៧ឆ្នាំ តែបរាជ័យក្នុងការលាក់បាំងតទៅទៀតត្រឹមពាក់កណ្ដាលឆ្នាំ២០២៣ ដោយសារតែលោកសេងហួរ មានចេតនាចង់ឲ្យគ្រប់គ្នាដឹងថាលោកជាម្ចាស់ចិត្តរបស់ស្រីនាថ ដើម្បីកុំឲ្យមានប្រុសផ្សេងទៀតតាមស្នេហានាង។ចំណែកលោកអ៊ូ វ៉ាវ ឪពុកអ៊ីវ៉ា វិញពេញចិត្តកូនស្រីបើកស្នេហាជាចំហនេះ ព្រោះលោកចង់ឲ្យពួកគេរៀបការតាំងពីប៉ុន្មានឆ្នាំមុនម្លេះ តែស្រីនាថ ចង់រៀបការនៅពេលនាងមានអាយុ៣០ឆ្នាំ ត្រូវនិងឆ្នាំ២០២៣ ប៉ុន្ដែពេលនោះបានលុបចោលវិញយ៉ាងទាន់ហន់ និងលេចឭដំណឹងថាអ្នកទាំងពីរនឹងក្រាបផ្ទឹមនៅឆ្នាំ២០២៤ នេះហើយ។យ៉ាងណាទាំងអ៊ីវ៉ា និងលោកវ៉ាវ អ្នកយកព័តមានយើងព្យាយាមទូរស័ព្ទសម្ភាសន៍រឿងរ៉ាវនេះ ប៉ុន្ដែមិនទាន់ទទួលបានចម្លើយឡើយ ព្រោះទូរស័ព្ទចូលអត់អ្នកទទួល។តែតាមព័តមានថាលោក”ប” ដែលជាថៅកែក្លឹប និងហាងបញ្ចាំនៅក្រុងសៀមរាប ដែលតាមស្នេហាអ៊ីវ៉ា មុនលោកហួរ នោះពេលនេះលោកបានដកខ្លួនថយទៅវិញហើយ គឺគ្មានដំណឹងថាលោកបានតាមដានពីសកម្មភាពសិល្បៈរបស់ស្រីនាថ ដូចជាការលួចមើលពីចម្ងាយពេលនាងថតMV ដូចមុនទៀតទេ ព្រោះថាស្រីនាថ និងលោកហួរ បើកស្នេហាជាសាធារណៈទៅហើយ ហេតុនេះបើព្យាយាមទៀតនឹងកាន់តែបរាជ័យជាមិនខាន ។
ក្រៅពីអ៊ីវ៉ា តារាដែលមិនទាន់រៀបការតែប្រើរថយន្ដរួមគ្នាជាមួយគូស្នេហ៍មានដូចជាសុខ ពិសី ,ឈិន មុនីនាថ ,សឹម ស្រីនិច្ច និងលីហួរ ជាដើម ។ប្រភពបានឲ្យដឹងថាអ៊ីវ៉ា ពិបាកគេចរឿងចូលរោងការនៅឆ្នាំ២០២៤ នេះខ្លាំងណាស់ ព្រោះនាងត្រូវប្រឈមជាមួយឪពុកផងគូដណ្ដឹងផងដែលអ្នកទាំងពីរសុទ្ធតែរងចាំចម្លើយពីនាងតែម្នាក់ គត់។ប៉ុន្ដែចំពោះរឿងដែលស្រីនាថ ស្ទាក់ស្ទើចិត្តរឿងរៀបការបើទោះជានាងនិងលោកហួរ ចុះសម្រុងគ្នាល្អក្នុងរយៈពេល៨ឆ្នាំទៅហើយនោះគឺគ្មានរឿងណាផ្សេងក្រៅពីនាងខ្លាចមានប្ដីទៅអាជីពសិល្បៈធ្លាក់ចុះ លែងសូវត្រូវប៉ាន់ដូចមុនមានប្ដីនេះឡើយ ។ការបុកពោះបែបនេះព្រោះតែបច្ចុប្បន្នគេសង្កេតឃើញថាតារាខ្មែរឲ្យតែមានប្ដីនិងកូនពួកគេមិនអាចរក្សារភាពខ្លាំងក្លាដូចកាលនៅលីវបានទៀតទេ ក្នុងនោះមានដូចជាឱក សុគន្ធកញ្ញា ,ពេជ្រ សូលីកា ,សួស វីសា,យក់ ថិតរដ្ឋា ,សារ៉ាយ សក្ខណា និងឌុច លីដា ជាដើម ៕
