ភ្នំពេញ៖មុននេះមានព័តមានថាស្រីស្រស់ល្អហួស មានការទើសចិត្តជាខ្លាំងដោយសារតែនាងថតMV កូនរបស់លោកឧកញ៉ាព្រាប សុវត្ថិ គឺសុវត្ថិ មុនីវណ្ណ បទ”នាងអើយ “នៅGalaxy ហើយលោកជំទាវឡុង ស្រីមុំ ភរិយាឧកញ៉ាសុវត្ថិ និងជម្ដាយមុនីវណ្ណ ហាក់ហួងហែងកូនប្រុសលោកស្រីមិនឲ្យលេងស្និតហួសជាមួយល្អហួស នោះទេ ព្រោះខ្លាចកូនជាប់ស្នេហ៍ស្រីស្អាតរូបនេះនៅក្រៅឆាកមែនទែន ។ប្រភពបានឲ្យដឹងថាលោកសុវត្ថិ មុនីវណ្ណ ពេលឃើញសម្រស់របស់នាងល្អហួស ហើយទេពកោសល្យសិល្បៈក៍មិនធម្មតាទៀតនោះស្រាប់តែលោកហាក់ចង់ប៉ះសាច់ដ៍ខខ្ចីរបស់នាងក្នុងឈុតស្អិតល្មូតនោះម្ដងហើយម្ដងទៀត ។ដោយសារតែឃើញមិនស្រួលទើបមានដំណឹងថាភរិយាលោកសុវត្ថិ លោកជំទាវស្រីមុំ បានប្រយ័ត្នប្រយ៉ែងលើកូនប្រុសកាន់តែខ្លាំង ។
យ៉ាងណាជុំវិញដំណឹងនេះនាងល្អហួស បានចេញមកបដិសេធកាលពីពេលថ្មីៗនេះដោយនាងអះអាងថានាងគ្មានទំនាក់ទំនងអ្វីជាមួយលោកសុវត្ថិ មុនីវណ្ណ ក្រៅពីថតMV នោះទេ។នាងថាដំណឹងថាភរិយាលោកព្រាប សុវត្ថិ ហួងហែងមិនឲ្យកូនប្រុសស្និតជាមួយនាងគឺជារឿងមិនពិត ព្រោះគ្មានប្រភពច្បាស់លាស់ហើយវាធ្វើឲ្យប៉ះពាល់ដល់កតិ្តយសរបស់ក្រុមគ្រួសារលោកព្រាប សុវត្ថិ និងរូបនាងផ្ទាល់ផងដែរ …។ក្រោយឃើញល្អហួស ចេញសារបែបនេះលោកព្រាប សុវត្ថិ ដែលប្រើឈ្មោះអាខោន Prapsovath Brand នោះបានចេញសារអុណដល់ស្រីស្រស់ល្អហួស ចេញមកបកស្រាយចំពោះការថតMV នោះដើម្បីកុំឲ្យមហាជនមានការយល់ច្រឡំលើរឿងនេះតទៅទៀត ។
គួរបញ្ជាក់ថាលោកព្រាប សុវត្ថិ មានកូនកំលោះដល់ទៅ៣នាក់គឺសុវត្ថិ មុនីវណ្ណ ,សុវត្ថិ មុនីនាគ និងសុវត្ថិ សិរីវុឌ្ឍ ដែលពួកគេមិនធ្លាប់មានរឿងអាស្រូវឡើយ ពោលគឺចេះស្ដាប់ដំបូន្មានឪពុកម្ដាយបានល្អ។ប៉ុន្ដែកាលពីដើមឆ្នាំ២០២៣ សុវត្ថិ មុនីនាគ ដែលគេសង្ស័យថាមានទំនាក់ទនងមិនធម្មតាជាមួយស្រីស្អាតរ៉េត ស៊ូហ្សាណា នោះពេលនេះនាងលែងហ៊ានស្និតស្នេហ៍កូនទី២លោកឧកញ៉ាសុវត្ថិ តទៅទៀត បន្ទាប់ពីលោកស្រីឡុង ស្រីមុំ បានប្រកាសថាកូនប្រុសគាត់មិនមានទំនាក់ទំនងអ្វីពិសេសជាមួយហ្សាណា នោះទេ ហើយមូលហេតុដែលលោកជំទាវចេញមកថ្លែងបែបនេះព្រោះតែលោកស្រីមានការបារម្ភខ្លាចកូនប្រុសគ្មាននារីផ្សេងស្រលាញ់។ដោយឡែកលោកសុវត្ថិ ធ្លាប់បង្ហាញសារលោកហាក់ចង់បានកូនប្រសារ ឬចៅព ព្រោះលោកធ្លាប់សួរទៅកូនទី៣សុវត្ថិ សិរីវុឌ្ឍ ថាពេលណាទើបកូនពៅយកសង្សារ?
ប្រភពបានឲ្យដឹងថាលោកព្រាប សុវត្ថិ និងភរិយាប្រាកដជាមានការតឹងតែងចំពោះកូនរបស់ពួកគរក្នុងការភ្ជាប់ទំនាក់ទំនងស្នេហាជាមួយនារីៗមែន ពោលគឺទាល់តែឪពុកម្ដាយពេញចិត្តដែរទើបអាចទៅរួច ។ចំណែកនាងល្អហួស និងស៊ូហ្សាណា សុទ្ធតែជាស្រីស្អាតក្នុងពិភពសិល្បៈនាពេលបច្ចុប្បន្ន ហេតុនេះក្រៅពីសុវត្ថិ មុនីវណ្ណ និងសុវត្ថិ មុនីនាគ ដែលធ្លាប់ស្និតស្នេហ៍ស្រីស្អាតទាំងពីរតាមរយៈសកម្មភាពសិល្បៈនោះ មានប្រុសៗមិនតិចនាក់ទេដែលចង់ប៉ះសាច់ដ៍សខ្ចីម៉ដខៃរបស់ស្រីស្អាតទាំងពីរ ប៉ុន្ដែពួកគេគ្មានសំណាងដូចកូនលោកឧកញ៉ាសុវត្ថិ ឡើយ ។
មជ្ឈដ្ឋានមហាជនកត់សម្គាល់ថាព្រាប សុវត្ថិ នៅឆ្នាំ២០២៤ នេះលោកនៅតែផ្អឹបកូនប្រុសទាំងពីរគឺសុវត្ថិ មុនីនាគ និងសុវត្ថិ សិរីវុឌ្ឍ ដដែល ព្រោះក្រោយពួកគេចេញពីហង្សមាសមិនទាន់មានដំណឹងចូលផលិតកម្មថ្មីណាទេ ខណៈដែលសុវត្ថិ មុនីវណ្ណ បានច្រៀងជាដៃគូជាមួយ លោកនៅGalaxy ហើយពេលនេះថែមទាំងបានប្ដូរស្ទីលច្រៀងពីមនោសញ្ចេតនាមកជាច្រៀងចង្វាក់រ៉េប ហ៊ីបហបទៀតផង។ យ៉ាងណាសម្រាប់ព្រាប សុវត្ថិ អាយុ៤៩ឆ្នាំទៅហើយ ពោលគឺហាក់ជ្រេពីសិល្បៈបន្ដិចនោះរហូតមកដល់ពេលនេះគេនៅតែមិនទាន់មើលឃើញថាក្នុងចំណោមកូនប្រុសទាំង៣របស់លោកម្នាក់ណានឹងអាចស្នងតំណែងពីលោកបាននាពេលអនាគតឡើយ បើទោះជាមុននេះពេជ្រ សោភា បានឆ្លើយថាគឺជាកូនទី២លោកឈ្មោះសុវត្ថិ មុនីនាគ ក្ដី ។
ទស្សនិកជនរងចាំមើលថាតើលោកជំទាវឡុង ស្រីមុំ នឹងជ្រើសកូនប្រសារជាស្រីស្អាតនៅក្នុងរង្វង់សិល្បៈ ឬជាកូនឧកញ៉ាដូចគ្នា ?
