ក្លឹបបិសាចក្រហម Man Utd ដែលខកខានមិនអាចនាំយកកីឡាករ Griezmann មកកាន់ Old Trafford បាន សម្រាប់រដូវកាលដោះដូរខែមករានេះ បានប្រកាសសាជាថ្មី ថានឹងនាំយកកីឡាករសញ្ជាតិបារាំងរូបនេះមកលេងក្នុងទឹកដីអង់គ្លេសឲ្យបាននារដូវកាលថ្មីខាងមុខ។ សម្រាប់រដូវកាលដោះដូរខែមករាកន្លងទៅនេះ ក្លឹបMan Utd បានបាត់បង់ឱកាសទិញកីឡាករ Griezmann ដោយសារតែការចរចាគ្នារវាងក្លឹបទាំងពីរមិនចុះសម្រុងគ្នា។
ការមិនត្រូវគ្នានេះមិនមានប្រភពព័ត៌មានណាបង្ហើបឲ្យដឹងនោះទេ ក៏ប៉ុន្តែមានមនុស្សជាច្រើនបានដាក់មន្ទិលសង្ស័យទៅលើតម្លៃខ្លួន និង លេខអាវដែលកីឡាករឆ្នើមរូបនេះត្រូវពាក់។
កាលពីមុនក្លឹបបិសាចក្រហម Man Utd ធ្លាប់ឲ្យតម្លៃខ្លួនកីឡាកររូបនេះរហូតទៅដល់ ៨០លានផោន ស្មើនឹងជាង ១០០លានដុល្លារ ហើយពេលនេះក្លឹបAt Madrid មិនទាន់មានប្រតិកម្មបែបណានៅឡើយទេ។
ជាមួយគ្នានេះដែរ លោកម៉ូរីញ៉ូ ក៏បានបង្ហាញមហិច្ឆតាចង់បានកីឡាកររូបនេះដែរ ដើម្បីយកមកចាប់ដៃគូជាមួយ Pogba និង Zlatan ។ កីឡាករ Griezmann ធ្លាប់បង្ហើបថាខ្លួនចង់មកលេងនៅក្នុងទឹកដីអង់គ្លេស ជាពិសេសក្លឹប Man Utd ជាមួយមិត្តរួមជាតិ Pogba ។
ដោយ៖ ហេង ដេត