ដោយសម្លឹងឃើញពីទេពកោសល្យរបស់កីឡាករខ្សែការពារ Pepe និងខ្សែប្រយុទ្ធ Alvaro Morata លោក Zidane គ្រូបង្វឹកក្លឹប Real Madrid បានយល់ព្រមបន្តកុងថ្មីដល់កីឡាករទាំងពីររូបនេះ។
នៅក្នុងសន្និសីទកាសែតកាលពីថ្ងៃអាទិត្យ លោក Zidane បាននិយាយថា ៖’’យើងមិនទាន់បានគិតថាអ្វីនឹងកើតឡើងនៅពេលអនាគត តែសម្រាប់បច្ចុប្បន្ននេះ ពួគគេទាំងពីរនៅតែជាកីឡាករឆ្នើម ដូច្នេះយើងត្រូវរក្សាពួកគេទុកនៅទីនេះបន្តទៀត’’។
ទោះបីជាមានការធានាបន្តកុងត្រាថ្មីបែបនេះក្តី តែលោកមិនទាន់បានបង្ហើបឲ្យដឹងថារយៈពេលប៉ុន្មានឆ្នាំនៅឡើយទេ។
ដោយឡែកកីឡាករ Isco គ្រូបង្វឹករូបនេះមិនព្រមបន្តកុងត្រាថ្មីនៅឡើយទេ ហើយជាមួយគ្នានោះដែរលោកក៏បានបើកភ្លើងខៀវផ្តល់សិទ្ធិដល់កីឡាកររូបនេះក្នុងការកំណត់វាសនា នាពេលអនាគត។
គួររំឮកថាកីឡាករ Pepe បានចូលមកលេងឲ្យក្លឹប Real Madrid តាំងពីឆ្នាំ ២០០៧ ក្រោយផ្ទេតមកពីក្លឹប Porto ។នៅជាមួយក្លឹបនេះស៊ុតបាល់បាន១២គ្រាប់ ក្នុង២២៤ប្រកួត។ ចំណែកឯកីឡាករ Morata បានចូលមកលេងឲ្យក្លឹប Real Madrid កាលពីឆ្នាំ២០១៦ ក្រោយផ្លាស់មកពីក្លឹប Juventus ។ នៅជាមួយក្លឹបនេះធ្លាប់ស៊ុតបាល់បាន៦គ្រាប់ ក្នុង១៤ប្រកួត។
ដោយ៖ ហេង ដេត