ភ្នំពេញ៖នៅលើបណ្ដាញសង្គមហ្វេសបុក(Stories) កាលពីពេលថ្មីៗនេះ តារាចម្រៀងរូបស្រស់ចាន់ ឡៃវលក្ខណ៍ បានបង្ហាញរូបភាពកៀកកើយជាមួយកូនធ័មរបស់លោកយ៉ែម សំអូន ឈ្មោះសំអូន ជលសារ ដែលសកម្មភាពនោះ ពួកគេស្អិតល្មូតដូចជាគូសង្សារនិងគ្នាតែម្ដង ខណៈដែលមុននេះនាងឡៃវលក្ខណ៍ ប្រាប់ថា”ចង់ដឹងនាងមានគូសង្សារ ឬអត់គេអាចតាមដានហ្វេសបុករបស់នាងទៅនឹងដឹងច្បាស់ហើយ ព្រោះមានរឿងអីនាងច្រើនតែបង្ហោះលើហ្វេសបុក”។ប្រភពបានឲ្យដឹងថាពេលនេះស្រីស្រស់ឡៃវលក្ខណ៍ ពិតជាកំពុងតែមានទំនាក់ទំនងស្នេហាជាមួយជលសារ មែន ហើយដោយសារតែរឿងនេះហើយទើបធ្វើឲ្យលោកសំអូន មិនសប្បាយចិត្ត និងមានភាពចម្រូងចម្រាសជាមួយលោកជលសារ រហូតធ្វើឲ្យកូនធ័មដែលក្រោមការបណ្ដុះបណ្ដាលរបស់លោកទាក់ទងការចាប់អាជីពជាអ្នកថតរូបមង្គលការ និងថតប្រចាំក្រុមហ៊ុនកម្សាន្ដរបស់លោកនោះបានរត់ទៅធ្វើការឲ្យក្រុមហ៊ុនកម្សាន្ដរបស់លោកអាឡិច ចាន់ត្រា ជាគូប្រជែងរបស់លោកសំអូន ទៅវិញ ។ដោយឡែកសម្រាប់នាងឡៃវលក្ខណ៍ វិញដោយឃើញជលសារ រត់ចោលលោកសំអូន បែបនេះនាងដែលជាតារាចម្រៀងម្នាក់ប្រចាំវង្សតន្រ្ដីលោកសំអូន ចេញមុខសឹងគ្រប់កម្មវិធីនោះបានងាកទៅធ្វើការឲ្យលោកអាឡិច ចាន់ត្រា ដូចលោកជលសារ ដែរ ។
អ្នកយកព័តមានយើងបានទូរស័ព្ទទៅចាន់ ឡៃវលក្ខណ៍ កាលពីពេលថ្មីៗនេះតែត្រូវនារីម្នាក់លើកជំនួសនិងថាខ្លួនជាប្អូនស្រីវលក្ខណ៍ និយាយយ៉ាងខ្លីថាបងស្រីនាង ឈប់ប្រើលេខនេះហើយបើមានកិច្ចការអីឆាតទាក់ទងទៅហ្វេសបុកនាងតែម្ដងទៅ ។ចំណែកលោកយ៉ែម សំអូន វិញប្រាប់តាមទូរស័ព្ទយ៉ាងខ្លីនៅថ្ងៃតែមួយនេះថាលោកសុំមិននិយាយអ្វីទាក់ទងរឿងមួយនេះទេ ។ប៉ុន្ដែលោកសំអូន បានជម្រុញនិងឲ្យយោបល់អ្នកយកព័តមានយើងថាគួរតែសម្ភាសន៍ជលសារ ទៅថាតើគេនិយាយថាម៉េចដែរ…។
ក្នុងជំនួបតាមទូរស័ព្ទកាលពីលើកមុនចាន់ ឡៃវលក្ខណ៍ ថានាងមិនចង់ឆ្លើយអ្វីទាំងអស់ទាក់ទងរឿងឈប់ធ្វើការឲ្យលោកយ៉ែម សំអូន មកធ្វើឲ្យលោកអាឡិច ចាន់ត្រា នោះដោយនាងថាជារឿងឯកជន ។យ៉ាងណាវលក្ខណ៍ បានបង្ហាញកាយវិការស្និតស្នេហ៍ជាមួយលោកជលសារ ដោយចំហ បន្ទាប់ពីលោកយ៉ែម សំអូន វិលមកត្រូវរ៉ូវគ្នាជាមួយអ្នកនាងយ៉ាន លីនដា ជាលើកទី២ បានរយៈពេលជាង៣ខែ ក្រោយចែកផ្លូវគ្នាអស់រយៈពេល៩ឆ្នាំ ។
ប្រភពបានឲ្យដឹងថាសកម្មភាពរបស់លោកចាន់ ឡៃវលក្ខណ៍ និងជលសារ ធ្វើឲ្យលោកយ៉ែម សំអូន ដេកមិនលក់ ព្រោះពួកគេធ្លាប់ជាកូនចៅដែលលោកទុកចិត្តជាងគេតែទីបំផុតទាំងពីរនាក់ក្លាយទៅជាបុគ្គលិកក្រុមហ៊ុន១ដែលជាគូប្រជែងរបស់លោកបែបនេះ ។សម្រាប់នាងឡៃវលក្ខណ៍ អាចនឹងលេង១ក្បាច់ទៀតទៀតធ្វើឲ្យលោកសំអូន កាន់តែច្របូកច្របល់នោះគឺនាងនឹងដឹកដៃកូនធ័មលោកសំអូន ប្រុសក្មេងរៀបការដែលមានលោកអាឡិច ចាន់ត្រា ជាអ្នកគាំទ្រនៅពីក្រោយខ្នងតែម្ដង។
ចាន់ ឡៃវលក្ខណ៍ តារាចម្រៀងមានទឹកដមសម្លេងមធ្យមដែលរូបសម្រស់នាងទាក់ទាញមួយកម្រិតក្រោយកែច្រមុះ ។ស្រីស្រអែមស្រស់រូបនេះធ្លាប់ស្និតស្នាលជាមួយតារាចម្រៀងលោកអ៊ាម វន្នី ហើយពេលនេះនាងមានដៃគូពិសេសគឺជាកូនធ័មរបស់លោកយ៉ែម សំអូន ។ប្រភពបាន្យដឹងថាលោកជលសារ ផ្ដើមស្នេហ៍នាងវលក្ខណ៍ ក្រោមការណែនាំពីលោកសំអូន ប៉ុន្ដែអ្វីដែលភ្ញាក់ផ្អើលនៅពេលពួកគេស្រលាញ់គ្នាមែនទែន ហើយដឹកដៃគ្នារត់ទៅចូលក្រុមហ៊ុនលោកអាឡិច ចាន់ត្រា នោះលោកសំអូន បែជាឆ្លេឆ្លា និងឆេះដុំតែម្ដង ។យ៉ាងណាគេចាំមើលថាតើចាន់ ឡៃវលក្ខណ៍ ពេលជួបមុខឪធ័មលោកជលសារ នាងហ៊ានប្រឈមដែរ ឬទេ ?
