ភ្នំពេញ៖ឆន សុវណ្ណារាជ ត្រូវបានតារារួមអាជីពរួមទាំងពេជ្រ សោភា និងFan របស់ចេញសារជូនពរបុរសរោមទ្រូងច្រើនរូបនេះក្នុងថ្ងៃខួបកំណើតរបស់លោកគម្រប់ខួប៣៩ឆ្នាំ នៅថ្ងៃ១០ ខែ១០ ឆ្នាំ២០២៤ ហើយលោករាជ បានស្នើសុំឲ្យអ្នកនិយមស្ដាប់ចម្រៀងរបស់លោក២យ៉ាងគឺទី១៖ស្រលាញ់ និងទី២៖គាំទ្រ លោកតទៅទៀត។ចំណែកពេជ្រ សោភា វិញក្រៅពីចេញសារជូនពរនាងបែជាហៅលោករាជ នៅថ្ងៃខួបកំណើតនេះថាជា«មិត្តភក្ដិ» បើទោះជាពួកគេធ្លាប់អោបថើបគ្នាយ៉ាងស្អិតល្មូតលើឆាកតន្រ្ដី នាំឲ្យលោកឆឹម សក្កដា ចេញសារព្រមានធ្វើអត្តឃាតបញ្ចប់ជីវិតខ្លួនជាច្រើនលើកច្រើនសារក៍ដោយ ។
គេកត់សម្គាល់ថានៅថ្ងៃខួបឆ្នាំនេះលោកឆន សុវណ្ណារាជ មិនបានបង្ហាញមនុស្សពិសេសណាយកកាដូទៅឲ្យលោកដល់ផ្ទះដូចតារាល្បីៗផ្សេងៗទៀតឡើយ ប៉ុន្ដែលោកថាមានកាដូជូនទៅFan វិញនោះគឺការចេញបទថ្មីនៅចំថ្ងៃកំណើតរបស់លោកតែម្ដង។ដោយឡែកនៅលើបណ្ដាញសង្គមមានអ្នកខមិនសួរលោករាជ ថាតើពេលណាទើបលោកយកប្រពន្ធកូន ដោយពួកគេថែមទាំងបានដាស់តឿនលោកថាអាយុប៉ុណ្ណឹងគួរតែដល់វេលាត្រូវមានគូ ហើយ។ប៉ុន្ដែលោករាជ រក្សារភាពស្ងៀមស្ងាត់ពោលគឺមិនបានសន្យាចំពោះអ្នកគាំទ្រខ្លួនរឿងពេលវេលានៃការយកប្រពន្ធនោះទេ បើទោះជាសិស្សប្អូនរួមទ្រនុំដូចជាលោកនី រតនា ,សំ សុវណ្ណារ៉ាក់ ,ថែល ថៃ និងថុល សុភិទិ ជាដើមពេលនេះពួកគេសុទ្ធតែមានគូស្នេហ៍រៀងៗខ្លួនអស់ទៅហើយ ។អាយុ៣៩ឆ្នាំ ដូចលោកសុវណ្ណារាជ នេះដែរតារាចម្រៀងដែលធ្លាប់រួមផលិតកម្មជាមួយលោកគឺខេមរៈ សិរីមន្ដ ពេលនេះក៍បានកូន៣នាក់ទៅហើយ តែលោករាជ បែជាមិនប្រញ៉ាប់រឿងរកភួយសាច់នោះទេ ។
សូមបញ្ជាក់ថាឆន សុវណ្ណារាជ បានជ្រកនៅហង្សមាសរយៈពេល១៧ឆ្នាំ(២០០៧-២០២៤) មកហើយ ដែលអាជីពលោកជោគជ័យបំផុតគឺនៅឆ្នាំ២០០៧-២០០៨ ។ប៉ុន្ដែប៉ុន្មានឆ្នាំចុងក្រោយនេះលោករាជ មិនសូវមានបទល្បីៗដូចមុនទេ ពិសេសគឺនៅឆ្នាំ២០១៧-២០២០ អំឡុងពេលដែលហង្សមាសមានព្រាប សុវត្ថិ និងខេមរៈ សិរីមន្ដ នៅរួមទ្រនុំ ធ្វើឲ្យអតីតតារាU2 រូបនេះងើបមុខមិនរួចឡើយ។តែពេលនេះទោះជាហង្សមាសអត់ព្រាប សុវត្ថិ-ខេមរៈ សិរីមន្ដ ទៅហើយក៍លោករាជ នៅតែមិនអាចស្ទុះឡើងខ្លាំងដូចមុនដដែល ព្រោះតែតារាថ្មីៗរបស់ផលិតកម្មនេះមកគរជាន់ជើងគ្នានាំឲ្យលោករាជ លែងសូវមានបទច្រៀង។យ៉ាងណាអំឡុងពេលដែលតារាប្រុសស្រីរបស់ហង្សមាសកំពុងតែនាំគ្នាដើរចេញដូចទឹកបាក់ទំនប់នារយៈពេលចុងក្រោយនេះគ្មានដំណឹងលោករាជប្ដូរទ្រនុំឡើយ ព្រោះថៅកែហង្សមាសអ្នកឧកញ៉ាអ៊ឹង ឆៃងួន នៅតែទុកចិត្តបុរសវ័យ៣៩ឆ្នាំ រូបនេះតាមរយៈការឲ្យកាន់តំណែងធំដល់ទៅ៣ផ្សេងគ្នានោះគឺធ្វើជាគណៈកម្មការCambodian Idol ៥ឆ្នាំជាប់គ្នា,ធ្វើជាគ្រូបង្វឹកThe Voice Cambodia ២រដូវកាលជាប់គ្នា និងជាគណៈកម្មការBeat The Best រដូវកាលទី២ ផងដែរ ។
អ្នកស្និតលោកឆន សុវណ្ណារាជ បង្ហើបថាប្រសិនបើតារាហង្សមាសរូបនេះនៅតែគ្មានដំណឹងរកប្រពន្ធទៀតនោះរឿងដែលលេចឭថាលោករាជ មានប្រុសតាមស្នេហាច្រើនជាងស្ត្រីភេទនោះគឺពិតជាមិនស្ងាត់ឡើយ ស្របពេលដែលអ្នកផ្លែផ្កាឲ្យលោកដូចជាហៅថា«ម៉ាក់រាជ » និង«ចែរាជ » ជាដើម នឹងនៅតែបន្ដមានទៀតជាមិនខាន ខណៈដែលរូបលោកត្រូវបានតារាស្រីល្បីៗដូចជាមាស សុខសោភា ,ពេជ្រ សោភា និងសុគន្ធ និសា ជាដើមទុកចិត្តជាងគេ ពោលគឺលោករាជ អាចស្និតស្នាលជាមួយពួកគេដោយសេរី ព្រោះស្រីស្អាតៗមិនដែលខ្លាចលោកកេងចំណេញលើពួកគេទេ បើទោះជាលោករាជ ធ្លាប់ត្រូវគេរិះគន់ថាជាបុរសមិនឲ្យតម្លៃស្រ្ដីភេទ ព្រោះឆ្លៀតស្ទាបគូថនាងសុភ័ក្រ្ដ កុសុម៉ា ពេលរាំស្លូវ និងចាប់ថើបនាងហេង ចន្ថា ក្រៅឆាក ក្ដី ៕
