ភ្នំពេញ៖ពេញ១ឆ្នាំ២០២៤ គេសឹងតែមិនអាចសន្និដ្ឋានបានថាតារាស្រីរូបណាលេចធ្លោជាងគេ ព្រោះតែតារាល្បីៗលំដាប់Grade A បានស្ងប់ស្ងាត់សឹងតែទាំងអស់គ្នា ដែលបញ្ហានេះសុគន្ធ និសា ធ្លាប់ប្រាប់ថាបណ្ដាលមកពីអ្នកសិល្បៈនាពេលបច្ចុប្បន្ន មិនពឹងទៅលើប្រាក់ចំណូលពីសិល្បៈតែមួយច្រកទៀតនោះទេ ប៉ុន្ដែងាកទៅរកស៊ីOnline សឹងគ្រប់គ្នា ។ទោះជាយ៉ាងណា២ខែមុនដំណាច់ឆ្នាំ២០២៤ នេះគេឃើញតារាស្រី២ដួង ហាក់មានរាសីឡើង ព្រោះបទចម្រៀងពួកគេទទួលបានការចាប់អារម្មណ៍ជាងតារាផ្សេង។
១៖ពេជ្រ សូលីកាៈអ្នកមេម៉ាយកូន១សម្រស់នៅតែឆើតឆាយរូបនេះមិនធ្លាប់មានបទផ្ទាល់ខ្លួនទទួលបានការគាំទ្រដូច២បទចុងក្រោយ«ថែការចងចាំ » និងបទ«បើអូនជួបគេ » ដែលទើបចេញថ្មីៗនេះទេ ព្រោះបទនេះមានយុវវ័យគាំទ្រច្រើន រហូតមានតារាប្រុសៗយកទៅច្រៀងCover ទៀតផង។២បទនេះនាងសូលីកា មានហាងឆេងរហូតត្រូវបានគេជួលឲ្យច្រៀងតាមPub និងក្លឹបជាបន្ដបន្ទាប់ នាំឲ្យនាងអាចរកប្រាក់ចំណូលបានច្រើនក្នុង១ខែៗ ។ប៉ុន្ដែគួរឲ្យស្ដាយគង់ ស្រីពេជ្រ ឬពេជ្រ សូលីកា បានប្រកាសទៅFan នាងថាចាប់ពីពេលពីពាក់កណ្ដាលខែ១០ រហូតដល់ឆ្នាំក្រោយនាងឈប់ទទួលEvent ដែលរឿងនេះហាក់ដូចជាចោលលុយនៅចំពោះមុខ ។នាងក៍មិនបានប្រាប់ពីមូលហេតុឲ្យច្បាស់លាស់នោះទេ ទើបត្រូវគេសង្ស័យថាស្រីពេជ្រ អាចរងសម្ពាធពីគូស្នេហ៍ថ្មីហួងហែង បើទោះជាបទចម្រៀងរបស់នាងដែលល្បីថ្មីៗនេះភាគច្រើននាងច្រៀងហាក់បង្ហាញពីការអាលោះអាល័យដល់គូស្នេហ៍ចាស់ ពោលគឺច្រៀងត្រូវសាច់រឿងខ្លួនឯង រហូតដល់ជាញឹកញាប់នាងស្រក់ទឹកភ្នែកលើឆាកតន្រ្ដីតែម្នាក់ឯងក្ដី ។អតីតអ្នកចម្រៀងក្លឹបRock និងហាងបុប្ផាជាយដែន រូបនេះមិនទាន់បង្ហាញគូស្នេហ៍ថ្មីបើកចំហនោះទេ ក្រោយនាងកៀកកើយបុរសកូនកាត់ចិនម្នាក់តាមIG កាលពីឆ្នាំ២០២២ ក៍ស្ងាត់ទៅវិញ ហើយពេលនេះនាងក៍លែងស្និតជាមួយថុល សុភិទិ ទៀតដែរ បន្ទាប់ពីកូនលោកផ្កាយ២រូបនេះរកបានម្ចាស់ស្នេហ៍អ្នកមេម៉ាយកូន១សាច់សខ្ចីនាងម៉ានីន ។
២៖តន់ ច័ន្ទសីម៉ាៈ នាងសីម៉ា ធ្លាក់កូដបន្ដិចព្រោះតែមានFan ខ្លះព្រមានធ្វើពហិកា លែងស្ដាប់បទចម្រៀងនាងដោយសារតែស្រីស្រស់ចេញមុខការពារថៅកែស្ទួនៗ មិនក្វល់ប្រតិកម្មរបស់អ្នកគាំទ្រ។ប៉ុន្ដែថ្មីៗនេះនៅលើបណ្ដាញសង្គមនាងសីម៉ា ល្បីបទ«រំលស់ប្រពន្ធ » ធ្វើឲ្យនាងឡើងកូដមួយក្រឺតវិញ បើទោះជានាងបានប្ដូរស្ទីលច្រៀងថ្មីគេសឹងតែមិនស្គាល់ថាសម្លេងនាងក៍ដោយ។សីម៉ា ខុសពីសូលីកា ព្រោះនាងមិនចេញច្រៀងតាមក្លឹប និងPub ច្រើនទេ ដោយសាតែGalaxy បានដាក់តម្លៃខ្លួនខ្ពស់ពេក ទើបនាំឲ្យក្រុមហ៊ុនជាច្រើនចង់បាននាងមិនហ៊ានជួលច្រៀង។យ៉ាងណាអតីតតារាចម្រៀងហាងវីហ្រេ្វនដែលកាលមិនទាន់ល្បីច្រៀងនៅហាងនេះបានប្រាក់ខែតែ៤៥០ដុល្លារ ហើយពេលនេះច្រៀងConcerts ធំតម្លៃដល់ទៅ៥ពាន់ដុល្លារ ក្នុង១កម្មវិធីនោះ អាចនឹងប្រឈមបាត់បង់ទីផ្សារចម្រៀងវិញជាមិនខាន ប្រសិនបើនាងនៅតែមានភាពចម្រូងសម្រាលជាមួយFan ហើយមិនព្រមទម្លាក់តម្លៃ បើទោះជាពេលនេះGalaxy នៅតែចាត់ទុកនាងជាតួឯក ព្រោះអត់ព្រមទិញតារាស្រីជើងខ្លាំងណាមកប្រជែងនាងក្ដី ។អតីតបេក្ខភាពThe Voice Cambodia រដូវកាលទី២ វ័យ២៦ឆ្នាំ រូបនេះមិនធ្លាប់មានរឿងអាស្រូវកេរ្តិ៍នោះទេ ហើយជាញឹកញាប់នាងតែងតែថ្ងូរអត់សង្សារ ក្រោយពីលោកឧកញ៉ាពោះម៉ាយម្នាក់ដែលធ្លាប់ស្និតស្នេហ៍នាងងាកទៅភ្ជាប់ស្នេហ៍ជាមួយអ្នកមេម៉ាយកូន១ ។
គេចាំមើលថានាងតន់ ច័ន្ទសីម៉ា នៅតែជាដៃគូរបស់ព្រាប សុវត្ថិ ,ខេមរៈ សិរីមន្ដ និងខេម តទៅទៀត ឬថៅកែប្ដូរចិត្តយកតារាថ្មីមកប្រជែងនៅឆ្នាំ២០២៥ ?