ភ្នំពេញ៖ពេជ្រ សូលីកា នៅតែកាន់ក្បាលមីក្រូចេញរកលុយបន្ដទៀតនៅខែវិច្ឆិកា នេះបើទោះជាកាលពីខែ១០ នាងបានប្រកាសប្រាប់Fan ថាផ្អាកទទួលEvent រហូតដល់ឆ្នាំក្រោយក្ដី ប៉ុន្ដែពេលនេះស្រីពេជ្រ ប្ដូរចិត្តបាត់ទៅហើយ ព្រោះថាក្នុង១ខែអាចរកចំណូលបានលុយដុល្លារទាំងបាច់ៗ រឿងអីដែលនាងចោលលុយនៅចំពោះមុខបែបនេះ។ក្រោយសម្រេចចិត្តច្រៀងរាំធម្មតាដូចមុននេះស្រីពេជ្រ បង្ហាញតារាងសម្ដែង(Schedule )សម្រាប់ការច្រៀងនៅខែ១១ នេះគិតពីថ្ងៃទី១ ដល់ថ្ងៃទី២៧ មានគេកក់នាងដល់ទៅ១០កម្មវិធីផ្សេងៗគ្នាទៅហើយ ដែលអាចសន្និដ្ឋានបានថាចំណូល១ខែម៉ឺនដុល្លារ។ការមានយីអ៊ុនរបស់នាងស្រីពេជ្រ នៅចុងឆ្នាំ២០២៤ នេះដោយ សារតែនាងទើបល្បី២បទគឺ«ថែការចងចាំ » និងបទ«បើអូនជួបគេ »ដែលចម្រៀងនេះទទួលបានការគាំទ្រច្រើ នពីយុវវ័យ ធ្វើឲ្យបណ្ដារក្លិប និងPub ជាច្រើនចង់បាននាងទៅច្រៀងក្នុងព្រឹត្តិការណ៍ធំៗ។ប្រភពបានឲ្យដឹងថាមូលហេតុដែលស្រីពេជ្រ មានកូន១ហើយលែងប្ដីទៀត តែទីផ្សារចម្រៀងបែជាស្ទុះនៅពេលនេះគឺដោយសារ តែចេញបទចម្រៀងនាងត្រូវនិងសាច់រឿងរបស់ផ្ទាល់ខ្លួន ហើយអត្ថន័យបទនោះត្រូវអ្នកមានវិបត្តិស្នេហាដូចនាងច្រើន។ស្រីពេជ្រ បានវ៉ាសិស្សច្បងមួយចំនួនដែលប្រឈមភាពស្ងប់ស្ងាត់ពេញ១ឆ្នាំ២០២៤ ប៉ុន្ដែកាល្បីត្រឹម២បទនេះមិនទាន់គ្រប់គ្រាន់ឡើយសម្រាប់រូបនាងព្រោះបើឡើងឆាកណាក៍លើកយកតែបទដដែលៗទៅច្រៀង អត់មានបទថ្មីៗល្បីទៀតអាចនឹងប្រឈមសាំពីអ្នកស្ដាប់ទៅវិញជាមិនខាន។
ពេជ្រ សូលីកា បានធ្លាក់ខ្លួនមេម៉ាយជាង២ឆ្នាំមកហើយ តែមេម៉ាយនាងគឺកាលីពព្រោះជិះរថយន្ដថ្លៃៗ និងរស់នៅខុនដូយ៉ាងប្រណិត ខណៈដែលប្រុសៗមិនតិចឡើយចាំត្រងស្នេហានាង ពោលគឺទាំងក្នុងនិងក្រៅស្រុកតែម្ដង ។ប៉ុន្ដែស្រីពេជ្រ ពេលនេះនាងត្រូវប្រឹងរកលុយព្រោះចិញ្ចឹមកូនផង ប្អូនផង បន្ទាប់ពីម្ដាយនាងអ្នកស្រីស៊ិន ស្រីនាង ជាប់គុក ខណៈដែលកាលពីឆ្នាំ២០២២ គេធ្លាប់ឃើញនាងបង្ហាញសញ្ញាមានគូស្នេហ៍ថ្មីតាមIG មួយប្រាវក៍បាត់ទៅវិញ ស្របពេលស្រីពេជ្រ ច្រើនតែយំខ្សឹបខ្សួលលើឆាកតន្រ្ដីតែម្នាក់ឯង នៅពេលដែលនាងច្រៀងបទត្រូវសាច់រឿងខ្លួនឯង ដែលការទប់ទឹកភ្នែកមិនជាប់បែបនេះ ត្រូវបានគេសង្ស័យថាព្រោះតែនាងនៅអាល័យគូស្នេហ៍ចាស់ ។ចំណែកអតីតគូដណ្ដឹងនាងលោកគឹម ហាន វិញកំពុងតែមានក្ដីសុខជាមួយគូស្នេហ៍ថ្មី តាមរយៈការបង្ហាញរូបភាពកៀកកើយគ្នានៅឆ្នេរសមុទ្រ និងផលិតមាតិកាធ្វើម្ហូបខ្មែរតាមតិកតុកជាដើម ។ប្រភពថាមានពេលខ្លះលោកហាន ថែមទាំងបណ្ដើរសង្សារថ្មីទៅមើលអតីតប្រពន្ធលោកច្រៀងនៅPub ទៀតផងដែលចំណុចនេះហើយធ្វើឲ្យនាងស្រីពេជ្រ រលីងរលោងទឹកភ្នែកដោយមិនដឹងខ្លួន ។ប៉ុន្ដែនាងបានឲ្យអតីតប្ដីជួបកូនប្រុសពេលណាក៍បាន ពោលគឺមិនដូចភិន សុដាលីស ដែលចែកផ្លូវគ្នាជាមួយលោកប៉ែន ចំរ៉ុង មានកូនស្រី១អាយុជិត៨ឆ្នាំ តែមិនអនុញ្ញាត្តិឲ្យលោកចំរ៉ុង បានជួបមុខកូនស្រីដោយផ្ទាល់នោះឡើយ ។
គួរបញ្ជាក់ថាគង់ ស្រីពេជ្រ ហៅពេជ្រ សូលីកា នៅតែមានរូបសម្រស់គួរឲ្យទាក់ទាញ មិនសូវបែកសាច់ និងឡើងគីឡូជ្រុលដូចតារាខ្លះមានស្វាមីនិងកូននោះទេ ដែលចំណុចនេះធ្វើឲ្យនាងមានឱកាសក្ដាប់បានស្ពតមួយ ចំនួនផងដែរ។បទចម្រៀងចុងក្រោយដែលធ្វើឲ្យស្រីពេជ្រ ត្រូវប៉ាន់ឡើងវិញនេះមិនមែនចេញនៅហង្សមាស ឡើយ ដែលនេះបញ្ជាក់ថានាងបានចាកចេញពីផលិតកម្មធំនេះដូចតារាល្បីៗរួមទ្រនុំមួយចំនួនទៀតដែរ ។ប៉ុន្ដែការឡើងកូដតែចម្រៀងបន្ដិច តែស្នេហានៅតែដំបៅបេះដូងនោះគេជឿថាស្រីពេជ្រ នៅតែបន្ដហូទឹកភ្នែកលើឆាកម្នាក់ឯងជាបន្ដទៀត ជាមិនខាន ប្រសិនបើនាងមិនអាចរកបានម្ចាស់បេះដូងថ្មីមកស្អំរបួសបេះដូងដូចអតីតប្ដី ៕
