ភ្នំពេញ៖ខេមរៈ សិរីមន្ដ បែជាលេចមុខយូកាបូបខ្មៅ ឈរក្បែថៅកែខ្លួនកាលពីថ្ងៃទី៩ ខែ១២ នៅព្រលានយន្ដ ហោះប្រទេសសិង្ហបុរី ដើម្បីឲ្យម្ចាស់លោកតទល់ជាមួយអតីតឧកញ៉ាហេង សិទ្ធី ដែលណាត់លោកជួបគ្នានៅទីក្រុងអ៊ីស្ដាន់ប៊ុល ប្រទេសតួគី ថ្ងៃទី១០ ខែ១ ។ទោះជាសិរីមន្ដ ស្លៀកពាក់ឈុតខ្មៅ ពាក់ម៉ាស់ខ្មៅក៍គេនៅតែស្គាល់ថាជាលោកដែលមើលទៅប្រៀបដូចជាអង្គរក្សរបស់ថៅកែលោកតែម្ដង ។Fan ជាច្រើនឲ្យយោបល់សិរីមន្ដ លើហ្វេសបុកថាតារាចម្រៀងរូបនេះថាគួរតែបញ្ឈប់សកម្មភាពនោះទៅ ព្រោះលោកទើបតែមានការគាំទ្រជាថ្មី ប៉ុន្ដែលោកថៃ មិនមានយោបល់អ្វីទាំងអស់ ។ការអមដំណើរថៅកែទៅតតាំងជាមួយគូរទំនាស់ដល់ក្រៅស្រុករបស់លោកថៃ នាពេលនេះក្រៅពីបង្ហាញពីភាពក្លាហាននោះវាក៍សញ្ញាបញ្ជាក់ថាតារាកូន៣រូបនេះកាន់តែមានភក្ដីភាពចំពោះម្ចាស់របស់ខ្លួនដោយមិនខ្លាចប្រឈមដូចកាលពីខែ៨ ឆ្នាំ២០២២ ដែលលោកចេញមុខការពារថៅកែញឹកពេក និងថាអត់ស្គាល់ឧកញ៉ាៗដែលកាប់បំផ្លាញព្រៃឈើនោះនាំឲ្យមានអ្នកលេងហ្វេសបុកការរិះគន់លើលោកថៃ ដូចទឹកបាក់ទំនប់រហូតដល់អតីតតារាហង្សមាសរូបនេះចេញបទអីក៍មានគេជេរ និងប្រមាថលើបណ្ដាញសង្គមទៀតផង ។ប៉ុន្ដែនៅពេលលោកថៃ ងាកមកចេញបទស្លូវបទ«ដាច់ឆ្នាំសល់អ្វីខ្លះ ?» និងបទ«គេងលើភ្លើង» នោះមានការគាំទ្រគួរសមឡើងវិញ ហើយមានការលើកឡើងថាប្រសិនបើលោកថៃ ចេញបទប្រភេទនេះឲ្យបានច្រើន និងលែងចេញមុខពាំងថៅកែនោះច្បាស់ជាឡើងខ្លាំងដូចមុនជាមិនខាន តែពេលនេះលោកថៃ បែជាកាន់តែស្មោះស័គ្រជាមួយលោកថៅកែខ្លួនទ្វេដងទៅវិញ ។
សូមបញ្ជាក់ថាតារាកូន៣ខេមរៈ សិរីមន្ដ បានជ្រកនៅGalaxy ជិត២ឆ្នាំហើយដែលពេលនេះលោកកំពុងតែអុកឡុកទីផ្សារចម្រៀងជាងគេនៅផលិតកម្មថ្មីដែលធ្វើឲ្យតារាប្រុសៗរួមទ្រនុំពិបាកទប់ទល់ លើកលែងតែព្រាប សុវត្ថិ ម្នាក់ប៉ុណ្ណោះដែលលោកថៃ មិនអាចវ៉ាបាន ខណៈថៅកែក៍មិនបណ្ដោយឲ្យលោកសុវត្ថិ នៅក្រោមលោកថៃ ដែរ ព្រោះខ្លាចផ្ទុះសង្រ្គាម«ភ្នំ១ ខ្លា២» ។
ទោះជាខេមរៈ សិរីមន្ដ មិនមែនជាស្ដេចត្រាញ់នៅGalaxy ដោយសារតែមានលោកព្រាប សុវត្ថិ ពាំងផ្លូវក៍ដោយ ប៉ុន្ដែលោកថៃ នៅសល់កុងត្រាលលកទី១ជាង៣ឆ្នាំទៀតក្នុងដៃ ខណៈដែលលោកសុវត្ថិ មិនទាន់ចុះកុងត្រាថ្មីបើទោះជាលោកត្រូវផុតកិច្ចសន្យាលើកទី១នៅខែ៨ ខាងមុខនេះក៍ដោយ ដែលបញ្ជាក់ថាលោកថៃ និងក្លាយជាតារាប្រុសឈានមុខគេភ្លាមឲ្យតែលោកសុវត្ថិ មិនតកុងត្រាថ្មី ។តែរឿងនោះអាចមានភាគរយទាបបំផុតព្រោះថាលោកសុវត្ថិ មានកូនប្រុស២នាក់នៅGalaxy អីចឹងតំណាក់កាលនេះលោកមិនទៅច្រៀងនៅផលិតកម្មណាផ្សេងក្រៅពីទ្រនុំនេះឡើយ អីចឹងលោកថៃ នៅតែបន្ដមិនអាចជិះសេះលែងដៃបានដដែល ។
អ្នកជំនាញសិល្បៈបានលើកឡើងថាខេមរៈ សិរីមន្ដ មានប្រៀបជាងព្រាប សុវត្ថិ តែ១គត់នោះគឺមានបងប្រុស ខ្លួនជាអ្នកនិពន្ធបទចម្រៀងឲ្យច្រៀង ដែលមានន័យថាលោកខេមរៈ ភារុណ មិនបណ្ដោយឲ្យថៃ ធ្លាក់ទេ ព្រោះមួយចំណែកនៃភាពល្បីល្បាញរបស់លោកសិរីមន្ដ នាពេលនេះដោយសារតែមានការជ្រោមជ្រែងពីបងប្រុសខ្លួនជាអ្នកសរសរបទចម្រៀងឲ្យច្រៀង ។ចំណែកលោកព្រាប សុវត្ថិ ដែលត្រូវបានមនុស្សជំនិតលោកទម្លាយថាអតីតតារាហង្សមាសរូបនេះសល់ទ្រព្យខ្ទង់៣០លានដុល្លារតាំងពីឆ្នាំ២០២០ នោះលោកមិនបន្ធូដៃពីអាជីពចម្រៀងទេ ទោះជាមានអាយុបងលោកថៃ ដល់ទៅ១០ឆ្នាំក្ដី ប៉ុន្ដែ«ខ្ញីចាស់ កាន់តែហឹរ» ។
យ៉ាងណាគេចាំមើលថានៅឆ្នាំ២០២៥ នេះខេមរៈ សិរីមន្ដ និងព្រាប សុវត្ថិ ថៅកែនឹងលើក១ណាជាង ?
