ភ្នំពេញ៖តារាម៉ូដែលនាងម៉ិច ខេមម៉ា បានធ្វើឲ្យគេចាប់អារម្មណ៍តាមរយៈMV បទថ្មីរបស់លោកខេមរៈ សិរីមន្ដ «គេងលើភ្លើង » ប៉ុន្ដែនេះមិនមែនជាលើកទី១នោះទេ តែជាញឹកញាប់មកហើយដែលស្រីស្រស់ចាប់ដៃលោកថៃ ក្នុងនោះមានដូចជាបទ«គួរទៅខេត្តណាទើបអាចភ្លេចអូនបាន?» ជាដើម ដែលគេអាចនិយាយាបានថាពេលសិរីមន្ដ មានបទល្បីនាងខេមម៉ា ច្រើនតែត្រូវបានគេជ្រើសក្នុងការថតជាតួឯកស្រីMV នោះ បើទោះជានាងធ្លាប់ប្រាប់អ្នកយកព័តមានយើងថាមិនសូវចេះសម្ដែងក្ដី ។
អ្វីដែលចម្លែកនៅពេលអ្នកយកព័តមានយើងបានទូរស័ព្ទទៅនាងម៉ិច ខេមម៉ា ថាតើម៉េចបានជានាងមានឱកាសថតបទល្បីៗជាបន្ដបន្ទាប់របស់ខេមរៈ សិរីមន្ដ នោះស្រីស្រស់គ្រាន់តែស្ដាប់សំណួរចប់ចុចផ្ដាច់ទូរស័ព្ទ ហើយទោះជាតេចូលជាច្រើនលើកទៀតក៍នាងមិនលើកឡើយ ។មិត្តភក្ដិរបស់នាងម្នាក់ទៀតដែលជាតារាសម្ដែងដែរបានប្រាប់អ្នកយកព័តមានយើងតាមទូរស័ព្ទនៅថ្ងៃដដែលនោះថានាងខេមម៉ា អត់ចង់ល្បីទេ ព្រោះខ្លាចល្បីទៅមានអ្នកធំតាមធ្វើឲ្យនាងពិបាកណាស់…។
ប្រសិនបើនាងម៉ិច ខេមម៉ា ពិតជាខ្លាចអ្នកធំតាមប្រម៉ាញ់បេះដូងបន្ទាប់ពីមានឈ្មោះល្បីមែនសំណួរថាតើនាងលេងសិល្បៈធ្វើអី?ឬមួយក៍ទើបល្បីតិចៗនេះមានអ្នកធំខ្លះតាមរំខានស្រីស្រស់ដេកមិនលក់ទៅហើយ ?
ម៉េច ខេមម៉ា បានលេចមុខតាមMV និងបង្ហាញម៉ូដជាច្រើនកម្មវិធី ហើយគេឃើញសម្រស់នាងក៍មានការប្រែប្រួលក្រោយកែខ្ទង់ច្រមុះផងដែរ ។ស្រីស្អាតរូបនេះធ្លាប់ប្រាប់អ្នកយកព័តមានយើងថានាងមិនចង់ក្លាយទៅជាតារាសម្ដែងអាជីពទេ ព្រោះអត់សូវចេះសម្ដែង ហេតុនេះហើយបានជានាងមិនទទួលថតភាពយន្ដ ។តែនាងថាការថតខារ៉ាអូខេ មិនពិបាកដូចថតភាពយន្ដទេ ទើបនាងចេះតែទទួលថតព្រោះអាចធ្វើបានទៅតាមអ្នកដឹកនាំណែនាំ ។
ម៉ិច ខេមម៉ា ដែលកំពុងលេចមុខតាមMV និងជាម៉ូដែលម្នាក់គួរឲ្យចាប់អារម្មណ៍នេះនាងមានទីផ្សារសិល្បៈគួរសមក្រោយខេមម៉ា បោះបង់ការប្រកួតការប្រកួតដ៍ចម្រូងចម្រាស Miss Grand Cambodia កាលពីខែមករា ឆ្នាំ២០២៤ ក្នុងនាមជាបេក្ខភាពតំណាងឲ្យខេត្តកំពង់ឆ្នាំង។ពេញ១ឆ្នាំនេះគេមិនទាន់ឃើញនាងខេមម៉ា វិលមករកកា រប្រកួតបវរកញ្ញាក្នុងកម្មវិធីថ្មីណាមួយទេ គឺច្រើនតែចេញមុខតាមកម្មវិធីបង្ហាញម៉ូដរថយន្ដ និងMV ប៉ុ ណ្ណោះ។ប្រភពបានឲ្យដឹងថាប្រសិនបើនាងខេមម៉ា ថតតែMV មិនព្រមថតកុននោះកេរ្តិ៍ឈ្មោះរបស់នាងនៅតែបន្ដមានកម្រិតពោលគឺមិនអាចប្រជែងចំណាត់ថ្នាក់ជាតារាលំដាប់ជូរមុខបានឡើយ បើទោះជាពេលនេះមានការអន្ដរាគមន៍ពីលោកថៃ តាមរយៈMV បទល្បីៗរបស់លោកក្ដី ។
ក្រៅពីនាងម៉ិច ខេមម៉ា តារាសម្ដែងដែលមានរូបសម្រស់គួរឲ្យក្នក់ក្នាញ់នៅឆ្នាំ២០២៥ នេះមានដូចជានាងឆឹង ច័ន្ទមុនីរស្មី និងសឹម ស្រីនិច្ច ជាដើម ៕
