អូស្ត្រាលី៖ បណ្តាក្រុមហ៊ុនផលិតទំនិញនានាបានគំរាមចាកចេញពីប្រទេសអូស្ត្រាលីប្រសិនជាវិបត្តិថាមពលរបស់ប្រជាជាតិមួយនេះមិនអាចដោះស្រាយបាន។
ការបិទទ្វាររបស់ស្ថានីយថាមពល Hazelwood ក្នុងរដ្ឋ Victoria ដែលជាអ្នកផ្គត់ផ្គង់ថាមពល២២%ដល់រដ្ឋនេះបានបង្កើនក្តីបារម្ភថាតម្លៃថាមពលក្នុងប្រទេសអូស្ត្រាលីគឺអាចនឹងឡើងថ្លៃកប់ពពក។
ប្រធានក្រុមប្រឹក្សាចំណីអាហារនិងស្បៀងអាហាររបស់ក្រុមហ៊ុនថាមពលខាងលើលោក Terry O’Brien បានថ្លែងថាសង្គ្រាមតម្លៃក្នុងឧស្សាហកម្មរបស់លោកបានធ្វើឲ្យក្រុមហ៊ុនជាច្រើនមិនអាចអនុម័តដំឡើងថ្លៃថាមពលចំពោះអតិថិជន ។
លោកបន្ថែមថាការគំរាមកំហែងរបស់បណ្តានិយោជកធំៗក្នុងការបោះបង់ចោលឬដើរចេញពីអូស្ត្រាលីទាំងអស់គ្នានោះបាននិងកំពុងកើនឡើង។
បើតាមការកត់សម្គាល់ស្ថានីយថាមពល Hazelwood នឹងក្លាយជារោងចក្រផលិតថាមពលអគ្គិសនីអូស្ត្រាលីទី៩ហើយដែលបិទទ្វារក្នុងអំឡុងពេល៥ឆ្នាំមកនេះ។ ការបិទទ្វាររបស់កន្លែងផលិតថាមពលមួយនេះបង្ហាញឲ្យឃើញថាការបាត់បង់ស្មារតីនឹងបង្កើនការគំរាមកំហែងនៅទូទាំងប្រទេស។ លោកបញ្ជាក់ថាការបញ្ឈប់ផលិតកម្មរហូតដល់ជួបកង្វះខាតថាមពលគឺជាគ្រោះមហន្តរាយមួយ។
ប្រែសម្រួលដោយ៖ អុីវ វិចិត្រា