ខេត្តក្រចេះ ៖ ករណីគ្រោះថ្នាក់ចរាចរណ៍មួយ បានកើតឡើងរវាងរថយន្តសាំយ៉ុង និងគោយន្ត បណ្តាលឲ្យពីរនាក់ប្តីនិងប្រពន្ធ បើកគោយន្ត របួសធ្ងន់។ ហេតុការណ៍នេះ បានកើតឡើងកាលពីព្រឹក ថ្ងៃទី២៤ ខែឧសភា ឆ្នាំ២០១៧ វេលាម៉ោង១០និង១៥នាទី នៅចំណុចទួលចំបក់ នៅខាងលើស្នាក់ការប៉េអឹម៧១០ ស្ថិតក្នុងភូមិអូរព្រះ ឃុំអូរគ្រៀង ស្រុកសំបូរ ក្រចេះ។
ករណីគ្រោះថ្នាក់ចរារចណ៍នេះបានកើតឡើងមកពីរថយន្តសាំយ៉ុងពីរគ្រឿង បានបើកបរទិសដៅស្របគ្នាពីត្បូងទៅជើង លុះទៅដល់នៅចំណុចកន្លែងការដ្ឋានចិន កាយផ្លូវដាក់លូបង្ហូរទឹកនោះ ក៏ត្រូវបានរថយន្តសាំយ៉ុង បើកមកពីក្រោយយ៉ាងលឿន មិនបានប្រុងប្រយ័ត្ន បណ្តាលឲ្យបុកគោយន្តបើកពីមុខ យ៉ាងពេញទំហឹង បានធ្វើឲ្យតៃកុងគោយន្ត និងប្រពន្ធជិះនៅពីលើ របួសធ្ងន់ទាំងពីរនាក់។
ចំណែកម្ចាស់រថយន្ត ជាអ្នកបង្កម៉ាកសាំយ៉ុង ពណ៌ស ពាក់ស្លាកលេខ ភ្នំពេញ ២AA-៥៨៤១ បានឃើញហេតុការណ៍នេះបានកើតឡើងនោះ ស្រាប់តែបើកទ្វារឡានរត់គេចខ្លួនបាត់ស្រមោលឈឹង បន្សល់ទុក្ខរថយន្តនិងភ្ញៀវដែលជិះនៅក្នុងរថយន្ត ហើយភ្ញៀវទាំងអស់នោះ រករថយន្តជិះបន្តទៅទៀត ។
ក្រោយពេលកើតហេតុ ក៏មានសមត្ថកិច្ចបានចុះមកដល់កន្លែង ទើបធ្វើការពិនិត្យវាស់វែងរួចក៏ហៅរថយន្ត សង្គ្រោះមកដឹកជនរងគ្រោះពីរនាក់ប្តីនិងប្រពន្ធកំពង់រងរបួសធ្ងន់ យកទៅសង្គ្រោះ បន្តន់នៅមន្ទីរពេទ្យខេត្តក្រចេះរួចហើយ សមត្ថកិច្ច ក៏ប្រមូលនៅវត្ថុតាងទាំងពីយកទៅរក្សាទុក្ខ នៅកន្លែង អធិការដ្ឋាននគរបាលស្រុករងចាំការដោះស្រាយទៅតាមនិតិវិធីច្បាប់៕