ភ្នំពេញ ៖ បុរសម្នាក់ចេញមកពីផឹកស៊ីនៅភោជនីដ្ឋានស្ពានមាស ក្នុងស្ថានភាពស្រវឹងស្រាបានចូលម៉ាស្សា ហើយទុកកាបូបលុយនៅក្នុងហោប៉ៅខោចូលបន្ទប់ទឹកមួយភ្លែត ពេលចេញមកវិញបាត់លុយអស់ជាង៥០ដុល្លារ បង្កឲ្យមានការភ្ញាក់ផ្អើលកាលពីវេលាម៉ោង12និង30នាទីរំលង
អាធាត្រឈានចូលថ្ងៃទី២ ខែធ្នូ ឆ្នាំ២០១៧ តាមបណ្តោយផ្លូវជាតិលេខ៥ នៅចំណុចផ្ទះ
ម៉ាស្សាយីហោ៩៩៩៩ ស្ថិតនៅក្នុងសង្កាត់ឬស្សីកែវ ខណ្ឌឬស្សីកែវ ។
តាមប្រភពពត៌មានពីជនរងគ្រោះសុំមិនបញ្ចេញឈ្មោះបានអោយដឹងថា មុនពេលកើតហេតុគាត់ទើបតែចេញមកពីផឹកស៊ីជាមួយមិត្តភក្តិនៅភោជនីយដ្ឋានស្ពានមាស ផ្លូវជាតិលេខ៥ ក្នុងសង្កាត់ស្រះចក ខណ្ឌដូនពេញ លុះពេលរូបគាត់ស្រវឹងស្រាស្រឿងៗក៏ចេញមកមុនបានជិះទៅរកកន្លែងម៉ាស្សានៅម្តុំឬស្សីកែវ យីហោ៩៩៩៩ ក្នុងតំលៃ៤ម៉ឺនរៀល។
ខណៈពេលដែលម៉ាស្សារួច ជនរងគ្រោះបានចូលបន្ទប់ទឹកបត់ជើងតូចមួយភ្លែត ដោយទុកកន្លែងនៅក្នុងហោប៉ៅខោ លុះពេលចេញមកវិញមិនទាន់បានមើលលុយទេ បានចេញទៅក្រៅរកទៅហូបអីបន្ត ក៏ស្រាប់តែបើកកាបូបលុយមើលឃើញបាត់លុយជាង50$ ក៏ត្រឡប់មកកន្លែងកើតហេតុវិញចូលទៅសួរនាំម្ចាស់ហាងម៉ាស្សារឿងកូនចៅបានលួចលុយជាង50$ ពេលនោះ ថៅកែបានហៅអ្នកម៉ាស្សាមកនិយាយ ប៉ុន្តែអ្នកម៉ាស្សាបានប្រកែកថា ខ្លួនមិនបានលួចនោះទេ មិនដឹងជាជនរងគ្រោះស្រវឹងស្រាជ្រុះបាត់លុយមកពីណានោះទេ ហើយមកចោទលើរូបគាត់ដោយខ្លួនមិនបានលួចផង ។
ក្រោយមកបានផ្អើលដល់សមត្ថកិច្ចមូលដ្ឋានប៉ុស្តិ៍ឬស្សីកែវ ចុះមកកន្លែងកើតហេតុដើម្បីសួរនាំហើយភាគីទាំងសងខាងជជែកគ្នាយកត្រូវរៀងៗខ្លួនផ្អើលគេឯងចោមរោមមើលគ្រប់គ្នាហើយជនរងគ្រោះមិនចង់មានរឿងវែងឆ្ងាយ បានជិះម៉ូតូត្រឡប់ទៅផ្ទះបាត់ទៅ ៕
