ខណៈដែលតារាសម្ដែងចិត្តធម៌កញ្ញាហង្ស ម៉ារីនី កំពុងតែជោគជ័យលើមុខជំនួញហាង SM MEMORY SHOP និងទើបប្រកាសលក់សិទ្ធិចែកចាយ(Franchise)បានប្រមាណជា១០ថ្ងៃនោះក៏មានអ្នកទិញសិទ្ធិ១ទៅហើយដោយបានបោះទុនជាង២ម៉ឺនដុល្លារ បើកសម្ភោធលក់ជាផ្លូវការចាប់ពីថ្ងៃទី៥ ខែមករា នេះតទៅនៅសាខាច្បាអំពៅ។
នៅក្នុងពិធីបើកសម្តោធនៅព្រឹកថ្ងៃទី៥ កុម្ភះ កន្លងទៅនេះតារាសម្ដែងរូបស្រស់កញ្ញាហង្ស ម៉ារីនី បានថ្លែងឲ្យដឹងថា នាងបានបើកអាជីវកម្មហាងSM MEMORY SHOP នេះរយៈពេលជិត១ឆ្នាំមកហើយ ដែលមានទីតាំងទី១នៅខាងក្រោយសាលាACE សម្ដេចប៉ាន ជិតផ្លូវភ្លោះអូឬស្សី ដែលមានផលិតផលដូចជាកាបូប ខ្សែក្រវ៉ាត់ នាឡិកា ស្បែកជើង តុក្កតា ផ្កា ទឹករ៉ែហូឈី និងគ្រឿងខូសស្មិចទិក ជាដើមហើយផលិតផលទាំងនេះគឺនាងបាននាំចូលផ្ដាច់មុខពីបរទេសដែលសុទ្ធសឹងតែជាម៉ាកល្បីៗមានគុណភាពខ្ពស់ជាមួយនឹងតម្លៃសមរម្យ។នាងថា ទើបតែសម្រេចចិត្តលក់សិទ្ធិចែកចាយបន្តរយៈពេលខ្លីប៉ុណ្ណោះក៏ត្រូវបានអ្នកស្រីអ៊ឹង ឆេង ទិញសិទ្ធិបើកសាខាថ្មីដែលមានទីតាំងនៅផ្ទះលេខ៦១៧ ផ្លូវជាតិលេខ១នៅខាងកើតផ្សារច្បាអំពៅប្រមាណជា៦០០ម៉ែត្រនេះ។
ម៉ារីនី ក៏បានឲ្យដឹងដែរថា ការបើកដំណើរសម្ភោធសាខាថ្មីនេះមានការបញ្ចុះតម្លៃពិសេសចាប់ពីថ្ងៃនេះតទៅដោយគ្រាន់តែអតិថិជនទិញអស់៣០០ដុល្លារ ក្នុងមួយខែទាំងសាខាទី១និងសាខាទី២នឹងផ្ដល់ជូនកាតVIP មួយដែលកាតនេះនៅពេលទិញលើកក្រោយនិងមានការបញ្ចុះតម្លៃ៥០ភាគរយតែម្ដង។ម៉ារីនី បានបង្ហាញក្ដីសង្ឃឹមថា ថ្ងៃខាងមុខនាងនិងលក់សិទ្ធិចែកចាយបាន២៥ខេត្តក្រុងស្របពេលដែលនាងក៏លក់(Franchise)ទៅក្រៅប្រទេសផងនោះ។ម៉ារីនី បានសំណូមពរឲ្យអតិថិជនជួយគាំទ្រផលិតផលនៅហាង SM MEMORY SHOP ទាំងនៅសាខាទី១និងសាខាទី២ដែលមានទីតាំងនៅផ្សារច្បាអំពៅនេះខណៈដែលផលិតផលដែលនាំចូលសុទ្ធតែមានគុណភាពខ្ពស់ហើយទីតាំង ក៏អំណោយផលផងដែរ។
អ្នកស្រីអ៊ឹង ឆេង បានថ្លែងឲ្យដឹងថា មូលហេតុដែលអ្នកស្រីសម្រេចចិត្តបើកអាជីវកម្មនេះក៏ព្រោះតែអ្នកស្រីស្រលាញ់ពេញចិត្តជាខ្លាំងហើយការសម្រេចទិញសិទ្ធិចែកចាយពីក្រុមហ៊ុនរបស់ហង្ស ម៉ារីនី ក៏ព្រោះតែអ្នកស្រីមើលឃើញថា ផលិតផលទាំងអស់សុទ្ធតែមានគុណភាពល្អនិងតម្លៃសមរម្យ។អ្នកស្រីថា ទីតាំងហាងនេះជាផ្ទះរបស់អ្នកស្រីផ្ទាល់និងបានចំណាយទុនជាង២ម៉ឺនដុល្លារសម្រាប់មុខជំនួញមួយនេះ។អ្នកស្រីថា ក្រៅពីមានទីតាំងល្អហើយនោះអ្នកស្រីក៏មានយុទ្ធសាស្រ្តផ្សព្វផ្សាយលក់តាមបណ្ដាញសង្គមហ្វេសប៊ុកបន្ថែមទៀតផងដែរ។
អ្នកស្រីអ៊ឹង ឆេង បានឲ្យដឹងដែរថា ហាងSM MEMORY SHOP សាខាច្បាអំពៅនេះមានលក់ផលិតផលម៉ាកល្បីៗគុណភាពខ្ពស់តម្លៃសមរម្យដូចជា កាបូប នាឡិកាដៃប្រុសស្រី ខ្សែក្រវ៉ាត់ ផ្កា និងតុក្កតា ផងដែរខណៈដែលមានបញ្ចុះតម្លៃពិសេសចាប់ពីថ្ងៃបើកសម្ភោធនេះតទៅ៕
