តារាចម្រៀងសាច់សខ្ចីរបស់ផលិតកម្មរស្មីហង្សមាស នាងរ៉េត ស៊ូហ្សាណា ដែលជំនាញច្រៀងបទជាភាសាអង់គ្លេសនោះ ត្រូវប៉ាន់ក្នុងព្រឹត្តិការណ៍ការប្រគំតន្ដ្រី “Share The Trophy” នៅ City Hall កោះពេជ្រ ដែលមានវត្តមានអតីតកំពូលខ្សែប្រយុទ្ធ Manchester United និង Real Madrid លោក Rudd Van Nistelrooy នៅរាត្រីថ្ងៃទី៤ ខែមេសា ឆ្នាំ២០១៨ ដែលជាថ្ងៃចុងក្រោយនៃការប្រគំតន្ដ្រីដ៏ធំនោះ។
រ៉េត ស៊ូហ្សាណា បានការតុបតែងខ្លួនបានស្អាតជាស្ទីលយុវវ័យ ហើយច្រៀងបទញាក់ជាភាសាអង់គ្លេស សឹងគ្រប់បទ ដោយបទនីមួយៗ តារាស្រីស្អាតហង្សមាស រូបនេះ ស្រែកចង់បែកបំពង់ក ធ្វើឲ្យផ្អើលអស់ភ្ញៀវជាតិ និងអន្ដរជាតិ ពេញសាលកោះពេជ្រ តែម្ដង។ តាមរយៈការលេងក្បាច់រាំយ៉ាងរស់រវើក និងមានក្រុមរាំគួរឲ្យទាក់ទាញផងនោះ នាងរ៉េត ស៊ូហ្សាណា ហាក់ត្រូវបានទាំងភ្ញៀវជាតិ និងអន្ដរជាតិ មានការចាប់អារម្មណ៍ខ្លាំង ហើយគេសរសើរថា នាងជាស្រីស្អាត ហើយច្រៀងពីរោះទៀតផង។ ដោយឡែក លោក Van Nistelrooy ដែលកាន់ដបស្រា Heineken នៅក្នុងដៃនោះ បានរាំបទនាងស៊ូហ្សាណា និងគយគន់រូបសម្រស់តារាសាច់រលោងសខ្ចីរូបនេះ យ៉ាងជក់ចិត្ត។
ក្រៅពីនាងរ៉េត ស៊ូហ្សាណា ដែលលេងក្បាច់រាំយ៉ាងចាស់ដៃលើឆាកតន្ដ្រី “Share The Drama, Share The Trophy” នោះ ក៏មានតារាចម្រៀងកូនកាត់ខ្មែរ-អាមេរិក កញ្ញាឡូ រ៉ាម៉ម ច្រៀងបទ ”ស្វារាំមុនឃីស” និងក្រុមក្មេងខ្មែរ ដែលមានលោកសុជាតិ និងពន្លឺ ច្រៀងបទ ”បុណ្យភូមិ” ផងដែរ ដែលធ្វើឲ្យបរិយាកាសសម្រាប់ព្រឹត្តិការណ៍នៃការនាំពានរង្វាន់UEFA Champions League នោះ កាន់តែមានការសប្បាយរីករាយថែមទៀត។ ចំណែកលោក Ruud Van Nistelrooy ក៏បានអបអរសាទរដល់លោកគៀ បូនី នៅរាជធានីភ្នំពេញ ដែលមានសំណាងបានសន្លឹកឆ្នោត១ សម្រាប់ដំណើររទៅទស្សនាដោយផ្ទាល់ការប្រកួតវគ្គផ្ដាច់ព្រ័ត្រ Champions League នៅទីក្រុង Athens នៅប្រទេសក្រិក នៅថ្ងៃទី២៥ដល់២៧ ខែឧសភា ឆ្នាំ២០១៨ ផងដែរ។
រ៉េត ស៊ូហ្សាណា បានសម្ដែងភាពរីករាយ និងមានមោទនភាពចំពោះការមានឱកាសឡើងច្រៀងក្នុងកម្មវិធីដ៏អស្ចារ្យនោះ ខណៈដែលមានភ្ញៀវជាតិ និងអន្ដរជាតិ មិនតិចរូបទេ ដែលលង់សម្រស់ស្រីស្អាតសាច់ដូចបណ្ដូលចេកនេះ៕
