ម្ចាស់បទ ”បែកអូនដូចខាំគ្រាប់មីន” លោកសុខ មេសា ហៅនាយចឺម ដែលគេដឹងថា ស្រីស្នេហ៍អតីតតារាកំប្លែង CTN រូបនេះ គឺតារាសិចស៊ីបញ្ចេញដើមទ្រូងទ្រលុកទ្រលន់គួរឲ្យគ្រឺតក្នាញ់នាងអៀ ម៉េងលិ ហៅអូនម៉ីម៉ី នោះ ស្រាប់តែថ្មីៗនេះ អូនម៉ី បានបណ្ដើរសង្សារថ្មីជាប្រុសក្មេង ដែលមានរូបរាងសង្ហាស្អាតជាងនាយចឺម ទៅទៀត។ ក្នុងរូបភាពជាច្រើនរបស់តារាសម្ដែងអូនម៉ី ដែលកៀកកើយជាមួយប្រុសស្នេហ៍ថ្មី ដោយថែមទាំងឱបថើបបឺតមាត់គ្នាជាចំហផងនោះ ត្រូវបានគេលើកឡើងថា តារារូបស្រស់នោះមានចេតនាចង់ឲ្យនាយចឺម ឃើញតែម្ដង ព្រោះថាតាំងពីនាយចឺម ល្បីឈ្មោះនៅផលិតកម្មសាន់ដេ មក លោកមេសា ហាក់ព្រងើយកន្ដើយដាក់នាងខ្លាំង ដោយលេឮថា មានស្រីថ្មីក្មេងៗ និងស្អាតជាងនាងទៀតផង បានជានាងចង់បញ្ចេញឲ្យម្ចាស់បទ ”ហាមលេងជេរម៉ែ” រូបនេះឲ្យបានភ្ញាក់ខ្លួនម្ដង។
នាយចឺម ដែលបោះបង់អាជីពកំប្លែងនៅ CTN ចោលមកផ្ដោតតែលើអាជីពចម្រៀងនៅផលិតកម្មសាន់ដេ តែមួយមុខនោះ បានធ្វើឲ្យតារាកំប្លែងរួមអាជីព មាននាយពាក់ មី , នាយគ្រឿន ជាដើម សុំចុះចាញ់ដោយសារតែមិនអាចញ៉ែស្រីស្អាតៗ ដូចលោកចឺម បានឡើយ។
នាយចឺម ធ្លាប់បង្កាត់ភ្លើងស្នេហ៍ជាមួយអតីត Freshie Girl លេខ១ នាងពុធ ស្រីខួច ផ្អើលអស់អ្នកកំប្លែង និងធ្វើឲ្យប្រុសៗមិនតិចនាក់ទេ ច្រណែនម្ចាស់បទ ”នរក៨ជាន់” នេះ តែចំណងស្នេហ៍នេះក៏បានប្រេះឆាកណ្ដាលផ្លូវ ព្រោះតែនាងស្រីខួច ខឹងនាយចឺម មានស្រីស្នេហ៍ច្រើនពេក ពិសេសគឺលែងអើពើជាមួយនាង ក្រោយបានស្រីស្នេហ៍ថ្មីអូនម៉ី នោះ។
នាយចឺម ដែលត្រូវពិធីករតាមប៉ុស្ដិ៍ទូរទស្សន៍ ហៅថា ”លោកចឺមៗ”តាំងពីក្លាយជាអ្នកចម្រៀងនោះធ្លាប់និយាយថា រឿងអីបានតែរឿងរកសង្សារ១ គឺដាច់ខាតបើមិនស្អាត តើយកមកធ្វើអី? តែនាយចឺម ថា ទំនាក់ទំនងខ្លួនជាមួយអូនម៉ីម៉ីនោះ គ្រាន់តែធម្មតាៗទេ តែអូនម៉ី ជាមនុស្សស្រីល្អម្នាក់។
អ្នកកំប្លែងដែលក្លាយទៅជាតារាចម្រៀង ហើយល្បីមានស្នេហាភេទដូចគ្នាជាមួយលោកថៅកែផលិតកម្ម BKS នាយក្ដី រូបនេះ ក៏បានឲ្យដឹងដែរថា ពេលនេះរូបគេផ្ដោតខ្លាំងទៅលើការសាងសង់ផ្ទះឲ្យម្ដាយនៅខេត្តកំពង់ស្ពឺ ដោយចំណាយលុយអស់១៤ម៉ឺនដុល្លារនោះ ឲ្យរួចរាល់សិន ទើបគិតរឿងផ្ទាល់ខ្លួនតាមក្រោយ៕
