មិនបាច់រង់ចាំយូរទៀតទេ ចាប់ពីថ្ងៃនេះទៅ ប្រិយមិត្តអាចរកទិញបាននូវ OPPO F9 នៅគ្រប់ហាងទូរស័ព្ទនានាទូទាំងប្រទេសកម្ពុជា។
មានអ្វីភ្ញាក់ផ្អើលសម្រាប់ការបង្ហាញវត្តមានរបស់ OPPO F9 លើទីផ្សារកម្ពុជា?
ស្ថិតក្នុងតម្លៃ៣៣៩ដុល្លារអាមេរិក OPPO F9 ទទួលបានការចាប់អារម្មណ៍យ៉ាងខ្លាំងពីសំណាក់អតិថិជនជាច្រើន។ នាថ្ងៃទី៦ ខែកញ្ញា ឆ្នាំ២០១៨នេះ ជាថ្ងៃបើកលក់ជាផ្លូវការរបស់ម៉ូដែលសំខាន់ប្រចាំឆ្នាំរបស់ OPPO ហើយក៏ជាថ្ងៃកំណត់ដែលអតិថិជនដែលបានកុម្ម៉ង់ទុកមុនដើម្បីទទួលយកម៉ូដែល OPPO F9នេះផងដែរ។
យើងសង្កេតឃើញគ្រប់ហាងទូរស័ព្ទស្ទើរតែទាំងអស់ សុទ្ធតែមានភ្ញៀវមកយ៉ាងច្រើនកុះករ អ្នកខ្លះបានមករង់ចាំតាំងពីព្រឹក ដើម្បីឆាប់ទទួលបានទូរស័ព្ទទៅប្រើ។ ដោយសារហេតុផលនេះ មានហាងទូរស័ព្ទជាច្រើនជូបនូវបញ្ហាដាច់ស្តុក ខ្វះទូរស័ព្ទជូនដល់អតិថិជន។
ជួបជាមួយម្ចាស់ហាងមួយរូបនៅរាជធានីភ្នំពេញ លោកស្រីបានប្រាប់ឲ្យដឹងថា “ក្រុមហ៊ុន OPPO ចេញទូរស័ព្ទ F9 នេះមក ពិតជាត្រូវចិត្តអ្នកប្រើប្រាស់មែនទែន ព្រោះអតិថិជនចូលចិត្តទូរស័ព្ទដែលមានអេក្រង់ពេញ ថ្មខ្លាំងហើយសាកឆាប់ពេញ RAM ទំហំធំ ដើម្បីងាយស្រួលលេងហ្គេម ជាពិសេសនោះ គឺតម្លៃសមរម្យ ដូច្នេះគ្រាន់តែOPPO F9 នេះ ចេញភ្លាម ពួកគាត់ក៏មកទិញភ្លាមតែម្តង។
រីឯកញ្ញា សោភា ដែលជាអតិថិជនដែលបានមកជាវ OPPO F9 បាននិយាយថា “កញ្ញាតាមដាន OPPO F9 ច្រើនដងមកហើយ តាមអ៊ីនធើរណេត អំពីថ្ងៃចេញលក់របស់វា ព្រោះកញ្ញាជាអ្នកចូលចិត្តថតរូប និងសែលហ្វី មួយថ្ងៃៗ ចាំតែថ្ងៃចេញលក់ ហើយថ្ងៃនេះគ្រាន់តែប្រកាសលក់ភ្លាម កញ្ញាដើររកទិញភ្លាម”។
កញ្ញាបន្តថា “សម្រាប់អ្នកចូលចិត្តលេងអ៊ីនធើណេតច្រើនដូចរូបនាង OPPO F9 នេះហើយ ដែលស័ក្តិសមបំផុត ព្រោះវាសាកថ្មបានលឿន ដូចនេះអារឿងអស់ថ្មទូរស័ព្ទនោះលែងជាបញ្ហាទៀតហើយ”។
ខុសពីកញ្ញាសោភា លោកពូថេង ដែលបានអញ្ចើញមកជាវទូរសព្ទនៅម្តុំផ្សារដើមគ បានប្រាប់ថា “លោកមិនសូវជាយល់ដឹងច្រើនពីទូរស័ព្ទដៃនោះទេ តែប្រពន្ធរបស់លោកស្រលាញ់ទូរស័ព្ទម៉ាក OPPO នេះណាស់ គ្រាន់តែបានឃើញគេចាក់ស្ពតពាណិជ្ជកម្មលើទូរទស្សន៍ភ្លាម ប្រពន្ធលោកពូប្រាប់ថា ចង់បាន។ ពេលនោះ លោកពូបានមករកទិញ OPPO F9 ពីហាងភ្លាម តែខាងហាងប្រាប់ថា ទូរស័ព្ទមិនទាន់មកដល់ទេ ទាល់តែថ្ងៃទី៦ ខែកញ្ញា បានមកដល់។ ដោយចង់ឲ្យប្រពន្ធសប្បាយចិត្ត លោកពូក៏បានធ្វើការកុម៉្មង់នូវ OPPO F9 នេះមួយគ្រឿងទុក។
លោកពូបន្តថា “ពីរថ្ងៃទៀត ជាថ្ងៃកំណើតរបស់ប្រពន្ធលោកហើយ លោកពូនឹងយកទូរស័ព្ទនេះទៅ surprise ប្រពន្ធរបស់លោក មិនដឹងគាត់នឹងសប្បាយចិត្តយ៉ាងណាទេ”។
ទូរស័ព្ទម៉ូដែលចុងក្រោយ OPPO F9 មួយនេះ មាន២ពណ៌ សម្រាប់ជ្រើសរើស គឺក្រហម (Sunrise Red) និងខៀវ (Twilight Blue) ហើយផ្ទៃខាងក្រោយមានពណ៌ប្រដេញ (Gradient) នៅពេលចាំងពន្លឺ នឹងឃើញក្រឡារាងស្រទាប់ផ្កាឈូក។ បន្ថែមពីនេះ អេក្រង់រាងតំណក់ទឹក (Water Drop Screen) ទំហំ៦,៣អ៊ីញ កម្រិត FULL HD+ ពិតជាអាចទាក់ចិត្តទាំងការមើលអ៊ីនធើរណេត លេងហ្គេម និងមើលវីដេអូ។
បើនិយាយពីកម្លាំងនៃថាមពលថ្មវិញ គឺខ្លាំងអស្ចារ្យ OPPO F9 បំពាក់ដោយបច្ចេកវិទ្យាសាកថ្មលឿន VOOC សាក៥នាទី និយាយបាន២ម៉ោង ក្រោមកម្លាំងថ្ម 3500mAh។ OPPO F9 កម្លាំងម៉ាស៊ីនបំពាក់ដោយ Chip MTK P60, GPU Mali G72, CPU Octa-Core, RAM 6GB, ROM 64GB អាចលេងហ្គេម និងមើលវីដេអូដោយមិនចាំបាច់បារម្ភនឹងបញ្ហារអាក់រអួលឡើយ។
ចាំអង្កាលទៀត? តោះ! ទៅយកកាដូពី OPPO F9 ចាប់ពីថ្ងៃនេះតទៅ!