ភ្នំពេញ៖ កាលពីថ្ងៃទី ៤ខែមេសា ក្រុមហ៊ុន Shanghai Baoye (Cambodia) Co., Ltd. ព្រឹត្តិការណ៍កិច្ចសហប្រតិបត្តិការរវាងវិទ្យាស្ថានITC នឹងសហគ្រាសបានប្រព្រឹត្តទៅដោយជោគជ័យនៅសាលាវិទ្យាស្ថានបច្ចេកវិទ្យាកម្ពុជា (“ITC”)។ កម្មវិធីពិសេសនេះមានការចូលរួមពីគណៈអធិបតីលោកស្រីHE JINGXIN អ្នកគ្រប់គ្រងក្រៅប្រទេសនៃ Shanghai Baoye International Engineering Co., Ltd. ，លោកXIAO HAIBO អគ្គនាយករងនៃ Shanghai Baoye (Cambodia) Co., Ltd. ， លោកHAN VIRAK ជាព្រឹទ្ទបុរសមហាវិទ្យាល័យសំណង់នៃវិទ្យាស្ថានITC, លោកLY HAV ជាព្រឹទ្ទបុរសរងមហាវិទ្យាល័យសំណង់នៃវិទ្យាស្ថានITC ព្រមទាំងគ្រូ និង និស្សិតជាង ២០០ នាក់ផ្សេងទៀត។
លោក Han virak តំណាងឲ្យវិទ្យាស្ថានITC បានស្វាគមន៍យ៉ាងកក់ក្តៅ និងបានថ្លែងអំណរគុណដល់ សៀងហៃ បាវយី ដែលបានបង្កើតកម្មវិធីដែលមានអត្ថប្រយោជន៌យ៉ាងល្អ សម្រាប់វិស័យវិស្វកម្ម និងជាមេរៀនមួយដើម្បីចែករំលែកបទពិសោធន៍ជាមួយលោកគ្រូ អ្នកគ្រូ និងសិស្សានុសិស្សនៃវិទ្យាស្ថាន។ នេះក៏ជាចំណុចចាប់ផ្តើមមួយនៃ កិច្ចសហប្រតិបត្តិការរបស់យើងផងដែរ។ សៀងហៃ បាវយី បានធ្វើគម្រោងធំៗជាច្រើននៅក្នុងប្រទេសកម្ពុជា ហើយសង្ឃឹមថានឹងបានសិក្សាពីបច្ចេកវិទ្យាថ្មីៗបន្ថែមទៀតពីសៀងហៃ បាវយី និងចែករំលែកវគ្គសិក្សាទាក់ទងនឹងការអនុវត្តបច្ចេកវិទ្យាសំណង់កម្រិតខ្ពស់ដូចជា BIM ជាដើម។
កិច្ចសហប្រតិបត្តិការរវាងវិទ្យាស្ថាន នឹងសហគ្រាសនឹងអាចផ្តល់អត្ថប្រយោជន៍ដល់សិស្សានុសិស្ស តាមរយៈការបន្ថែមជម្រើស និងឱកាសការងារថ្មីឲ្យកាន់តែប្រសើរឡើង។ យើងសង្ឃឹមថា សៀងហៃ បាវយី និងវិទ្យាស្ថាននឹងនៅតែបន្តភ្ជាប់ទំនាក់ទំនងយ៉ាងល្អនេះ និងដើរទន្ទឹមគ្នាទៅមុខ។ តាំងនាមឱ្យក្រុមហ៊ុន សៀងហៃ បាវយី លោកស្រី He Jingxin បានថ្លែងអំណរគុណដល់វិទ្យាស្ថានដែលបានផ្តល់ទីតាំងបង្កើតវេទិកាសម្រាប់កិច្ចសហប្រតិបត្តិការ និងបានណែនាំអំពីការអភិវឌ្ឍន៍អាជីវកម្មរបស់ក្រុមហ៊ុន Shanghai Baoye (Cambodia) Co., Ltd. នៅក្នុងប្រទេសកម្ពុជា។
លោកស្រី បានបន្ត ទៀតថា ការសម្រេចបាននូវ កិច្ច សហប្រតិបត្តិការ រវា វិទ្យាស្ថាន និង សហគ្រាស គឺជាការ រៀបចំ ផែនការ ដ៏យូរអង្វែង របស់ ក្រុមហ៊ុន និង មានសារៈសំខាន់ បំផុត។ កិច្ចសហប្រតិបត្តិការរវាងវិទ្យាស្ថាន-សហគ្រាសគឺពឹងផ្អែកទៅលើតម្រូវការរបស់សហគ្រាស ក៏ដើម្បីឱ្យនិស្សិតអាចស្វែងរកការងារល្អបន្ទាប់ពីបញ្ចប់ការសិក្សា។ កិច្ចសហប្រតិបត្តិការនេះប្រាកដជានឹងក្លាយជាវេទិកាដ៏រឹងមាំមួយសម្រាប់ សៀងហៃ បាវយី និងសាកលវិទ្យាល័យកំពូលៗរបស់កម្ពុជា ដើម្បីពង្រីកការផ្លាស់ប្តូរ និងពង្រឹងកិច្ចសហប្រតិបត្តិការ។ នេះមិនត្រឹមតែមានប្រយោជន៍សម្រាប់យើងក្នុងការជ្រើសរើស និងទាក់ទាញនិស្សិតឆ្នើមមកធ្វើការនៅក្រុមហ៊ុន ប៉ុណ្ណោះទេ ក្រុមហ៊ុនក៏នឹងផ្តល់នូវកម្មសិក្សា និងវេទិកាបណ្តុះបណ្តាលបន្ថែមទៀតសម្រាប់សិស្សានុសិស្ស ដើម្បីជួយពង្រឹងសមត្ថភាពរបស់ពួកគេនិងជួយពួកគេ ជំនះការលំបាកក្នុងការប្រកួតប្រជែងក្នុងសង្គម។
ខ្ញុំជឿជាក់ថា មានតែការសហការណ៏ដោយស្មោះត្រង់ ទើបអាចសម្រេចបាននូវគោលដៅអភិវឌ្ឍន៍នៃកិច្ចសហប្រតិបត្តិការ និងវឌ្ឍនភាពរួម។ វិស្វករ BIM កញ្ញា Sun SoMaly នៃក្រុមហ៊ុន Shanghai Baoye (Cambodia) Co., Ltd. ជាអ្នកបង្ហាត់បច្ចេកទេស បានផ្តល់អនុសាសន៍លើវគ្គសិក្សាសំណង់ ចែករំលែកបច្ចេកវិទ្យា BIM ក្នុងការសាងសង់អគារជាមួយគ្រូ និងសិស្ស វិទ្យាស្ថាន ITC។ យោងតាមផែនការរបស់ វិទ្យាស្ថានក្នុងការបង្កើតវគ្គ BIM ក្រុមហ៊ុននឹងផ្តល់ការណែនាំអំពីសេវាកម្មបច្ចេកទេសគុណភាពខ្ពស់សម្រាប់ វិទ្យាស្ថាន ដើម្បីឱ្យសិស្សអាចយល់ដឹងកាន់តែច្បាស់ពីបច្ចេកវិទ្យា BIM ហើយប្រើវាក្នុងការអនុវត្តនៅកន្លែងធ្វើការ។ នៅក្នុងវគ្គសួរសំណួរ អ្នកបង្ហាត់បានផ្លាស់ប្តូរ និងទំនាក់ទំនងពេញលេញជាមួយសិស្សដែលមានវត្តមាន។ កិច្ចសហប្រតិបត្តិការរវាងវិទ្យាស្ថាន នឹងសហគ្រាសទាញយកអត្ថប្រយោជន៍ពីធនធានអប់រំ និងបរិស្ថានសំខាន់ៗពីសាលា និងសហគ្រាស ធ្វើឱ្យកាន់តែស៊ីជម្រៅក្នុងការរួមបញ្ចូលគ្នានៃការបង្រៀននៅវិទ្យាស្ថាន និងការរៀនសហគ្រាស ផ្តោតលើការលើកកម្ពស់ការអភិវឌ្ឍនៃឧស្សាហកម្ម និងសហគ្រាស ចាត់ចែងអ្នកគ្រប់គ្រងមានបទពិសោធន៍គម្រោងដ៏សម្បូរបែប មកបង្រៀននៅសាលាឬនាំកូនសិស្សទៅការដ្ឋានមើលជាក់ស្តែង ដើម្បីបង្កើនការយល់ដឹងបរិយាកាសទីតាំងការងារ និងការងារជា រៀងរាល់ថ្ងៃ។
តាមរយៈប្រតិបត្តិការជាក់ស្តែងនៃបច្ចេកវិជ្ជាសំណង់អគារសំខាន់ៗដែលធ្វើឡើងក្នុងប្រទេសកម្ពុជា ការរួមបញ្ចូលគ្នានៃទ្រឹស្តី និងការអនុវត្ត ការផ្សព្វផ្សាយ និងការណែនាំដោយឥតគិតថ្លៃនៃកម្មវិធីបច្ចេកវិទ្យាសំណង់ទំនើបលំដាប់អន្តរជាតិ និងការអនុវត្តប្រកបដោយភាពច្នៃប្រឌិត សម្រេចបានយ៉ាងពេញលេញនូវកិច្ចសហប្រតិបត្តិការ ដើម្បីរួមគ្នាបណ្តុះបណ្តាល និងផ្តល់ទេពកោសល្យទៅកាន់និស្សិត។ នៅក្នុងកិច្ចប្រជុំនេះ លោក Xiao Haibo អគ្គនាយករងនៃក្រុមហ៊ុន Shanghai Baoye (Cambodia) Co., Ltd. និងលោក Ly Hav ជាព្រឹទ្ទបុរសរងមហាវិទ្យាល័យសំណង់នៃវិទ្យាស្ថាន បានរួមគ្នាប្រគល់ប័ណ្ណសរសើរដល់អ្នកបង្ហាត់នៃវគ្គបណ្តុះបណ្តាលនេះ កញ្ញា SUN SOMALY និង លោក SORN PANNY ។ ក្នុងពេលជាមួយគ្នានោះ សិស្ស និងគ្រូបានទស្សនា វីដេអូផ្សព្វផ្សាយរបស់ សៀងហៃ បាវយី ជាភាសាអង់គ្លេស ពួកគេមានអារម្មណ៍យ៉ាងជ្រាលជ្រៅចំពោះដំណើរដ៏រុងរឿងនៃការអភិវឌ្ឍន៍គុណភាពខ្ពស់របស់ សៀងហៃ បាវយី ។
គូរបញ្ជាក់ថា Shanghai Baoye (Cambodia) Co., Ltd. គឺស្ថិតនៅក្រោមក្រុមហ៊ុន Shanghai Baoye Group Co., Ltd. ដែលជាក្រុមហ៊ុនបុត្រសម្ព័ន្ធស្នូលរបស់ China Minmetals និង China Metallurgical Corporation ដែលមានឈ្មោះនៅក្នុងទស្សនាវដ្តីស្ថិតនៅក្រោមបញ្ជី Fortune Globalចំនួន 500។ ក្រុមហ៊ុនមានបុគ្គលិកខ្មែរ ហ្វីលីពីន និងវៀតណាមចំនួន 45% និងបានសាងសង់ ២៦គម្រោងដែលមានអាគារខ្ពស់ រោងចក្រ និងលំនៅដ្ឋាន។ បរិមាណគម្រោងស្ថិតលេខមួយក្នុងចំណោមក្រុមហ៊ុនសំណង់ចិននៅខ្មែរ គម្រោងទាំងនេះ គឺមានឥទ្ធិពល និងល្បីល្បាញនៅកម្ពុជា៕
