ហេង ចន្ថា បញ្ចេញដើមទ្រូងសិចសុី នាយពាក់មី មើលចង់ស្រឡេវភ្នែក

ស្រីស្អាតហេង ចន្ថា ដែលជាតួឯកក្នុងរឿង “បន្តោងឆ្នាំងដី” របស់ផលិតកម្មសិល្បៈខ្មែរភាពយន្ត ដែលមានអ្នកនាងចន ច័ន្ទលក្ខិណា ជាចាងហ្វាងផលិតកម្មនោះ បានបង្ហាញសម្រស់យ៉ាងសិចស៊ី ដោយស្លៀកឈុតវៀលក្លៀកស្តើង បញ្ចោញដើមទ្រូងសាច់សខ្ចី គួរឱ្យគ្រឺតក្នាញ់ ផ្អើលពេញរោងកុន Legend បឹងកក់ ក្នុងកម្មវិធីសម្ពោធរឿងនេះ កាលពីថ្ងៃទី១៤ ខែវិច្ឆិកា ឆ្នាំ២០១៨ ហើយសូម្បីតែនាយពាក់មី ដែលជាតួឯកប្រុសនោះ ក៏ចង់ស្រឡេវភ្នែក ដោយសារស្នាដៃស្រីក្មេងនេះដែរ។

ដោយឡែក ពិធីការិនីឌួង ហ្សូរីដា វិញ បាននិយាយថា “អូនចន្ថា អើយ! អូនឯងស្អាតម៉េះ សូម្បីតែបងជាស្រីដូចគ្នា សឹងទ្រាំមិនបានផង”។

ហេង ចន្ថា បង្ហាញទឹកមុខយ៉ាងរីករាយ ចំពោះការបានគ្រងតំណែងជាតួឯកក្នុងរឿង “បន្តោងឆ្នាំងដី” នេះហើយនាងមានជំនឿយ៉ាងមុតមាំថា វណ្ណកម្មដំបូងរបស់អ្នកនាងចន ច័ន្ទលក្ខិណា នឹងទទួលបានកាគាំទ្រពីមហាជនជាមិនខានឡើយ ព្រោះរឿងនេះប្រជុំទៅដោយតារាប្រុសស្រីល្បីៗជាច្រើនដួង។

នាងចន្ថា វាចាថា “ក្នុងរឿងនេះ ខ្ញុំលេងជាតួអង្គស្លូត ហើយបានប៉ះនាយពាក់មី មានឈុតកំប្លែងច្រើនដែរ អ៊ីចឹងខ្ញុំសំណូមពរឱ្យបងប្អូនទស្សនិកជនខ្មែរទាំងអស់ សូមចូលរួមគាំទ្រកុនខ្មែរយើងផង ពិសេសរឿងនេះមានគ្រប់រសជាតិ គឺល្អមើលតែម្តង”។

ដោយឡែក នាយពាក់មី អះអាងដែរថា “រឿងនេះមានស្នេហាខ្លះ កំប្លែងខ្លះ ខ្មោចខ្លះ អ៊ីចឹងវាមិនមានឈុតសាហាវរន្ធត់អីខ្លាំងពេកទេ។ ចំពោះទីតាំងថត មានភ្នំពេញ កំពង់ស្ពឺ និងកំពង់ឆ្នាំង ហើយរឿងនេះមានបង្កប់អត្ថន័យឆ្នាំងដីយើងដែរ។ ខ្ញុំសូមសំណូមពរបងប្អូនខ្មែរ កុំយករឿងយើងទៅប្រៀបធៀបជាមួយបរទេស  ដោយសាររឿងបរទេស គេដាក់ទុនផលិតច្រើនណាស់ រឿងខ្មែរយើង២ទៅ៣ម៉ឺនដុល្លារ យើងមិនអាចប្រៀបធៀបជាមួយបរទេសបានទេ ហើយបើមានចំណុចខ្វះខាត គឺសូមរិះគន់ដោយសីលធម៌ កុំរិះគន់គេ អាងាប់អី គឺមិនកើតទេ សូមឱ្យរិះគន់ក្នុងន័យស្ថាបនាកុំជាន់ពន្លិច”។

រឿង “បន្តោងឆ្នាំងដី” ដឹកនាំម្តែងដោយលោកសុខ ជំនោរ និងនាយពាក់មី ហើយក្រៅពីស្រីស្អាតសាច់សខ្ចី ហេង ចន្ថា និងនាយពាក់មី ជាតួឯកនេះ ក៏មានតារាសម្តែងល្បីៗជាច្រើនដួងទៀត ចូលរួមសម្តែងផងដែរ ដូចជា នាយកុយ, ហម ឈរ៉ា, ប៉ែន ចំរ៉ុង, ងួន សុបិន្ទ, យាយយ៉យ, កីឡាករប្រដាល់អេ ភូថង និងវ៉ន វីវ៉ា និងកីឡាករបាល់ទាត់ជាច្រើនរូបផ្សេងទៀត។

ដោយឡែក ក្នុងកម្មវិធីសម្ពោធនោះ ក៏មានការសម្តែងល្ខោនខោល ហើយមានតារាល្បីៗជាច្រើនដួង បានចូលរួមអបអរសាទរ។ ចំពោះអ្នកនាងចន ច័ន្ទលក្ខិណា ដែលក្លាយជាចាងហ្វាងផលិតកម្ម និងបញ្ចោញស្នាដៃទី១ របស់ខ្លួននេះ នឹងដាក់បញ្ចាំងរឿង “បន្តោងឆ្នាំងដី” ជាផ្លូវការចាប់ពីថ្ងៃទី១៥ ខែ វិច្ឆិកា ឆ្នាំ២០១៨ នេះ នៅគ្រប់រោងកុនទំនើបៗទាំងអស់។

អ្នកនាងចន ច័ន្ទលក្ខិណា ថ្លែងថា “ខ្ញុំធ្វើរឿងទី១នេះ មិនរំពឹងបានចំណេញនោះទេ គឺអាចរួចខ្លួន ឬចំណេញតិចតួច ក៏យើងសប្បាយចិត្តដែរ ព្រោះនេះជាអ្វីដែលខ្ញុំស្រលាញ់ ហើយចង់ផ្តល់ការងារសិល្បៈដល់សិល្បករយើងមានការងារធ្វើផងដែរ។ និយាយឱ្យត្រង់ទៅចុះ តាំងពីខ្ញុំសម្តែងមក មិនដែលយកប្រាក់សិល្បៈ មកធ្វើមានបាននោះទេ គឺខ្ញុំមានមុខរបរផ្សេងៗទៀតដែរ។ ខ្ញុំសូមឱ្យបងប្អូនទៅទស្សនារឿងខ្មែរមួយនេះ ឱ្យបានច្រើនផង ដើម្បីលើកទឹកចិត្តដល់អ្នកផលិតរបស់យើង ហើយក្រោយពីសម្ពោធរឿងនេះខ្ញុំ ក៏បានធ្វើរឿងទី២ នឹងត្រៀមធ្វើរឿងទី៣ នាពេលខាងមុខដែរ”។

គួរកត់សម្គាល់ថា ក្រៅពីមានការរីករាយដែលស្នាដៃរបស់ខ្លួន ត្រូវបានសម្ពោធដាក់បញ្ចាំងជាផ្លូវការនោះ នាយពាក់មី ក៏សម្តែងការព្រួយបារម្ភខ្លះដែរ ចំពោះរឿង “បន្តោងឆ្នាំងដី” ដែលខ្លួនជាតួឯករបស់ផលិតកម្មសិល្បៈខ្មែរភាពយន្តនេះ ត្រូវដាក់បញ្ចាំងទន្ទឹមគ្នា រឿង “កូនក្រក” របស់ផលិតកម្ម LD ដែលអ្នកកំប្លែងរូបនេះលេងជាតួឯកដែរ ដោយនាយពាក់មី ថា មិនចង់ឱ្យមានការប្រជែងគ្នា ដោយមានតួខ្លួនតែម្នាក់ ក្នុងរឿង២ផ្សេងគ្នា ដាក់បញ្ចាំងនៅពេលតែមួយបែបនេះឡើយ៕