តារាចម្រៀងឱក សុគន្ធកញ្ញា ពិបាកប្រឈមនៅពេលដែលនាងទៅច្រៀងដល់ទីណា គឺត្រូវតារាសិល្បកររួមអាជីព និងមិត្តភក្ដិស្និទ្ធស្នាលចោមរោមសួរនាំរឿងរៀបការ ជាហេតុធ្វើឲ្យនាងពិបាកផ្ដល់ចំលើយតប។ ទោះជាយ៉ងណា សុគន្ធកញ្ញា តែងបង្ហាញអារម្មណ៍រីករាយ នៅពេលដែលនាងត្រូវបានគេសួរថាពេលណារៀបការនោះ ព្រោះថាទាំងអ្នកគាំទ្រនិងទស្សនិកជនទូទៅសុទ្ធតែរងចាំមើលថ្ងៃពិសេសរបស់តារាចម្រៀងហង្សមាសរូបនេះនៅពេលដែលនាងគ្រងឈុតកូនក្រមុំមែនទែនក្រាបផ្ទឹមជាមួយបលោកអ៊ឹង សុខលី ប្អូនថៅកែហង្សមាស។
ឱកសុគន្ធកញ្ញា បានភ្ជាប់ពាក្យជាមួយលោកអ៊ឹង សុខលី ដែលជាអ្នកគ្រប់គ្រងទូរទស្សន៍ហង្សមាសកាលពីថ្ងៃទី១៨ខែមិថុនាឆ្នាំ២០១៨ស្របពេលដែលនាងបានសម្ពោធវីឡាទ្រនំស្នេហ៍តម្លៃជាង២០ម៉ឺនដុល្លារនៅបុរីអ័រគីដេផ្លូវ២០០៤។ ពេលនេះសុគន្ធកញ្ញាជិតក្លាយទៅជាប្អូនថ្លៃថៅកែហង្សមាសលោកឧកញ៉ាអ៊ឹងឆៃងួនដែលធ្វើឲ្យនាងកាន់តែមានអំណាចខ្លាំងជាងមុននៅហង្សមាស។
ប៉ុន្តែយ៉ាងណាតារាសិល្បៈរួមអាជីពទាំងឡាយបានឲ្យដឹងថាសុគន្ធកញ្ញាមិនប្រែប្រួលចរិតឡើយនៅពេលដែលនាងមានស្វាមីលោកសុខលីជាអ្នកគ្រប់គ្រងទូរទស្សន៍ហង្សមាសនិងជិតក្លាយជាប្អូនថ្លៃថៅកែហង្សមាសនៅពេលនេះគឺសុគន្ធកញ្ញានៅតែរួសរាយរាក់ទាក់ដូចមុនដដែលចំពោះអ្នករួមអាជីពនិងទស្សនិកជនទូទៅ។
ប៉ុន្ដែអ្វីដែលគេខ្លោចចិត្តនោះគឺអតីតសង្សារឱកសុគន្ធកញ្ញាលោករ៉េតធីដូណាកាន់តែពិបាកចិត្តហើយច្រៀងតែបទខូចចិត្តថ្វីត្បិតតែមុននេះលោកដូណាបានប្រាប់អ្នកយកព័ត៌មានថាលោកត្រៀមខ្លួនជានិច្ច សម្រាប់ការទៅញាំការសុគន្ធកញ្ញា ប្រសិនបើនាងហៅជាភ្ញៀវក្ដីតែគ្រប់គ្នាមិនជឿការអះអាងរបស់លោកដូណាឡើយព្រោះថាអនាគតស្វាមីសុគន្ធកញ្ញា គឺលោកសុខលី នោះ ក៏ជាមិត្តភក្ដិរបស់លោកដែរ៕
