តារាចម្រៀងផលិតកម្មរស្មីហង្សមាស នី រតនា នឹងដឹកដៃគូដណ្ដឹង សុវណ្ណ ភក្ដិណា រៀបការនៅថ្ងៃទី៨ ខែមករា ឆ្នាំ២០១៩។ កម្មវិធីមង្គលជប់លៀងធំរបស់ម្ចាស់ពាន Cambodian Idol រដូវកាលទី១នេះ នឹងធ្វើនៅដឺប្រេមៀ សេនធើរ សែន សុខ ដោយរៀបចំ២អគារបញ្ចូលគ្នា គឺអាគារDនិងE។
តារាសិល្បករល្បីឈ្មោះជាច្រើនដែលត្រូវបាននី រតនា ហៅឲ្យចូលរួមញាំការរបស់ខ្លួន ខណៈដែលភ្ញៀវខាងស្រីដែលឪពុកក្មេករបស់រតនា គឺលោកហេង សុវណ្ណ អ្នកជំនួញល្បីឈ្មោះនោះ បានហៅអ្នករកស៊ីធំៗជាច្រើន ដើម្បីអបអរមង្គលការកូនស្រីរបស់លោក និងកូនប្រសាជាអ្នកចម្រៀងនៅហង្សមាស នេះ។
គួរបញ្ជាក់ថា នី រតនា ដែលក្លាយទៅជាម្ចាស់ពាន Cambodian Idol រដូវកាលទី១ កាលពីឆ្នាំ២០១៥នោះ បានភ្ជាប់ពាក្យជាមួយសុវណ្ណ ភក្ដិណា កាលពីថ្ងៃទី២៧ ខែមេសា ឆ្នាំ២០១៧ បន្ទាប់ពីរតនា ល្បីបាន១បទ គឺបទ”មហាឈឺ”។
រតនា បានអះអាងប្រាប់អ្នកយកព័ត៌មានយើងថា លោកមិនខ្លាចធ្លាក់កូដ ក្រោយពេលរៀបការហើយនោះទេ ព្រោះថា ពេលនេះដល់វ័យការប្រពន្ធ នឹងផ្ដល់កិត្តិយសដល់នារីដែលខ្លួនស្រលាញ់ តាមរយៈការលាភាពនៅលីវ ត្រឹមថ្ងៃសុក្រ ទី៨ ខែមករា នេះហើយ៕
