ខេត្តកំពង់ស្ពឺ៖ ករណីប្រុសព្រានចាប់រំលោភកូនក្រមុំគេ១យប់២ដងនេះ បានកើតឡីងកាលពីវេលាម៉ោង១០និង៣០នាទីយប់ ថ្ងៃទី០២ ខែមករា ឆ្នាំ២០១៩ នៅចំណុចលើរានហាលខាងមុខផ្ទះនារីង្រគ្រោះ ស្ថិតក្នុងភូមិស្រែកិន ឃុំត្រពាំងជោ ស្រុកឱរ៉ាល់។ រហូតមកដល់ព្រឹកថ្ងៃទី០៣ ខែមករា ឆ្នាំ២០១៩ រឿងរ៉ាវបែកធ្លាយដឹងដល់ម្តាយនារីរងគ្រោះ ដាក់ពាក្យបណ្តឹងឱ្យសមត្ថកិច្ចចុះចាប់ខ្លួនជនសង្ស័យតែម្តង។
ជនសង្ស័យដែលចាប់រំលោភកូនក្រមុំគេ១យប់២ដង រហូតត្រូវឪពុកម្តាយគេប្តឹងឱ្យសមត្ថកិច្ចចាប់វាយខ្នោះ មានឈ្មោះស៊ូ ហ៊ី អាយុ៣៥ឆ្នាំ មុខរបរជាងធ្វើផ្ទះ មានលំនៅភូមិជម្ពូរព្រឹក ឃុំជុំពូព្រឹក ស្រុកឧដុង្គ។ ចំណែកនារីរងគ្រោះខាងលើ មានឈ្មោះយ.ច.ន អាយុ១៧ឆ្នាំ មុខរបរសិស្ស មានលំនៅក្នុងភូមិឃុំកើតហេតុខាងលើ។
តាមប្រភពពីសមត្ថកិច្ច បានឱ្យដឹងថា នៅមុនពេលចាប់ខ្លួនជនសង្ស័យខាងលើ គឺសមត្ថកិច្ចបានទទួលសេចក្តីរាយការណ៍ពីស្ត្រីជាម្តាយរបស់នារីរងគ្រោះមកថា កូនស្រីរបស់គាត់ត្រូវបានឈ្មោះស៊ូ ហ៊ី ធ្វើសកម្មភាពចាប់រំលោភ រហូតដល់បានសម្រេចចំនួន២ដងក្នុង១យប់។ បន្ទាប់ពី ទទួលបានសេចក្តីរាយការណ៍ខាងលើ សមត្ថកិច្ចបានចុះដល់ទីតាំងកើតហេតុ និងបានធ្វើឃាត់ខ្លួនជនសង្ស័យ នាំយកមកសាកសួរ។
ជនសង្ស័យបានប្រាប់ថា នៅយប់ថ្ងៃទី០២ ខែមករា ឆ្នាំ២០១៩ រូបគេបានប្រទះឃើញនារីរងគ្រោះ បានចេញមកដេកតែម្នាក់ឯង នៅចំណុចរានហាលខាងមុខផ្ទះ ខណៈដែលឪពុកម្តាយរបស់នាងសម្រាន្តនៅខាងក្នុងផ្ទះ ទើបធ្វើឱ្យមានឱកាសល្អ រូបគេក៏ចូលទេចាប់រំលោភនារីរងគ្រោះ រហូតដល់បានសម្រេចជាបន្តបន្ទាប់ ចំនួន២ដង ក្នុង១យប់៕
