នៅវេលាម៉ោង២និង២០នាទីរសៀល សពកញ្ញាខេមរៈ ស្រីពៅ បានបូជារំលាយរូបកាយហើយ ដោយលោកខេមរៈ សិរីមន្ត ជាបងប្រុស បានប្រគេនភ្លើងដល់ព្រះសង្ឃ ។ ពេលនោះសំឡេងទ្រហោយំពីសំណាក់បងប្អូន សាច់ញាតិ មិត្តអ្នកសិល្បៈ និងអ្នកគាំទ្រ ឡើងកងរំពងពេញវត្តសំរោងអណ្តែត។
សពខេមរៈ ស្រីពៅ ត្រូវបានបង្ហែចេញពីគេហដ្ឋាននៅម៉ោង១២ថ្ងៃត្រង់។
នៅក្នុងពិធីបូជាសពស្រីពៅ នេះដែរ គេសង្កេតឃើញមានវត្តមានអ្នកនាងចន ច័ន្ទលក្ខិណា និងស្វាមីថ្មី, លោកឡេងណាវ៉ាត់ត្រា , លោកអុីណូ, លោកបញ្ញា សិទ្ធ , កញ្ញា នៅ សុនិតា និងតារាសិល្បៈ ជាច្រើនរូបទៀត។
គួរបញ្ជាក់ថា ខេមរៈ ស្រីពៅ បានទទួលមរណភាពកាលពីចេលាម៉ោង១រសៀល ថ្ងៃទី២៥ ខែមករា ឆ្នាំ២០១៩ នៅក្នុងមន្ទីរពេទ្យមួយ ក្នុងប្រទេសឥណ្ឌា។ ហើយសពស្រីពៅ បានដឹកមកដល់កម្ពុជា កាលពីវេលាម៉ោង៨យប់ ថ្ងៃទី២៧ ខែមករា ឆ្នាំ២០១៩ និងដឹកមកតម្កល់នៅគេហដ្ឋានលោកខេមរៈ សិរីមន្ត។
មុនពេលសពមកដឹកមកដល់ព្លានយន្តហោះនោះ គេឃើញវត្តមានក្រុមគ្រួសារត្រកូល “ខេមរៈ”, អ្នកនាងចន ច័ន្ទលក្ខិណា និងស្វាមីថ្មី, លោកឡេង ណាវ៉ាត់ត្រា និងអ្នកគាំទ្រជាច្រើនឈររង់ចាំ ទាំងមុខស្រងូតស្រងាត់បំផុត៕
