តារាចម្រៀងមាស សុខសោភា បានប៉ះជាមួយតារាកំប្លែងល្បីរបស់ថៃ លោកកូទី នៅឆាកតន្ដ្រី Cool Frezh នៅកោះពេជ្រ កាលពីរាត្រីថ្ងៃទី២៦ ខែមករា ឆ្នាំ២០១៩ ពិតជាធ្វើឲ្យអ្នកទស្សនាជាច្រើនពាន់នាក់ នៅចំពោះមុខឆាកនោះ មានភាពសប្បាយរីករាយជាខ្លាំង ដោយសារសកម្មភាពរបស់តារាល្បីៗរបស់ខ្មែរនិងថៃ ពិតជាមានភាពស៊ីចង្វាក់គ្នាយ៉ាងល្អ និងរស់រវើកខ្លាំងណាស់។
មាស សុខសោភា បញ្ចេញក្បាច់រាំយ៉ាងទាក់ទាញបំផុត នូវបទចម្រៀងល្បីរបស់នាង សម្រាប់ដើមឆ្នាំ២០១៩នេះ គឺបទ ”ខ្យល់” ហើយតារាឈានមុខគេរបស់ផលិតកម្មថោន រូបនេះថា នាងពិតជាសប្បាយចិត្តដែលច្រៀងសម្ដែងលើឆាកតន្រ្ដីជាមួយតារាកំប្លែងល្បីរបស់ថៃ គឺលោកកូទី នេះ។
តារាចម្រៀងដែលមានផលិតកម្មផ្ទាល់ខ្លួន Camtrax មាស សុខសោភា ក៏បានឲ្យដឹងថា ការដែលនាងមានថាមពលបែបនេះ គឺដោយសារតែពេលច្រៀងហត់ នាងញាំ Cool Frezh ធ្វើឲ្យនាងមានថាមពលភ្លាមៗតែម្ដង។
ដោយឡែក តារាកំប្លែងថៃ លោកកូទី ដែលជាតារាស្ពតរបស់ Cool Frezh វិញ បានឲ្យដឹងថា ការដែលលោកមានឱកាសមកសម្ដែងជូនទស្សនិកជនខ្មែរ នៅកោះពេជ្រ នេះបាន តាមរយៈ Cool Frezh ហើយនេះជាដំណើរលើកទី៣ របស់លោកមកខ្មែរ ហើយលោកពិតជារំភើបរីករាយ នៅពេលដែលបានជួបបងប្អូនខ្មែរ មកទស្សនាកាសម្ដែងរបស់លោកយ៉ាងច្រើនកុះករ។
ក្រៅពីមាស សុខសោភា ដែលចាប់ដៃលោកកូទី អង្រួនឆាកតន្ត្រី Cool Frezh នោះ ក៏មានការចូលរួមពីតារាចម្រៀងវ័យក្មេង ដែលជាកូនប្រុសរបស់លោកព្រាប សុវត្ថិ ទាំង៣ មានដូចជា សុវត្ថិ មុនីនាថ , សុវត្ថិ មុនីនាគ និងសុវត្ថិសិរីវុឌ្ឍ រួមទាំងនាយពាក់មី នាយគ្រឿន និងកញ្ញារឿន ណាត ផងដែរ ទើបធ្វើការប្រគំតន្រ្ដីកាន់តែមានភាពអ៊ូអរ ខណៈដែលអ្នកនាងខៀវ សានសាណា និងលោករ៉ាដា ជាពិធីការិនី ៕
